وج القمره

ارجوك يكفي لا تزيدين النظر *** ماقوى قلبي على سهم العيون
حالتي يابنت والله فى خطر *** الوله والتيه والحب وشجون
ارحمي مافي يدي غير الصبر *** تهت في حبك وغطاني جنون
كيف لا وانتي ولا مثلك بشر *** صرت في حبك اردد لك لحون
الشعر سيل على متنك حدر *** ماخذن من ليلك الحالم بلون
والعيون بزينها ادهى وامر*** في غلاها يا اكون او ما اكون
قدك الفتان (ياوجه القمر) *** لا تمايل كنه زهور الغصون
ويل قلبي علميني بالمهر *** لو يكون العمر من شانك يهون
والله انه ماعلى قلبي خطر *** غير زولك ياحياتي والفتون
منوتي بالوصل يهديني القدر *** منوتي احضنك يالقلب الحنون
ما حلاه الوصل في وقت السحر *** لا حضنتك والزمن كله سكون
حضنك الدافي على صدري غمر *** من حنانه مابقى فيني طعون
يا حبيبه سامحيه ابن البحر*** كل ما قاله على باله يمون