واخرتها معاك يازوجي

كيفكم بنات
بنات انا ابغى افضفض اذا في احد بيواسيني سامعين يواسيني موينكد علي
قداللي فيني مكفيني تهئ تهئ تهئ
خلص الحين بسرد لكم السالفه ليش مستعجلين نبدا على بركة الله
اولا يابنات مشكلتي اعاني منها من بداية زواجي صارلي الحين ثلاث سنوات ونص
يابنات اخو زوجي ساكن عندي من يوم ماانا عروس والحين عندي بنت ولد يعني زودها جاني وهو يدرس
ثاني متوسط والحين ثاني ثانوي واحس اني مليت وقرفت وطفشت او ل شي صارله ثلاث سنوات ونص
ثاني شي بيتي صغير وانا محكوره بس في غرفة الجلوس وغرفة نومي والمطبخ هااذي حدودي والقسم
الثاني كله له يعني ممنوع الاقتراب بنات احس اغراضي واغراض عيالي وزوجي كثيره ملابس والالحفه وشغلات
لاتعد ولاتحصى وكلها في غرفة نومي الدواليب متروسه وتحت السرير فل ماعد في محل و ملابسنا ماعد
تشيلها الدواليب من كثرها والله يابنات صرت اتصدق ببعض الملابس بالرغم انها جديده بس ايش اسوي زحمه
هذا غير الغسيل والكوي اللي اعاني منه تخيلوانشر ملابسي يالممر الكوي احطه بغرفة الجلوس ورا الكنب
واذا احد جايبغى يزورني اشيل الغسيل حتى لوكان غرقان لانه في المدخل والكوي اشيله انقله غرفتي
كنبي حق غرفة الجلوس انعدم انكرف من كثر الاستخدام احس اني طفشت يعني لو اخوه ماهو عندي
استفدت من الغرفه اللي جالس فيها حطيت فيها دولاب وغسيلي والكوي والله غرفتي صغيره بشكل موطبيعي يادوب تممشين فيها
و مشكلتي الثانيه اهي انفتاحية زوجي يعني زوجي منفتح بطريقه ماتعجبني احسه مايحرص ويخاف علي
بالرغم انه يحبني وانااحبه ومرتاحين بحاياتنا بس اوقات يتصرف تصرفات تضايقني احس انه مسترخصني
مستقلني ماادري ايش بالزبط تخاصمت معاه كذا مرره وتناقشنا كثير ودايما يحط الغلط علي ولا يعترف بغلطه
وشايف انه ماسوى شي غلط وانا احس اني انصدم هااذ كله ومسويت شي
بعطيكم امثله وانتم احكمو مثلا يسمح لاخووه يدخل القسم اللي انا فيه حتى لواهو ماهو موجود مره يابنات
تخيلو كنت نايمه صحي ولدي الصغير طلعت اجيب له مفرش والله ماعلي ولا قطعة ملابس يعني في بيتي
مملكتي والوحده في بيتها حره تلبس ماتلبس بكيفها وناطالعه اخذ المفرش الا واخو زوجي في وجهي بنات
صحت وشعر جسمي وقف وضربات قلبي تسارعت من الخوف والقهر والاحراج اثاري زوجي قاعد عنده
بالغرفه وزوجي اللي خلاه يدخل وهو داخل لادق الباب ولا استاذن ولا اخذ له طريق من قهري رحت قفلت الباب اللي
بيني وبينه بالمفتاح ورميت المفتاح بالسيفون حق الحمام الله يكرمكم وبعدين زوجي يدق الباب يقولي
افتحي يبغى يعرف وش صار قلت له ماراح افتح لك هذا الباب وتعال من الباب الثاني شقتي لها مدخلين
رجال وحريم وجاني من مدخل الحريم وقالي وش صار قلت جاي تسال اسال انفسك انت واخوك وش
صار شايفيني بنت شوارع ولا ايش هنا اخوك ماخذ البيت سردادي مردادر عااد تكلمت ماخليت كلمه ماقلتها
لزوجي رد علي بكل برود ويعني اذا شافك فاجاني صدمني ايش مايغار ماخذ الموضوع عايدي بعدين قالي
