هل لي حق يوم طلبت الطلاق ولا مامعي حق ارائكم بعد ماتقرون قصتي

1. قلت ماكثر الله الا الصرافات ولك اهل ولي اهل اذا نقصنا ندبر


2. مستشفيات">وبعدين والحمدلله ع النعمه ماعمري دخلت مستشفيات

بسم الله الرحمن الرحيم
كيفكوم اخواتي ؟
خواتي انا بقولكم عني من تزوجت لين اليوم وابي تقولون معي حق ولا لا؟
انا انخطبت خطبه تقليديه بداية اخطبه وافقت من قناعتي لان ابوي يشوف به كل الصفات الحلوه ولان ابوه طيب
انا اقتنعت بكلام ابوي ووافقت بعد فتره حسيت بعدم راحه قلت لاابوي يبه انا ماابيه خلاص قلهم البنت مو موافقه ابوي قالي طيب لك الليي تبين
بس ابوي راح يضغط ع امي وامي صارت تضغط علي وبالنهايه وافقت
علما انا عمري كان 19 والحين 20 لان مر ع الزواج سنه وهو 28
وهو يشتغل عسكري بالرياض وانا من حايل وادرس كليه>>هنا المشكله
تزوجنا ع خير وهو طيب الحمدلله سافرنا شهر عسل اقل من اسبوع وخلص شهر العسل وقالي انا بروح للرياض لحالي وانتي اقعدي عند اهلك وانتي عارفه ظروفي واقصادي ومن هالكلام ومااقدر ع ايجار الشقه
انا ابد ماعارضت قلت لك اللي تبيه والمره اذا ماوقفت مع زوجه مع من تاقف المهم صار كل اسبوعين او ثلاث يجيني يوم واحد بس ويروح عشان الدوام واحيانا يقعد يومين وبس مرتين خذا 5 ايام
ا
لمهم مثل ماانتم شايفين هو مايجي الا كم يوم ويروح ولا جاء اهله يناشبونا ودنا وتمش بنا ونبي ومانبي انا سكت ع الوضع مايقارب 6 شهور لاكني مليت رجلي مااشوفه الا من وين لوين ولا جاء من مشوار لمشوار المهم ناقشته بالموضوع ووعدني يصلح الامور خلصنا من هذا الامر
المهم عطلت انا اللي هي هذي العطله ومر على زواجنا عام وحنا ع الوضع هو بديره وانا بديره طبعا كان يقولي بااخذك بالعطله ولم عطلت قلتله هاه متى تستاجر ومتى>>كنت احلم
قالي هو لا اعذريني مااقدر ااخذك مقدر ع المصاريف ومادري كيف ومادري كيف هنا مشيت الوضع قلت كيفوه
بعدين الناس دبلو تسبدي وين رجلك ووين رجلك وليه ماتروحين معه وليه ماتروحين معه
هنا قفلت واحس كااني صحيت فعلا ليه ماياخذن ليه ماياخذ اجازه ويجي عند اهله لامصروف شقه ولاهم يحزنون
لما جاء قلت اكيد قدمت ع اجازة الشهر اكيد مسويه لي مفاجاءه قال لا ماقدمت قلت ليه ماقدمت قال سالت عنه وقالو مكتفين قلت 8 و9 و10 معقوله مافيه قال لا محجوزات قلت طيب حاول دبر منا مناك ودامك عارف ان الاجازه بسرعه تحجز ليه ماحجزته بدري قال مادري قلت من اللي يدري المهم قال انتي تفكرين الحين وانا افكر تبقى هالفلوس لا تقاعدت القاه
هنا كانو عطاني كف قلت كل هالبعد اللي بينا المفروض تدور فرصه نقترب فيها وهو يفكر بعد 15 سنه
سكتت راح للرياض ورجعت لاهلي
كلمته هاه شرايك نحسب راتبك عشان تستاجرلي شقه بس بالرمضان قال احسبيه واقعد احسبه قلت هه كفى وناسه قال هو طيب تخيلي انمرضتي منين ابصرف عليتس>>رحمت نفسي حسيت اني راميه نفسي عليه

