هل لديكم حل ولدت بطفل وبعدها اكتشفت ان لدي طفلين

بيتعود

وَعليَكمَ السلْام وَرَحمْة اللَه وٌبَركَاتهَ
الْحَمْد لِلَّه عَلَى سَلَامَتِك وَالَّف مَبْرُوْك
طَلَّة حَمّوْدِي عَلَى الْدُّنْيَا
قَلْبِي زَوْجَك خَايِف انَّك تِنْسِيْنَه وَتَهْتَمِّيْن فِي وَلَدِك
هُو مَع الْوَقْت رَاح يَتَعَوَّد عَلَى وُجُوْدِه فِي حَيَاتِكُم
بَس شُوَي شُوَي
وَالْلَّه يُخْلِيَه لَك يَارَب وَيُخَلِّيك لَه

ههه
اول شيء الحمدلله على السلامة ..
ويتربى بعزكم يارب ..
ثانيا حاولي تتقربين من زوجك كثير حتى لو انتي قريبة حاولي اكثر ..
وهذه ردة فعل طبيعية يمكن ولدك ينكد عليكم الاوقات الخاصة عشان كذا زوجك مو عاجبه الوضع وحاس انه مبسوط لما يكون بعيد عنكم ..
ومو غلط لما تجاريه وكل فترة تتركيه عند ام زوجك وتطلعوا تتمشوا او حتى تسهروا بالبيت ..>>بس لاتتركيه اكثر من يوم كامل لانه طفل ومحتاجك مهما كان ..
وربي يعينك وفترة وتعدي >>مجربتها ...
اي سوال او استفسار حاضرة لك ...

الف الحمد لله على السلامه يام حمودي الله يحفظه لك
زوجك اكيد بيصير مو متعود على الوضع الجديد بيبي وقله نوم وازعاج
لاكن انتي قدام زوجك قللي اهتمامك فيه من شان بس مايحس انك تغيرتي عليه
واعطيه جرعات حب وحنان بيصير اوكي وماراح يفكر ان حمودي اخذك منه

صعبه تتركين ولدك عند الشغاله هذا صغير لازم يكون يكون تحت رعياتك واهتمامك وصعبه بعد تغثين جدته تعرفين الاطفال في هالسن ماانتظم نومهم وكل شوي قايمين وهي حرمه كبيره بالسن
قولي له لاماحب ازعج امك هي كبيره بالسن الطفل محتاج لي انا ولحناني
وتراه فتره وتعدي وخليه يتعود عالوضع

زوجك مايحب تهمليه
خليك معاه لما يكبر
ههه
لا حبيبتي عادي بيني له انه هو كل شي بحياتك وان حبك لولدك لأنه يشبه ابوه وامدحيه وقولي لن شاء الله يطلع مثلك بالخلقه والاخلاق
والله يسعدكم

