وان شاف لي صوره صاح وحضني

ودي اموت اليوم واعيش باكر..واشوف منهو حملني لذيك المقابر
واشكر كل منهو كرمني ودفني..وشخصن تعنا لي مع انه مسافر
وشخصن قريب للأسف ماذكرني..منهو يرتب غرفتي والدفاتر
وان شاف لي صورة.. !!
صا ح وحضني..
امس مصدوم وابكي واشكي
واعاني من جرحي وحياتي
واليوم..ألعب وامزح وفرحان
واضحك والبسمة ماتفارق شفاتي
اهتم يوم..واطنش ايام..
اتكلم شهر..واسمع اعوام..
اضحك مع ناس وابكي على ناس
اشوفهم وفجاة افقدهم بدون احساس..
افارقهم ولا اقوى
والعيشة بموتهم بلوى..
لأن الموت......مايرحم***
اقابل ناس تفرحني
اساعدها وتساعدني..
اعاتبها وتعاتبني
واسايرها وتسايرني..
هذي حياتي مع الدنيا****
صدف بيوم وعرفتك..
وفهمتني وفهمتك..
ضحكنا مع بعض كثير
مثل براءة طفل(ن) صغير
بكيت شوي..شكيت هموم
وعدتك..هالبكى مايدوم
اعترفت بقلب(ن) لك ارتاح
قلب(ن) ودع طعن الجراح
ناديتك....مسكت يدك..قربت منك..وبست خدك..
وهمست بإذنك... ((((أنا أحبك)))
شوقي لك جنني
ومن على الارض طيرني
وفجأة..!!
حصل يوم وفقدتني..
سألت عني تدورني..
تلفت مالقيتني..
رجعت البيت طلبتني..
ورن الجوال..محد يسمع..
الكل منشغل يدعي..
ويقول: يارب لها أشفع..
ترد عليك هالمرة أمي..
تقولك: خلاص ماعاد ينفع..
تركتنا ورحلت بعيد..
والكفن توه حضنها جديد..
سامحها وبالخير أذكرها..
اطلب لها الجنه واذكرها..
ولو...إنها غلطت بيوم عليك....أعذرها..
واذكرها..
واذكرها..
ولو مرة قست عليك..أو قصرت معك ..لاتلومها..
تذكر دايم انها احتاجتك..ومالقتك..
تذكر انك انت بعد محتاج لها..
(فلانة) خلاص ماتت..!!
::::
تقفل أمي جوالي..
وتحضنه وتبكي وهي ماتدري عن حالي..

• *مابقى غير ذكرياتي..وصوري وثيابي وعطري واوراقي**

بس.....
إلى متى بأبقى في بال كل غالي..؟؟
شهر!!
شهرين!!
سنة!!
سنتين!!
والا طول العمر؟؟
الناس بتبكي يومين وبتعيش حياتها..
وانت..ماودعتني قبل أرحل..
سامح قلب(ن) يحبك
وادع لقلب(ن) خذاه الموت قبلك..
امي..وابوي.. بينسوني ولا بيذكروني بعد موتي؟
واخواني بيفقدوني والا راح يخبون عنهم موتي؟؟
حياتي...انتهت خلاص
وانا..ماطلبت من اللي غلطت عليه الا انهم..
يسامحوني..
والوقت فات وانا ماكتبت وصاتي..
دخلوني على امي جسد بدون روح..
بدون احساس
بدون نووح..
ثابتة ما اتحرك..
قربت مني..رفعتني وبكت تودعني
شالني أبوي لقبري
دفنوني قبل لا اقولك..
أمنتك الله لاتنساني***
واذكر معك ايامي..
تكفى لاتنساني..
اذكر القلب اللي حبك
اذكر همسة أحبك..
مايطلبك قلبي الا دعوة..
انك تدعي له بالرحمة..
مسكني ابوي وودعني..
(لحظة حزن)
نزلت دمعته تطهرني..
شاف وجهي لآخر مره
حضني بقلب به حسره
يقول:مسكينه ماتهنت..
بس الموت مايرحم***
دخلني لقبري وشاف التراب غطاني..
سمعت خطاه وهو يمشي..بس الموت مايرحم!!
رجع لأمي يقول:بنتي , راحت عن عيني
////
\\\\
انا ماقلت..ولا تخيلت
بس انت..
انت توقع موتي!!!
توقع انه يصير..
وكل اللي قلته يتحقق..
بأي لحظة وبأي وقت
توقعني اني اتأخر..
وتمر ايام ما أسال..
ولا همسي يوصل لك..
وحتى ضحكتي تذبل..
وعن هالدنيا انا ارحل..
اخباري تنقطع عنك..
نبض قلبي خلاص يوقف
واحاسيسي تتباعد
وشعوري ينساني..
ويبكون ناس على فرقاي
وتختفي ضحكتني من هالكون..
ويفقدني من حبني بجنون..
ويسامحني من غلط قلبي عليه..
وقلبك امانه امانه مني لايزعل

• *لأن الموت مايرحم**

كلنا راح نموت..
بس قبل مايتحقق هذا في يوم!!
كلام بخاطري بأقوله لك دوم!!
قبل اموت ابي اعرف!!
ياترى... انت اللي انا قلت عنهم :

• *وان شاف لي صورة..

صاح وحضني؟**
كلمات هزتني كثير ولا قدرت امنع نفسي انقلها هنا