هات المفتاح ابغى افك البابلاخوي يدخل المطبخ قتله المفتاح والله مايطلع لو على جثتي وراح كسر الباب وقال لاخوه ادخل
المطبخ وخذ اللي تبغاه انقهرت بعد له عين يدخل بعد الموقف اللي صار فكيت باب غرفتي وقعدت اخاصم اخوه وقتله
لاعد تدخل قسمي ومكاني حدك بالمجلس هذا بيتي ولي حريتي زوجي شد شعري ودخلتي غرفتي
عشان ماتكلم طبعا انا ماكشف على اخوه بس تكلمت من ورا الباب توقعت اخوه بيستحي بعد الكلام اللي
قلته ومابيدخل بس والله يابنات ولاهز فيه شعره دخل المطبخ وطلع والمطبخ يابنات قدام غرفت نومي بالزبط يعني بعيده عنه
بعدها زوجي لماشافني دقيت على اهلي رجع اعتذر وتاسف وانا مشيت الموضوع
بس بنات اخوه دايم يصادفني يدخل قسمي بدون استاذان انا اطلع من بيتي اهو ياخذ راحته يعني اذا بطلع
لازم اشيك على بيتي لي صور لي ملابس يعني الوحده تخاف والمشكله زوجي ماخذ الامور ببساطه هاذا
غير الكرف اللي يلحقني والمواعين الكثيره والله خلص طفشت وتدرون وش اللي قهرني اكثر ان اهله هنا
قبل شهر يحاولون يرسلون الثاني عندي انا وياه في نفس السن 24عمره والولد حق خراب بالمره وهذا بالذات
مرره حركااته بايخه يدخل واناقاعده بالمكان ولا كاني موجوده ويستعرض يعني بصفه عاامه مرره ينخاف منه
وقاعدين يحاولون يرسلونه اهل زوجي يبغون يخلصون من هم عيالهم يرجعون يرسلونهم لنا والله كني فاتحه
بيتي اصلاحيه من جد مليت ومره من المرات زوجي كان جالس معاي وقام راح عند اخوه قعدت نص ساعه
ورحت دقيت الباب حق قسم اخوه مااحد رد علي فكيت الباب وسمعت احد يستحم في الحمام وصوت
المويه وشوبه اخوه فتح الباب حق الشارع وكلمني يطلبني ارغراض بعدين طلع الشارع قلت معناة اللي في ا
الحمام زوجي واستغربت وش اللي خلاه يستحم هنا ليه ماجا حمامنا وقعد الفار يلعب بعبي عند باب
الحمام استناه يطلع لما شفته طول قلت يعني وين بيروح اكيد بيطلع وبعرف ليش استحم هنا رحت عند
التلفزيون استناه يطلع شوي زوجي يوم جا شكله لاكان يستحم ولاشي شكله مبهذل سالته وين كنت
قالي كنت تحت في الشاراع قلت واخوك وينه اناعارفه ان اخوه برابالشارع بس ابغى اتاكد اكثر قالي حتى
اخوي بر كان معاي قلت طيب من كان في الحمام يستحم احزرو من طلع صاحب زوجي انصدمت وزعلت
وتخاصمنا قلت تتركني لحالي في البيت وصاحبك موجود ويستحم في الحمام بعدين زوجي طول برا يمكن
جلس ساعه وزوجي شايف نفسه ماغلط ولاكنه سواشي يثق باصحابه ثقه عميا يدخلهم البيت لما اسافر
يسرحون ويمرحو ن واصحابه كلهم نفس الشي يدخلون حتى غرف النوم تخيلو ااناعن نفسي حطيت حدود
لبيتي اول كنت اسافر بيتي يتحول فندق لشباب بس الحين ولا يحلمون يطبونه مابقالي الا اخوه
بامانه يابنات هلة انا مكبره السالفه ترا في مواقف كثيره من هالنوع بس انا اختصرت ماحبيت اطول
زوجي دايما يحط اللوم علي ويقولي اني متكبره وشايفه نفسي بالرغم اني بالعكس انا اخاف على نفسي
وسمعتي وانا متربيه عند اهلي على حدود مانتخطاها حت الغطا تغطيت وانا سادس ابتدائي وخصوصياتي عند اهلي الكل يحترمها
يعني مو متعوده على الهمجيه