والله العظيم تعبت

السلام عليكم ورحمة الله وبركاته ..
يمكن فيه منكم يتذكرني قد كتبت موضوع عني وعن خواتي اللي تطلقت فيه اختي الكبيره
وقلتلكم مشاكلنا تجي مرره وحده ورا بعض .. وان ازواجنا مايتحملون منا ششي
انا ياطويلات العمر متزوجه لي سنه واربعه شهور تقريبا ولكن حياتي من اول يوم مشاكل واشياء تافهه
زوجي بس ينتقد فيني اي شي لو ماعجبه شي حط حرته فيني واكثر من مره يقول لي اقسى الكلام
ويجرحني اذا عصب وانا والله العظيم مالي الا الله ودموعي ياناس والله الحب بقريح ماهمني اهم شي الاحترام والتعامل يكون في اطار التقدير وش ابي بالحب والغلا .. صدق ان سنه ونص تعتبر عشره بس ماتهون على نفسي انا اكتب الموضوع وانا ابكي حسره وهم ولكن الحمدلله على كل حال وقدر الله وماشاء فعل وانا راضيه بقدرة الله ..
هالمره استجد شي جديد انه مد يده علي وصفقني عشان سبب تافه ورب الكعبه حنا الحين في العشر الله يبلغنا ليلة القدر ويتقبل منا والله العظيم لو اني مسويه شي يستاهل طقه كان سكت
على نقاش عادي رمى علي شي بعدين طقني والله نفسيتي تعبانه انا رحت لاهلي الحين ولا عاد ابي اعيش مع انسان تجرأ ومد يده علي خصوصا عقب ماتاكدت اني ماني حامل الحمدلله
والله نفسيتي تعبانه مره ومتضايقه على نفسي وحاز في خاطري عقب كل اللي اسويه له وصبري
وسكوتي وقومتي به وبكل شي اخرتها طقني .. المشكله انه يقول انا مااغطلت صدق اني اعصب بس انتي تعصبيني والله العظيم لو يستاهل كان تهون علي على شي تافه غير الكلام الي جرحني فيه
كتبت هالمووضوع مابي استشارات لاني اتخدت القرار قبل ان اتورط ببزر ولكن اتمنى لكم في هالعشر
انكم تدعون لاختكم في الله لاني بأمس الحاجه له ..
الله يوفقكم ويسخر لكم رجالكم ..