و عليكم السلام و رحمة الله و بركاته ..
حمد لله على سلامتك و مبروك عليكم حمودي و يتربى بعزكم ان شاء الله ..
يقولون شر البيله ما يضحك .. الله يعينك على تربية اطفالك و جعلهم من الذريه الصالحه امين ..
حبيبتي .. زوجك يعشقك لحد الجنون .. و لهذا جن من حمود .. فهنيئاً لك بهكذا زوج .. و ادام الله بينكم المحبه و الود و الالفه ..
نصيحه .. لا يبات طفلك في اي بيت اخر غير بيته .. مهماً كانت علاقته بالبيت الاخر .. سوء بيت جدته او خالته .. الخ .. ممنوع يبات في بيت غير بيته ..
نجي الحين الاسباب .. ليش ممنوع ..
اولاً .. لانك بهالطريقه تساعدين قلب زوجك يقسى على طفله اكثر ..
ثانياً .. طفلك في ايامه الاولى .. و مافي اي انسان في العالم ممكن يكون اكثر حنيه عليه منك .. محتاج لحضنك و ايضاً لحضن و حنان ابوه .. طفلك الان يتعلم من امه و من ابوه و من هي عائلته .. و هالشيء يكتشفه عقل الطفل مع الايام الاولى من حياته من احن الناس و اقربهم له .. فلا شاف جدته احنهم له, عقله بيقوله ان هذي امك .. اكيد ما تبين هالشيء يحدث ..
ثالثاً .. كل يوم في حيات طفلك تحصل احداث جديده .. و هالاحداث لا تعوض باي ثمن .. فلا تخسرون تتبع الاحداث الشيقه في حيات طفلكم و خاصتاً انه البكر .. بتفوتكم اول خطوه له .. و اول كلمه له .. و اول يوم يمسك فيه رضاعته بنفسه .. و اول يوم يقعد .. و اول يوم يحبي .. و اول ميلاد في حياته .. و اول لقمه له غير الحليب يعني ,, حرام و الله هالشغلات تفوت اي اب و ام .. حرام .. و قد تكون اول كلمه له تاتا بدل ماما او بابا لانه يعرف جدته اكثر من ماما و بابا ..
رابعاً .. انتم الان عائله و زوجك يجب عليه ان يكون متحمس و متقبل للفكره .. صحيح صعب عليه يتعايشها و يتقبلها الان, لكن لابد تساعديه و انتي ببعدك عن طفلك ما تساعديه انه يتقبل فكره الطفل ابداً ..
كيف ممكن تعالجي الوضع ..
اخطي خطواتك بتدرج .. و اتبعي علاجك من الاهم فالاهم .. و اهم الاهم ان تكون لك خصوصيه بينك و بين زوجك لهذا حاولي ان تسوي غرفه خاصه لطفلك في البيت بدل ما ينام وياكم في الغرفه .. و فيه الان تقنيات ممتازه جدا ممكن تستفيدي منها لجل تراقبي طفلك في غرفته و من هالتقنيات ال baby monitor طبعاً عباره عن جهاز رصد للاصوات مثل حجم الموبايل .. تحطين واحد منهم في غرفت البيبي .. و الثاني يكون معاكِ ولو طفلك قام من نومه بيوصله صوته و بهالطريقه ممكن تعتنين به و تاخذين مساحتكم الزوجيه انتي و زوجك .. و بنفس الوقت طفلكم وياكم في نفس البيت و انتي الي تعتنين به مب جدته ,,
و بعد في نفس ال baby monitor مع شاشه TV صغيره .. استفيدي من هالتقنيات لجل تعطي زوجك حقه في الوقت و الحب و بالتالي ما يحس ان الطفل اخذك كلياً منه ..
حاولي انك تحببي زوجك في طفله .. و هناك حيل جميله و كثيره ممكن تتبعينها على خطوات بالتدرج الى ما توصلي للحب الابوي الحقيقي .. و مثال على الخطوه الاولى: خذي صوره جماعيه لك و لزوجك و لطفلك .. بروزيها بشكل جميل جداً .. و اكتبي عليها بخط كبير و مرح .. we are one happy family .. ضعي الصوره في مكان يراه زوجك كل يوم مثلآ باب الثلاجه .. او مدخل غرفتكم .. زوجك راح يفكر بالمكتوب و كل يوم راح يشوف الصوره و المكتوب عليها الين يعتنع ان اوه صحيح هالطفل شيء جميل و هو من العائله بل هو قطعه مني ..
و مثال على الخطوه الثانيه: حاولي في يوم عقب الغدا مثلآ في وقت التقهوي تتشيكي و تشيكي طفلك .. و لعبيه جنب زوجك و خلي و كأنه يكلم ابوه و قولي له .. بابا انا اموت عليك و احب اقعد وياك انت و ماما و اوعدك اني اكون عاقل بس تكفى تكفى لا تردني و خلني اعيش وياكم .. و الله لقعد عاقل و ما اقاطعكم ابداً ابداً ابداً .. و خليه يبوس ابوه بشكل مرح .. و اطلبي من زوجك انه يشيل ابنه و تاملو اثنينكم بهالشيء الجميل و قولي يا الله يشبه لك بشكل فضيع .. عسى الله يخلينا لبعض امين .. و نامي على كتف زوجك و هو ماسك ابنه و قولي له .. تدري حبيبي .. انا نفسي هالطفل يطلع لك بكل شيء .. بعلمه و بشكله و باخلاقه .. تدري ليه .. اكيد بيقول ليه .. اقعدي و ناضري في عيون زوجك و قولي له و انتي مبتسمه وواثقه من كلامه 100% : (لانه ابنك و انت احلى رجل في العالم وودي ان ابنك يكون مثلك لجل تفخر به بكره و تقول هذا ابني في وقت تخرجه من الجامعه او زواجه تتخيل يا الله يا زين هالاحساس .. الله يوصلنا للعمر الي نشوفه يتخرج و يتزوج و نشوف احفاذنا) .. اكيد زوجك بيتامل بصمت و بيفكر في كلامك و بيبتدي يتخيل و يقتنع ان .. اوه صحيح انا لابد اربي ابني لو ابيه يطلع شخص نافع و يحبني و يتعلق بي مب في امي ..