قلت ماكثر الله الا الصرافات ولك اهل ولي اهل اذا نقصنا ندبر

مستشفيات">وبعدين والحمدلله ع النعمه ماعمري دخلت مستشفيات

قال لا لو امرضتي ومدري كيف وعذر اقبح من ذنب كنت ابكي من كلامه كنت اقول انا من حقي اعيش معك من حقي انت تكون مسؤل عني من حقي اشوفك كل يوم من حقي اطلب قربك ومن حقي انك ماتتجاهل حقوقي وابسطها اني اعيش معك لو يحبن فعلا دبرلي يضحي عشاني بشهر لو يتسلف من اخوه او صديقه بس كان عذره هالوقت محد يسلف وقللتله انا ماطلبتك السنه كله انا طلبتك شهر حنا من تزوجنا اسبوع كامل ماجتمعناوه
ع الاقل سكت الناس اللي قامت تتكلم فيني وهو عنده علم ان الناس تتكلم المفروض مايرضاها لي
وبعدين قلت طيب انا اعطيك قال لا لاتصرفين فلوسك خليهن وقت الحاجه وخلاص انا مااقدر اجيبتس>>طبعا من النوع اللي عادي ياخذ فلوس من المره
لاكن استغربت ليه قام يسكرها بوجهي قفلها من جميع النواحي واعذاره كله مو مقنعه هنا قلت يعني منت جايبن قال لا قلت ابي طلاقي وسكرت الخط دق بس كم مره والحين فوق الاسبوع لا ادري عنه ولا يدري عني ولا سدد جوالي ولا ارسلي مصروف ولا رد لي باي شي
وغير كذا كان بس يرسلي 50 بالاسبوع يقول عشان ماتخربطين بالفلوس بس شهر سبعه بعد ماقلتله مايكفنن ومدري ايش عطاني 500>>كنت رحومه معه وطيبه ومتعاطفه وصابره لاني احبوه والحمد لله وهو يحبن والحمدلله لاكن مااشوف من حبه الا كلام ويوم جاء اثبات الحب بالفعل ماللحب عندوه اي وجود واكتشفت انه بس كلام
رحت وقلت لاابوي انت زوجتن ع ضمانتك ومر سنه وانا بديره ورجلي بديره وغير كذا مقصر معي بكل شي مصروف ماكل ملبس
ويوم طلبته شهر قام يتعذرلي بااعذار ماتدخل المخ والمفروض من غير مااقوله من بداية العطله ماخذني معه خل هذي
تخيل يوم قلتله مااخذت الاجازه قال انتي تفكرين بالعطله وانا افكر بفلوس التقاعد ويايبه انا صغيره وماابي اتمرمط من صغره هو استهان كثير بحقوقي
حتى اني ابيع من ذهبي عشان اصرف على نفسي وماابي اضغط عليه ولا اذا نقصوه شي رحت وشريتوه له وقدمته على شكل هديه وكنت معه طيبه حيل وقلت انا من حقي اعيش ببيت له استقلاليته له كيانه له سعادته له تعاسته انا من حقي اتصبح واتمسى بوجه زوجي السنه كله لاكن انا طلبته شهر واحد مو قادر عليه يبه عاجبك حالتي كل اسبوعين ولا ثلاث انقل قشي يوم بس حق يقضي حاجته ويقنعني باسلوبه وارجع عندك فوق الاسبوعين عاجبك بنتك يتكلمون الناس عنه بكلام ماله اي صحه قلت يبه انا ابي اتطلق اذا شهر قام يتهرب لو اقوله سنه وش بيقول ابوي حس بالذنب وقال لك القرار يابنتي
وهل انتم تشوفون معي حق؟؟
افيدوني ..U]