هل أنتي حرمه سنعه تجربتي هنا

1. انا اذا جاني احد فجااءه.....


2. (( خلوها مستووره ابرك )) خ

مراحب ياحباايب
ياهلا والله بكل حرمه شااكه في نفسها انهاا حرمه سنعه ولا لا
حلوه ذي...هع
اليوم انا ابجيب شي جديد
وحبيت اغير شووي من نوعيه الموااضييع واطرح نقاش عام عن حالنا احنا الحريم المتعودات
على الدلع والرراحه
وامهاات النووم الطويل
وبعد كل هذاا تدروون وش اكتشفت فيني؟؟؟
اني حرمه معجره من بدري خ
طيب ابقوول لكم اول شي سبب فكرتي اني اطرح هناا هالمشكله اللي فيني وفي اغلب كل بيت
قبل كم يووم بعد ماطقيتها نوم من الساعه واحده ونص لليل الى ماشاء الله قريب الظهر
قمت تنشطت ابسووي غذااء لابو الشبااب فقلت في بالي وش رايك تسويين حلى مع الغدااء لاجل العصريه نتقهوى للعلم اني فااشله في الطبخ واذا جيت اطبخ ماخلى ولا سكين في الدرج ولا ملعقه لاني الاخت الطبااخه عجزاانه تطبخ بسكينه وحده ولا ملعقه وحده؟؟؟ لا خلاص الشغاله تنظف النحاس
احمدوا ربكم طبخت بس
ابكمل السالفه خلصت الغداء قمت اسووي الحلى
خلصت وخليت المطبخ كان فيه قنبله...
في هاللحظه حسيت اني فرحاانه وابي اتشقق من الفرحه لاني طبخت غدااء وسويت حلى في نفسس الوقت؟؟؟
لعنبوا ابليسك.... امي الله يحفظهاا كانت غداء كذاصنف وفطاير مع الشاي وماتخلي شي في المطبخ وماكانت وقتها عندها شغااله؟؟؟
للعلم يابنات ولكل ام عندها بنت ترى امي كانت مدلعتنا لا طبخ ولا شغل ولا شي اهم شي دراستنا.... ويوم تزوجت قسم بالله قهووه ما اعرف اصلحهاا؟؟
عشان كذا قلت باذن الله بنااتي من يوم تكمل اربع سنين ابدا اعلمهاا كيف ترتب البيت وتساعدني وتسااعد اخواتها
انمي فيها حسس المسؤؤليه
نجي نكمل لموضووع عجزي....
اليوم طالعت في يدي ولقيت الشعر طالع فيها واطالع في الدولاب والقى حلاوه تنتييف
كان يجيني العجز..... يازين ام خالد بس اتصل عليهاا تجي تشيل الشعر وانا اشرب شاي خ
قلت لكم عجزت من بدرري<< بالله جيبي لي فكس ابهمز رجولي
جدتي ماشاء الله عليها كانت تقووم من الصبح ترعى الغنم وتحلبها وتجي ترتب البيت وتطبخ الغدااء
وللحين يارب احفظهاا بصحتها
وانا اظن اذا طخيت الثلاثين
بيجيني الروماتيزيوم
وهشاشه العظاام؟؟ لييه
لا اكل سنع
ولا حركه نشيطه
ولا تمااريين
قولي ايام زماان يطلعوون الجباال تعتبر تماارين
واكلهم التمر
والعسل
السمن
انا اذا اخواتي جابولي معمول ولا تمر اقوول بالله خلي العيال يجيبون لي جالكسي...
انا الحين ابتكلم عن العجز والفوضى اللي فيني
كل حرمه وبنت تقوول لناا اذا راحت الشغااله من عندك كيف بيكون حالتك؟؟؟
بالنسبه عندي اقعد ابكي اخرر الليل من التعب لاني ماعودت جسمي على الشغل
احس اني من دون شغااله ما اعيش؟؟ مع ان ماشاء الله اختي الكبيره ماعندهاا شغاله وماشاء الله عليها نشيطه واذا زرتها فجاءه بيتها ماشاء الله مرتب

انا اذا جاني احد فجااءه.....

(( خلوها مستووره ابرك )) خ

قبل فتره قريت موضوع هناا في قسم الشعر عن خلطه تطول وتكثر الشعر واجي انا ككل عاداتي اروح العطار واخم كل اللي عنده واجي اسبووع بالكثير بالكثير ثلاث اسابيع بعدين اطالع في المرايا واقوول استغفر الله ماصار فيه شي يزيين النووم بس بلا زيت بلا هم بلا ريحه....
رجع فيني العجز والكسل من جديد
وحالي كذا كل ما ابي اهتم في نفسي اقعد عليهاا فتره ثمن اتركها
يعني وبعدين وبعدين؟؟؟ الى متى والعجز فينا؟؟؟
تدرون وش قررت وشسوويت
اول شي بما اني فااشله في الطبخ واغلب الاكل نشتريه من برى او الشغاله تطبخ قررت قررار اني اشتري كتااب طبخ
والله والله والله ياطحت على كتااب اسمه (( نخبه الاطبااق)) الله يسعدها ام عبد العزيز مثل ماساعدتني
يابناات صرت طبااخه وزوجي مو مصدق عينه وش اكل ووش حركات حتى ماصرت اطلب حلى من برى لاجاتني حاله العجز خ
صررت اكره كل حلى جااهز يازين الكتااب بس
كل بنت ماتعرفه او ما اشترته ترووح الحين وتشتريه وتدعيلي من قلبهاا
ثاني شي بما اني حالياا ماعندي شغاله مع العلم اني تعبانه من الحمل بسس خلاص مافي دلع وكسسل
ابي عظاامي تتقوى..
كلمت لي شغاله تجيني ثلاث مرات في الاسبوع.... منهاا انا بنفسي ارتب بيتي
اعود نفسي على الشغل
طبعاا مو للابد ترى الشغاله فرد من العاائله لابد منه خ
بس لاني انا ابعود نفسي ابعلم نفسي كيف ارتب واطبخ واكنس وانظف في نفس الوقت
(حااجه مهمه)
اذا ابطبخ شي ما احووس المطبخ واخلي كل ملعقه تقوول يالهووتي............
اخيرا قررت اني اهتم بنفسي برناامج عناايه لجمالي<<امحق
واذا جاء يوم وتكاسلت وراح يجي
اقوول في باالي لاتبكين
اذا عرس عليك ابو الشبااب<< ياقويه
شفتوا كيف والله مايحرك الحرمه الا الحرمه............. خ
وقلت لاخواتي وامي اذا بتجون عندي زياره اتصلوا علي وانتم في السياره بسس تاكد اني موجوده
عشان اعطي لنفسي درس اني اكون مرتبه بيتي ومستعده لكل شي.......
بس ابو طبيع مايترك طبعه رجع لي العجز واتصلت على ام خالد وجاتني خ
يالله ياحريم ويابنات كل وحده تكتب تجربتها مع العجز والكسل وعبااره ماشبعت نوم اليوم
اللي نكررها اذا جات في بالنا شغله
وكيف تغلبت عليه ولو جزء بسييط منه
انتظر ردودكم
وتعلقيااتكم
بصدر رحب
واللي تقول بعدين ارد
اقول لها عجزتي من بدري ...خ