مثلاً على الخطوه الثالثه: ممكن تسوي شغلات مرحه في البيت و تعيدي البسمه للمنزل بوجود البيبي مثلاً .. في اماكن تصوير يسوى لك التي شيرتات بصور .. خذي صوره لابنك و صوره لزوجك .. سوي تي شيرتين واحد لابنك وواحد زوجك .. التي شيرت حق ابنك حطي عليه صورت زوجك و تي شير زوجك حطي عليه صورت ابنك .. و اكتبي على تي شيرت زوجك تحت صورت ابنك او فوقها .. هذا الشبل من هذا الاسد .. و على تي شيرت ابنك تحت او فوق صورت ابوه اكتبي هذا الرجل قدوتي في الحياة .. هالتصرف راح يزيد زوجك ثقه في قدراته على تربيت طفلكم افضل تربيه ..
و حركه مرحه اخرى ممكن تكون .. هناك مخابز يسوون برضو حكايه الصور على التورتهات .. سوي وحده و حطي عليها صورت ابنك و اكتبي عليها بابا هالهديه مني لك ذوقني قد ايش انا طعم نفسي اذوق طعامتك يا احلى بابا في هالدنيا .. لبسي ابنك و كانه شيف .. و لا جا ابوه من الشغل و سلم عليكم اكيد بيكون جوعان بيسال عن الغدى .. قولي ما امداني اسوي شيء ياخوي, يا ربيه يا ربي ولدك اليوم جنني جنني الا و الا يبي يسوي لك شيء يحبه قلبك .. عجزت فيه يا ولد اقعد, ماهو راضي و قام حاس المطبخ حوس و سوى لك توته .. اليوم الرجال بيستغرب وش تقول هالحرمه .. هاتي ابنكم و هو لابس قرافا و بدله بيضا على اساس انه شيف و اسحبي زوجك للمطبخ و تكلمي بصوت ابنك و قولي شوف بابا انا سويت لك هذا تعبير عن حبي لك و بوسيه ابوه .. اكيد دموعه ما راح يتمالكها و بياخذ منك البيبي و يقعد يبوس فيه .. و هنا ينابيع الحب بتكون تفجرت بين الاب و ابنه .. و هنا بتكوني وصلتي لمرحله الحب و الاحساس بمتعت الابوه ..
و لجل تضل هالينابيع تجري ماء حب و الفه .. اطلبي من زوجك احيان انه يتحمل مسؤليات طفلكم مثلاً تقولي له .. حبيبي ممكن تسوي له الحليب على طريقه و هو رايح للمطبخ ( و لا تنسين تعلميه المقادير ) .. او مثلاً حبيبي الله يرضى عليه تعال ساعدني في تحميم ابنك ( و استخدمي ابنك كثير نيابتن عن اسم البيبي ) .. او ممكن يا ابو حمودي تبدل لحمودي هدومه و لك مني و من حمودي احلى بوسه يا احلى حبيب اكيد ما راح يردك .. و هكذا لجل يحس بالمسؤليه نحو طفله .. بس لا تستخدمي هالتكنيك الا ما تحسي ان زوجك حب ابنكم و تعلق به كثير لان لو استخدمتيها في مراحل متقدمه قد يضيق منه ذرعاً ..
ممكن تبتدي هالمرحله باختبار سريع اي انك تبادري بطلب بسيط جداً لتعويده مب شرط شيء صعب و معقد .. مثلآ .. تطلبي من زوجك انه يساعدك في تحميم البيبي و في نهايه التحميم تقصدي انك تبللي زوجك .. اكيد بيتضايق شوي و بينافخ قولي كان حادث اسفه خذلك دش سريع احسن لك .. و روحي لبسي ابنك و شيكيه و لو زوجك ما اخذ دش اقلها بيغير هدومه المبلوله .. او ممكن تحطي عليه شامبو على شعره و قولي لا دموع بعد اليوم اكيد غصب بيتحمم و بيلبس و راح يجلس و هو زعلان منتظرك تراضينه .. قعدي ابنه جنبه و قولي يختي عليكم يبي لكم صوره .. فديتكم تجنوون يا عسى الله يحفظكم .. عرسان في ليله عيد .. ما بقى الا انا في البيت اتحمم يعني اها .. اجل ونسو بعض على بال ما اخذ دشي و نزف بعض كلنا .. و هالشيء راح يحسس زوجك انكم عائله و سويتو شيء جماعي ويا بعض .. و بالمره تعطين زوجك فرصه انه يقعد ويا ابنه و يتعامل وياه .. بس لا تطولين عليهم ,, الين ما يتعود يمسك ابنه بروحه .. و يتعود لتحمل المسؤليه اكثر ..
و ان شاء الله تعالجي وضع علاقه زوجك و ابنك و يكونون توئم روح لبعض .. عذاً لاطالتي .. تاقلمت مع الحكاوي لان امي كانت تعاني نفس المعاناه و لكن بالاتجاه المعاكس .. اي كانت تحاول تحبب اخي الصغير بابي .. و استغليت بذكر كثير من تكنيكاتها المدروسه مع اخصائيه نفسيه ..
دمتي برعايته ..

الف الف مبروك جيت حمودي على الدنيا
والحمد لله على سلامتك يالغلا
شوفي حبيبتي لازم تأخذي ولدك لانه ياحرام لسه محتاج لحنانك وصغير ومو داري عن الدنيا
اما زوجك مصيره يتعود وحاولي تهتمي فيه وما تخليه يحس بفراغ

مع الأيام بيتعود
ومبروك