واي من الرجال

1. لعبة البطاقات


2. أي شي ترغبيه ومو قادره تقوليه الفكرة هي::


3. الاقرب انه بيقول:


4. كم انا سعيد لو تلفقينه وتخلصين اغراضتس ونرجع للبيت لاتفوتني المباراة


5. وبعدين ..هو فيه بزران ذا الوقت ممكن احد يصرفهم؟؟


6. والله يا انهم بيموتون ضحك على امهم وهي لابستن ساري ههه


7. رسائل الحب القصيرة


8. ما راح يمديه يسوي اي شي وتطشيمه للمويه يوصل الغرفه


9. بعد يوم شاق لزوجك..

نقلتلكم هذا الموضوع من احد المنتديات يتكلم عن حركاتنا الرومنسيه ويعلق عليها
الموضوع يموت من الضحك
بس اللهجه شعبيه مره يمكن اللي مو من الخليج مايفهمو بعض الكلمات
شوفو ايش يقول
كثرت من تالي مواضيع الحركات الرومانسيه والالعاب الزوجيه..
مع اني اشوف ان اللي تكتب الموضوع تلقون نص وقتها يروح على النت ومدري متى
بيمديها تسوي ذا السوالف..
والادهى من كذا انه يجيك زوج صتيمه ويقرا كلمها ويقعد يتشكى هو وجبهته ويقول :
ايه هذولي الحريم..الله يخلف علي عايشين مع انعام سالوسه ههه
بعرض لكم اقتباسات مما قرأت..وبعلّق عليها..
واللي يقرا شي من هذا يوافينا بمايستجد في الموضوع مع حرية الذب
لكن ارجوا من الجميع عدم تجاوز الخطوط الحمراء ..تعالوا نشوف..
وحده تذكر لها مجموعة العاب زوجيه تقول انها تجدد الحياة الزوجيه

لعبة البطاقات

هذه لعبة بسيطة وكذلك إعدادها ونتائجها رائعة لأنها تضفي على حياتك نوعآمن المرح والتسلية.

• أنت بحاجة إلى أوراق صغيرة وذلك لصنع البطاقات الخاصة باللعب.
• قسمي الورق الى قسمين متساويين واكتب في القسم الأول أفعال مثل (قبلة)،(مساج) وغيرها وفي القسم الثاني أكتب أجزاء الجسم.
• اترك كل قسم بمعزل عن الآخر وكل لاعب يحين دوره في اللعب ينتقي بطاقة واحدة من كل قسم ،وعليه تنفيذ ماتطابق لديه في البطاقتين على اللاعب الآخر مهما كان التطابق.

والله يستر لو كان الزوج هو اللي اقترح اللعبه وكانت حايمتن تسبده منها
وكتب على ظهر البطاقه جزء الجسم (العين) وفي داخل البطاقه كتب تفله ههه

• لعبة أكل التفاحة

كثير ما نراها في الأفلام الرومانسية العاطفية حيث يتواجه الزوجان ويركزان النظر لبعضهما ويخاطبان بعضهما بلغة العيون أثناء توسط تفاحة محمولة على سكين يأكل كل من طرفها
والله مدري عن ذا اللعبه..احس انها سماجة أفلام..
طيب واذا كانت خشة الزوج كنها طفّاية كامري
اذا فق ذا الخشه بيقرم من التفاحه شافت زوجته اللوز كنها ثريات مقلّط وش هقوتكم بتسوي؟
انا اظن انها بتزهد مهوب في الرومانسيه وبس الا في الدنيا كلها وبتعكف على سجادتها الى ان ياخذ الله امانته
حركة حلوة
ممكن من خلالها تعبري لزوجك الغالي عن مشاعرك أو تطلبي منه طلب بأسلوب مبتكر أوتوجهي له دعوة خاصة أوتنبهيه لتاريخ عزيز عليك وهو ناسيه.

