هل تقسيمي لمهري صحيحاحتاج مشورتكم

بليز ساعدوني يا صبايا ما عندي وقت كتير
شكرا

طيب حنا مانعرف بالدرهم
......

ولا انا ما اعرف بالدرهم
الله يوفقك ويتمملك على خير

طيب هوا الدرهم نفس الريال السعودي طبعا..طيب ياقلبي المكياج والعطور هل حطيتيلهم شي ..انا اشوف 8 الااف كثيره للملابس لانك بتشترين بعد الزواج ويمكن يتغير جسمك فلا تكثرين ابد كثري قمصان النوم..م 5 الآآف تحطيها للزمن ليش ؟؟ زوجك ان شالله مومقصر معاك في اي شي وبتكون لك نفقه ومومعقوله راح تصرفين بعدين قدامه و5 ماتستاهل انك تخبيها ممكن تجمعين من النفقه اللي يعطيك اياه تخبين شوي شوي الين ماتجمعي بس بداية زواجك ان شالله ماراح تحتاجين لها ..فأحسن اشتري فيهم عطورات للجسم شي يخصك انتي يعني.. المهر قليل ولكن فيه البركه ان شالله ..فأنا برأيي لاتخبين شي واصرفيهم على نفسك هو معطيهم لك عشان يشوفك احلى وحده بعينه وانتي تخبين ؟؟؟
يعني بس ملابس وذهب ..لا في حاجات كثيره لازم تقضيها جزم الله يكرمك ..فساتين يعني فستانين يكفو ..ان شالله بالتوفيق يارب ,,والله يسهل عليك ,,وخبرينا وش يصير معاك

طبعا انا مخصصة 8000 للملابس والشغلات الاخرى ذاكرة بموضوعي يعني اكسسوارات عناية بالبشرة والجسم كل شي كل شي يعني 8000 وال12000 للذهب هادا قصدي حبيبتي و5000 مخلياهم اشتري من السعودية شغلات الدرهم الاماراتي مثل الريال السعودي مو يضلو للزمن استثمرهم او اشارك فيهم بشغلة يعني او آخد دورة فيهم او اخليهم لشغلات لقدام ممكن اساعد زوجي لو صار شي لاسمح الله اكيد هو ما بيبخل علي بشي طبعا بعرفو حبيبي انا الله لا يحرمني منو....وعلى فكرة مهما كان المهر قليل ولا كثير احنا يا الصبايا بنشتري بلاوي ههه بس الله يباركلي بحبيبي ورفيق عمري وما بدي اي شي تاني المهم الراحة النفسية والله العظيم ويكون يحبك ويخاف عليكي اكتر من عمرو
وبستنى المزيد منكم

ماعرف حاسه انه تقسيمك مره غلط
يعني حطيتي في اعتبارك اشياء ونسيتي اشياء مره مهمه
اول شيء مهرك متوسط يعني ماعتقد راح يكفي انك تأخذين منه للزمن !!
لو انك من محبين الذهب خلي عشره الالف ذهب
باقي 15 الف هنا قسيمها من بعد ما تحددين سعر فستان فرحك
يعني لو بتأخذين فستان بخمسه الالف يصير معاك عشره هنا العشره راح تقسمينها
خمسه الالف ملابس ( ملابس زيارات وبيت وملابس نوم وبجايم وشباشب بيت واكسسورات وغيرها ) وحاولي تأخذينها وقت تخفيضات لان كمان خمسه الالف ماتكفي
الفين خليها عطور وميك اب وكريمات ( مع اني ماعتقد ان الفين راح تكفي للعطور وميك اب
انا كلفي الميك اب والعطور في فرحي 3500 الالف
المهم باقي الفين خليها للكوفير لان انتي زي ماقلتي فرحك بجده وكل مشاغل جده تزبط عرايس اقل اقل شيء 2000 ريال ومافوق
يصير كذا مهرك بح خلص
وحطي ببالك يبغالك مبلغ للتنظيفات زي الحلاوه والحمام المغربي وغيرها
وكمان حطي ببالك لازم تأخذين من الصيدليه اغراض تمشي حالك في ايامك الاولي لين تتعودي على زوجك وتطلبي منه اشياء من الصيدليه زي الفوط وفرش ومعجون للاحتياط .. ومزيلات العرق ووالفوط اليوميه .. ومعطرات للفم وغيرها زي بودرة جونسون .............. والكلام هنا يطول
بجد الله يعينك انا مهري 40 الف وماكفاني اخذت من اهلي 40 الاف صار ثمانين الف والحمدلله مشيت حالي
بس انا مهري ما كفاني لاني اخذت اشياء كثيره وجهزت تجهيز كامل الحمدلله وغير كذا فستان فرحي مره كلفني وصل لحدود 20 الف غير مصاريف الكوشه والاكسسوارات والتنظيفات
بجد الله يعينك
اهم شيء تمشين على ميزانيه عشان لا تتورطين
وبالتوفيق

الحمد لله والشكر البنت راضيه بمهرها والله يبارك لها فيه انتي ليه تغيرين جوها ....
بالعكس ترتيبها حلوو مرره وذكيه بتقسيمها
والله يعطيها على قد نيتها...
و8 الاف ملابس واكسسوارات وميك اب تكفي ليه
لانها قولي بتاخذ 6 ملابس والفين الكماليت والوحده على قد الي معها تشتري مو لازم الا من كل الغالي...
اهم شي السعاده.... واذا ودها تخلي شي لها فهو افضل من صرفها بالخرابيط...
واذا بخاطرها شي تبي تكشخ تصرفها....
الله يسعدك...وحياك عندنا

تسلمين حبيبتي على كل هالشرح بس بدي اوضح يمكن عاداتنا غير عاداتكو كل شعب بيختلف
الحين المهر الي معي ما بيتضمن فستان العرس ولا شغلات العرس كلها يعني بس اشتري شغلات لي بس باقي الشي بجدة من العريس وكلو مدبر لانو خوات العريس عندهم صالون بجدة لكل شي يعني كل الكوافير والحمام المغربي هدية منهم والتصوير وكل شي يعني انا بس علي شغلات الي من ملابس وخلافو كل انواع الاغراض من الصغير للكبير.... وهو حتى جايبلي علبتين ماكياج للعرايس وانا حجيب شغلات بسيطة للميك اب وان شاء الله يكفيني
وبستنى ردودكم الحلوة واللزيزة وشكرا كتير للي ردو علي

الموضوع مفيد للصبايا الي مهرهم قليل ارجو من الحلوات الباقيات المشاركة لنفيد الجميع