هل يحق للزوجة تفتيش جوال زوجها

لايابعد عمري مو من حقها تفتح جواله ,,,وهي أكيد ماترضى أنه يقعد يقلب بجوالها,,لأنه حركات متطفلين.....واللي ماترضاه على نفسها لاترضاه على زوجها...وتجيب لنفسها القلق,,,

اذا هو رافض عادي من حقه مالي حق افتش انا اصلا ضد اني افتش ولاعمري فكرت اني افتشه وبعد اراقب ..وحتى هو ماله حق انه يفتش واذا قال ابغى عادي.. كل انسانه وخصوصياته وهذا الشئ راجع للزوجين ومدى تفاهم ومدى الثقه اللي بينهم ..والله احيانا احنا يالحريم نجيب وجع الراس لنفسنا بمدى تملكنا لزوج ..وعلى فكره التجسس حرام يعني اللي تراقب من وراء زوجهاا وهو رافض..

اختي بأي حق الزوجه تفتش جهاز زوجها او العكس؟؟؟؟؟؟؟؟
اذا كان من باب الاطلاع مع علم الطرفين والكل راضي
فعادي ماشوف فيها شي اما انو يكون من باب الشك فمن رايي ان هالشي بيولد مشاكل لكلا الطرفين فالباب اللي بيجيك منه ريح سكره واستريح
بالنسبه لي انا عادي يشوف جهازي اشوف جهازه لانو الحمد لله الثقه موجوده
ويعطيك العافيه

والله ماعمري فكرت مجرد تفكير أفتش جواله لكل شخص خصوصياته
وهو لو جوالي جمبه ودق ماناظر من الي متصل
حتى والله أمي وبوي ماأشوف بينهم حركات التفتيش أحسها إعتداء على الخصوصية

هلا اختي
والله عاد انا واكيد كل الناس سواء نساء ام رجال مايحبون التفتيش بس عاد المتزوجون من باب المحبه والغيره يحبون الاطلاع ما اسميه تفتيش
وكمان مو علي طول الخط تطلاع او انها تراقب لا
بس تكون يعني مره تشوف الساعه مره تشوف اش عنده من رسايل حلوه عشان تخزنه لها مره ومره
بس ونفس الشي هوه تري الرجل ما يقبل ابدا انه الزوجه تقفل الجوال برقم سري الاويكون عارفه وعلي اطلاع ولالايش عاد هي لابس تكوني بي حذر ماتطفشيه كل شوي تري الرجال مالهم خلق حتي لو ما عنده شي ان وثقتي فيه لاتثقين في الناس تري بنات الايام مو بسهلا ت يا كافي
الوحده كانها جني تبي الواحد لو من الهواء انتبهي .

شاكرة مروركم

مرحبا....
والله " زرعت الود و قلم شاعره " كلامهم ذهب ماقصروا
الزوجين اندمجت بينهم الارواح والانفاس والاجساد والافكار وكل ماهو ادق من الخصوصيه يمكن مايطلعو عليها اهلك او امك واخواتك
ورب العالمين اسماه "الميثاق الغليظ "
واذا على الجوال نقول خصوصيه "اي عقل ومنطق يقبلها
ارفض مبدأ وفكرة التفتيش رفض قاطع لطرفين والثقه هي اساس السعاده
والله لايجيب الشك <<<< اذا دخل البيت يهدمه
ولكن هو مشاركه مثل اي شئ بينهم فقط لا غير.....
وعمري ماشريت جوال اذا هو بيسبب مشاكل والله اسمع مصايب بسبب هذا الموضوع الله يستر ...
هذا رأيي .... وشكرا على الموضوع القيم دمتم بود

بصراحه انا اشوف هالشي عادي مره
والسالفه مو تفتيش او اشك فيه
لكن عادي اطللع عليه اشوف الاستديو اشوف مسجات
وحتى هو اذا بيشوف جوالي مافيها شي
وانا اصلا ماعندي شي اغبييه عنه..
وحتى لو بقوله لاتشوف ولاتفتش راح يشك
وانا نفس الحكايه لو يحط رقم سري وقفل بصراحه بشك فيه
لانه ماقفله الا عنده شي!!وبعدين انا زوجته مابيننا شي جوالي جواله..

just..dream