أي شي ترغبيه ومو قادره تقوليه الفكرة هي::

~لما يكون جالس تيجي من وراه’ وتقولي له بكتب على ظهرك شئ ومطلوب منك إنك بإحساسك تعرف اللي كتبته وتبدئي تكتبي بأصابعك على ظهره الكلام اللي نفسك فيه بكلمات مختصرة ,وتكون مفهومة. هو راح ينسجم باللعبة ويحاول يركز قدر المستطاع ليثبت لك أنه نبيه ويفهمها وهي طايرة والفضول يدفعه لمعرفة ماتكتبين . وهكذا تكونين وصلت له اللي ترغبينه بأسلوب مرح وجميل ومبتكر
طيب واذا كان الزوج من النوع اللي يحرد (شكل ما يعرف يحْرَدْ فيذا المنتدى الا انا)
قسم ان يلطمها بكوعه لين ما عاد تقوى تخمّن ظروسها من لثّتها
وبعدين وش اللي تكتب في ظهره ويقعد يخمّن؟؟
تحمد ربها انه يخمّن اسمها صح.. وما يسميها عيالي ههه
هذا اللي اخذناه من النت..ما عاد الا هي شخمطه على الظهر
فاجئ زوجك يوم بأنك تتطلعي له مثل المارد
وتقولي له شبيك لبيك المارد بين إيديك
ولك 3 طلبات تطلبها وراح تنفذ
أمر وتدلل أطلب شو ماتريد
وعقب مايطلب نفذيها على طول وأكيد ساعتها بيكون سعيد جداا .
ايه ويقول ابعرس مسيار ههه
يتبع
# 2
قضينا من الالعاب تعالوا نشوف وحده كاتبه لها مجموعة حركات بزعمها انها رومانسيه:

• أثناء تجولكما في السوق .. توقف وقل لها مبتسماً ( كم انا سعيد لأنك زوجتي ) .

يقطع ام الروقان..
تخيلوا وهو يقوله تمر وحده طاقه اللثمه والمخصّر ويلتفت لين تنخنع رقبته
عندها بيطلع في نظرها راعي قز وراعي فقش ههه
ما اظن ان فيه مصداقيه ذا الكلام..

الاقرب انه بيقول:

كم انا سعيد لو تلفقينه وتخلصين اغراضتس ونرجع للبيت لاتفوتني المباراة

الاكثر شاعريه من الخروج هو تناول العشاء في البيت على ضوء الشموع والموسيقى خصصا يوم لذلك بحيث تطبخين أكله خاصه بيديك وتلبسين فستاناً جميلاً يعجبه وتتعطرين ثم تجلسين معه ( من دون الاولاد ) وفكره حلووه ان تكون لهذه الليلة ميزة معينة مثل الليلة الهندية يكون الاكل واللبس والجو كله شرقي هندي او ليلة مصرية او مغربية او صينية او ليله تتعشون في الهوا الطلق في حديقة بيتكم تحت النجوم وكل وحده وشطارتها
تطبخ وتنفخ وترتب البيت وتلبس وتحط شموع وتصرف البزران ؟؟
وشهو له ذا الغثا كله؟؟

وبعدين ..هو فيه بزران ذا الوقت ممكن احد يصرفهم؟؟

والله يا انهم بيموتون ضحك على امهم وهي لابستن ساري ههه

يوم خاص لليوم الأحمر/ تجيبين صور كله فيها قلوب وتعلقين فيها بغرفه نومكم . مع فرش احمر .. وورود في الفراش واكيد ورد طبيعي وتلبسين لبس مغري احمر والعصير يكون احمر يعني كل شي وتجيبين احمر شفاه وتكتبين على المرايه احبك بالروج طبعا ومن هالاشكال ..
ومع اكيد الشموع الحمر اللي على الطاوله .. ومعها ورده وبتكون الاجواء احلى لو كتبتي مقطع له على ظرف احمر او لون احمر
وهو عاد من باتسر بيوريها العين الحمرا ههه<<< مدري ليه حسيت إن هالتعليقه ذي مقسه
علقي على باب الغرفة بالليل وهو نائم.. (الله لا يحرمني منك) وحين يريد زوجك أن يذهب للعمل.. ألصقي ورقة على المراية واكتبي فيها (سبحان الله أول مرة أشوف قمر يطالع نفسه بالمراية.. صباح الخير يا قمر) واطبعي بوسة بالروج على الورقة.
وهو عاد ثور بيصدقتس.؟؟
اذا كان هو لولا احترامه لنفسه كان تفل بوجهه لين شافه في المرايه ههه
اللهم لا شماته
رتبا لكم إجازة خاصة بكما (من دون الأولاد) حتى ولو مدة يومين تنفردان فيه ولا داعي للسفر.. بالإمكان الذهاب إلى فندق بعيد أو أي مكان تكونان فيه وحيدان لا تحاصركما المسؤليات والأهل ومشاكل الأطفال
هذي دعوه لاهمال البزران علشان الملّذات
وين يحطون عيالهم فيه؟
عند الشغاله؟
والا عند احدى جداتهم علشان اللي يجي ويروح يعرف انكم رايحين ترومسونها يا قليلين الحيا؟

