والله اكبر صدمة ف حياتي يابنات ادخلو الله يسعدكم

بسم الله الرحمن الرحيم
بنات والله مو عارفة من فين ابدا ولا عارفة ايش اقول لاني للآن مصدومة
شوفو يابنات انا ليا سنة وشهرين متزوجة والحمدلله كنت مبسوطة واحب زوجي وزوجي يحبني
بس قبل امس في الليل كنا راجعين من بيت اهله دخلني الشقة وقلي دقيقتين ابغا شي من السيارة
وراح وتاخر يمكن ربع ساعه او اكثر انا استغربت سالتو قال كنت اشوف السيارة عشان كانت خربانة .. الخ
قلتلو طيب وسكت
وبعدين جا وقت النوم هوا نام وانا ماجاني نوم
شفت جوالو جنبي وبالصدفة دخلت اللي سجل المكالمات ( الي فيلو المكالمات ماتتمسح الا اذا انمسح كل السجل) عرفتوه؟
شفت له مكالمه وكان مسجل الاسم بإسم محمد
ولقيتو وقت المكالمة في نفس الوقت اللي كان فيه برا
ومدة المكالمة ربع ساعه
وشفت السجل لقيت كم مكالمة وكم رسالة
من نفس الرقم
ورحت ادور عالرسايل لقيتها محذوفة ودخلت عالسجل العادي اللي تقدري تمسحي منه المكالمة
مالقيت فيه دي المكالمات
انا انصدمت قلت لا مو معقولة زوجي يكلم بنت
وطول الليل مانمت وافكر مني عارفة ايش اسوي
ولمن صحينا
سالتو قلي واحد معايا في الشركة وكان طالب مني خدمة
قلتله اجل ايش الرسالة اللي ارسلتله هيا وليش حذفتها قلي كانت كول مي
قلتله كول مي ماتطلع في السجل قلي الا << وهي ماتطلع في السجل
قلتله طيب ايش الرسالة اللي هوا ارسلك هيا قلي مسد كول عشان كان جوالي مقفل
انا سكت وخلاص مني عارفة اصدقه ولالا
وجا الليل كلمتو بهدوء وقلتله حبيبي الله يخليك صارحني قولي مين محمد
قالي يعني انا اكذب عليكي قلتله انا مني مصدقة خصوصا لما قلتلي انك ارسلته كول مي يعني كذبت عليا
بعدين غير كلامه وقلي ارسلتله اذا فاضي اتصل وحلفلي انو كذا كانت الرسالة
وجلسنا نتناقش الين ماقلي طيب انا حتصل عليه دحين واسمعي صوته
قلتله طيب اتصل عليه وطلع ولد
وتطمنت الحمدلله وصدقته واعتذرتله وجلس يقولي قد ايش هوا يحبني ويخاف عليا وكلام كثير حسسني فيه بالذنب
نسيت اقولكم ان الرقم اللي شفته حفظته في ذاكرتي
جا اليوم قلت خليني اشوف السجل عشان اتطمن اكثر ( لاتقولولي ليش تراقبيه انا والله ماكنت اشك فيه حتى شوية ولا كنت اراقبه بس لما لاحظت تصرفاته )
لقيت السجل كله ممسوح
رحت لقيت مدة اخر مكالمة نص ساعه
انا هنا انصدمت
قلت خليني اشوف يمكن غير رقم محمد برقم ثاني لمن اتصل عليه قدامي
لقيته فعلا مو نفس الرقم اللي انا حفظته في راسي
لقيته مغيره تخيلو صدمتي
والله جلست اطل فيه وهوا نايم وانا مو مصدقة
اقول يارب اكون نايمة ويكون حلم واصحى
وجلست ابكي وابكي وابكي وابكي من صدمتي
والله ماتوقعت هذا منه ابدا ماجا ف بالي ان ممكن زوجي يسوي هالشي
قولولي يابنات هل ممكن اكون غلطانة في شكي ؟؟؟؟
هل انا ظلمته بشكي ؟؟
الله يخليكم ساعدوني انا محتارة مني عارفة ايش اسوي
انا حفظت الرقم اخلي احد يتصل عليه ويتأكد بنت او رجال؟
ولا ايش اسوي
الله يسعدكم يارب وينولكم اللي ببالكم اعطوني رايكم وساعدوني يمكن ارتاح شوية بكلامكم

بنات كمان ابغا اسالكم ايش رايكم اصارحه بشكي ولا اسكت الين مااتاكد؟؟؟ والله اني مقهورة من قلبي وللآن مني مستوعبة

الله يفرج همك وييسر امرك ...

والله مدري عنكم لكن دامه كلم قدامك وطلع رجال خلاص
بعدين حتى لو صارحتيه الرجال الى في راسه بيسويه
والله يسخره لك ان شاء الله وتطلع شكوكك مو في محلها

الله يعينك المواجهه افضل شي بس في حال يكون معك دليل
عشان يحرم مره وحده
لا تواجهيه من شك بس عشان مايقلب الطاوله عليك تاكدي
تاكدي تاكدي بعدين واجهي اذا كنتي واثقه
وخليك عاديه معاه ماكأنه صار شي

الله يهديه ويسخره لك
المفروض ماتكلمينه من اول حتى تتاكدين اذا بنت او رجال

حبيبتي اشتري شريحه بدون مايدري واتصلي على الرقم واسمعي الصوت وقفلي اذا بنت واجهيه وحطي حد للموضوع لاتنسي بعدين قفلي الشريحه وكسريها وارميها لازم تتاكدي قبل ماتكلميه عشان ماتظلميه ولايدري عن الشريحه انتبهي لودرى بتكبر المشكله مره وبتتعقد

الله يسعد كل من ردت جزاكم الله خير
طيب توفي واميرة قولولي كيف اتأكد ؟؟؟ لو عندكم فكرة قولولي الله يسعدكم؟؟

ام مير الله يسعدك ياقلبي وشكرا على تواجدك
بس المشكلة اني مااخرج الا معاه او مع اهله خصوصا انو ماعندي احد هنا اهلي في مدينة ثانية
يعني حكاية اني اشتري شريحة صعبة عليا