و تمردت دمعتي

1. لاتيأسون.. ترى الفرج قريب..


2. أول أمس الخميس.. كان يوم نكد جداً علي..


3. الا ويبتدي الليل يرخي سدوله.. وأنا يومي يامطوله..

بسم الله الرحمن الرحيم..
وشلونكم يافراشات؟؟
وشلونكم ياشريكات مأساتي..

لاتيأسون.. ترى الفرج قريب..

أول أمس الخميس.. كان يوم نكد جداً علي..

من صباح الله خير وأنا بمشاكل مع الأهل مدري وش سبايبها ووش مصدرها.. كل اللي أذكره اني كنت سهرانة ومواصلة.. وبالصباح بين الساعة 7 و 8 غلبتني النعسة ودخلت فراشي بأنام.. الا وهالاهل يطلعون لي بطلبات وأشياء مدري من وين هابين علي بها.. وأنا والله النوم غالبني.. والنوم غلاب..
المهم تنكدت وصارت رتوش وخلافات عائلية عكّرت مزاجي كل اليوم.. وتنكدت..
وقررت اني أزعل من الاهل.. واني أجلس بحالي فووق ولا أنزل لهم ولا أشوفهم طوول اليوم.. حتى الزواج اللي كنت بروحه معهم هونت عنه.. ماأبي أحضره>>> لزوم الزعل

الا ويبتدي الليل يرخي سدوله.. وأنا يومي يامطوله..

الا وأروح للشباك وأناظر للعالم الخارجي.. الا وأشوف لك بيت الجيران اللي قبالتنا منوّر.. وناس تدخل وناس تخرج.. وقهوة وشاي.. وسيارة البوفيه.. وشوي توصل ذيك السيارة المشرعة ظاكيد انها سيارة معرس.. والاكيد انه عرس ..
الا وأقضي ليلتي كلها وأنا ع الشباك أناظر في العرس.. مع اني ما أشوف غير رجال لابسين الثياب والغتر والكشخة.. بس عااد ماوراي شغلة ههه
وبحول الساعة 3 الفجر تتحرك سيارة المعرس.. وحولها سيارات يزمرون بالبواري.. قلت أكيد انهم راحوا يجيبون العروس..
حسيت بالجووع ينهش ببطني..تدرون زعلانة ومضربة عن الطعام من طول اليوم.. ولا لقيت من يحن علي ويراضيني ولاحتى يمد لي صحن ويقول لي كلي
توكلت على الله ورحت المطبخ وصلحت لي وجبة اندومي وطلعت لصومعتي من جديد
وبعد ماوصلت لصومعتي وبيدي صحن الاندومي سمعت بواري السيارات مقبلة.. قلت أكيد جات العروس
وجري ع الشباك.. وأناظر.. الا وذيك العروس وهي خارجة من السيارة وكان على الباب رجل شايب ينتظر من أول وحوله شباب..
وأول ماوصل موكب العروس جاء الشايب جنب سيارة العروس..
وأول مانزلت العروس من السيارة الا ويسلم عليها الشايب. وهي تبوس براسه..
انا اللي تخنقني العبرة.. وتتمرد علي دمعتي..
مدري ليه تمردت علي هالدمعة.. العروس ماأعرفها ولا العريس ولا اهلهم.. ولا لي بالزواج كله خير شر..
بس مدري ليه تمردت هالدمعة.. تهقوون صعبت علي نفسي يوم شفت العروس..
ولا شالسالفة؟؟!!!