رسائل الحب القصيرة

اتركي عدد من رسائل الحب القصيرة مثلا (أنا أحبك – اشتقت إليك – أنت حياتي) في أماكن مختلفة كمخدة النوم، كوب القهوة، السيارة، داخل الفوطة داخل الحذاء، مع ميدالية المفاتيح، داخل كتاب يقرأه، الصقيه خلف الريموت كنترول، في السقف فوق السرير، في باب الدولاب من الداخل.
وهو يمشي ويذب في ذا القراطيس ..ويقول الله يبثرها ذا اللزقه ههه
اطلبي منه أن يصحبك إلى مكان هادئ وجميل بعيد عن الضوضاء (مثل وقت المغرب على البحر) فتتبادلان أجمل الأحاديث وتتذكران أجمل الذكريات التي قضيتماها معاً
واذا كانت الذكريات كلها مناقر وطقاق..بيتطاقون مره ثانيه على موضوع من كان المخطي هذيك المره ههه
يتبع
# 3
وحكيمه اخرى اخترعت ما سمّته الغابه الاستوائيه ..
أتصلي عليه يوما قبل حظوره للمنزل واستدعيه الى غاباتك الاستوائيه
قد يتعجب من كلمة غابات لكن حينما يحظر سينبهر من تلك الغابه التي اعددتيها
اياه
الله واكبر يا ذا الازواج اللي يعرفون وش معنى استوائيه
اكثرهم ما يعرف الا كبده نص استواء ههه<<< للمقس بقيه
أن يجدك قد حظرتي له طعامه ومايحب من أكلات ويسعد بمظهرك الأنيق
وحينما يدخل الى الحمام ليستحم سيتفاجأ بتلك الغابه000
بالطبع تكونين قد فرشتي أرضية الحمام بالفوط الخضراء و شبهتي المكان
بخضرة الغابه ,وتكونين قد أطفأتي أنوار الحمام وأشعلتي بدلا منها الشموع
ظلام وفوط على الارضيه ؟؟
اذا زلق له في فوطه وجاوب على جبهته خلي الغابه الاستوائيه تنفعك
وأحظرتي مبخره وجعلتى الدخان الخفيف يتصاعد منها
وفتحتي ماء الدش لينسكب و يملىء حوض الاستحمام
وقد ركزتي كشاف بلمبة زرقاء على الماء ليعكس زرقته وكأنه بحيره صغيره
و الله يا انك بتتحطمين.. اذا كان الزوج دفش وهذا هو الاقرب..وطفى كشّافك الازرق وولع النجفات و فتح تسكيرة البانيو و مويتك الزرقا راحت في المجاري
وفتح الدش وقعد يصوبن جسمه وهو واقف لين تطشش المويه والصابون على شموعك وبخورك
همّن نزل من البانيو ووطّى على فوطك الاستوائيه هذا اذا ما كان زلق فيها..
وغابتك الاستوائيه صارت رطرط
وتجعلي تطفو عليه زجاجه فارغه تطلبين من زوجك بفتحها
وعندما يفتحها سيجد في داخلها ورقه كتبتي داخلها
كل التعابير تبحر في شواطينا .......
أو أي جمله أخرى تختارينها
هذه الاشياء ستكسر الروتين الممل وتدخل على علاقتكما نوعا من التجديد
ان كانه راعي خرابيط بيفرح فيها يحسبك جايبتن له شراب والعياذ بالله
ولين ما لقى الا ورقه ..وفيها حتسي..بيقول يا كثر بربرة ذا الحرمه..وصلت فيها المواصيل انها تحط بربرتها في غرشه ههه
عند خروجه من الحمام فاجأيه بوجود بجامته داخل صندوق فوق سريره
سيفتح الصندوق وسيرى فوق بجامته كرت كتب عليه كلماتك الرومانسيه وفوقه حبة كت كات
يا بنت الحلال حطي له ترنق قطن ويخب..
وبعدين مهوب كنها خربت رومانسيتها بالكتكات؟؟
على الاقل حطي شوكولا فاخره .. بسكوت مربعات مثلا ههه
يوم الجمعة.. يوم إجازته املئ البانيو ماء مع قليل من الزيوت العطرية والرغوة حتى يسترخي.
يعني كل حركه رومانسيه لازم بانيو؟؟
يعني والضعوف اللي ما عندهم باينيو تبونهم يرومسونها في طشت ؟
وبعدين معظمنا من الطبقه الوسطى اللي بانيوهم صغير..
يعني مثلا الدب اذا قعد في بانيوه صاركنه قاعدن ف شنطة هونداي اكسنت ههه

ما راح يمديه يسوي اي شي وتطشيمه للمويه يوصل الغرفه

بعد يوم شاق لزوجك..

قبل قدوم زوجك بوقت جهزي الآتي: احضري كشاف أو ضوء أزرق ثم ثبتيه في أحد زوايا الحمام وضعي صوت أمواج البحر ثم جهزي البانيو بوضع العطور والزيوت الخاصة بذلك ورغوة الحمام.. وأملئ البانيو بالماء ثم انثري أوراق ورد طبيعي فوق الماء وجهزي جهة من الغرفة مضاءة بالشموع والزيوت اللازمة لعمل المساج وضعي ورقه مكتوب عليها (توجه يا أبو فلان إلى غرفة النوم) واعملي له مساج ثم اطلبي منه التوجه إلى الحمام ونعيماً
اقول اشوا ان ذا الحريم ما يتولون مسئولية بناء بيوتنا كان حطوا البيت كله حمام ما عدا الحمام ههه
يتبع
# 4
وهذي تعطي الزوجات طريقه تمنع الزوج من انه يسهر في الاستراحه
تعالوا نشوف:
زوجك صحى من النوم العصريه كذا وبعد المغرب او على حسب وقته اللي يروح الاستراحه او النادي او الكوفي او صديقه
انتي اخذي مفتاح سيارته وحطيه في .. اي مكان في جسمك
طبعا اهتمي بنفسك وبلبسك واتعطري
وهو بيبدا يدوره ويقلب البيت فوق تحت
انتبهي لايكون معه اسبير يطلعه ويسحب
عليك انتي وفكرتك ههه
طيب واذا صارت زوجته دبيّه ووزّت المفتاح في ذا الشحوم ؟؟
اظن انه بدال البحث عن المفتاح في شحومها اسهل له انه يعلن عنه
اما ان كانها نحيفه بيبان المفتاح لانها جسمها اصلا كنّه صورة اشعّه<<< الله يقطع عدوه على هالسبه جتنا بالصميم
قبل يتنرفز
قولي له زوجي حبيبي دنيتي
قولي المفتاح فيني ومخبيته في جسمي ابدي اتدلعي
وانتي مضبطه شكلك ولبسك وريحة العطر
اول مايقرب اركضي شوي بس لاتمصخينها
ولو كانت دبيّه وراحت تركض قدامه..ما اظنها بتغريه االا بيموت على مهابدها من الضحك
يا بنت الحلال لا توهقينهم.. عندنا عالم نارن شابه ..اول ما بتركض بيشوتها لين يطيح المفتاح ههه<<< ههه شر البليه مايضحك , لا ومو عاجبهم بعد
وخليه يمسكك وابدي هستري فيه بحركات حلوه وبوسيه وكذا واتغنجي
وتشوفين يوم يطنش الشباب ويجلس معك
والله اللي هسترتي فيهم هم ذا العزّاب اللي يقرون موضوعي.
يا ان حلومهم الليله كلها في البانيو ههه
ايش رايكم مو شي يقهر
منقول
الموضوع منقول