وجهة نظر في ذكرى زواجك يا قمر

السلام عليكم ورحمة الله وبركاته
هذا اول موزوع لي واتمنى يكون خفيف ومفيد >>> متأثرة من كثر الرجيم
انا عندي وجهة نظر حابة اطرها لبنيات جنسي
وممكن ما يوافقني البعض لكني سأدلي بدلوي >>>>> عسى البير مهوب ناشف بس مبطي ما ادلى
انا من رأيي انك ما تجمعين الافكار الحلوة والغريبة الجديدة من هنا وهناك ثم دفعة وحدة
تطبقين اغلبها في ذكرى زواج واحدة
علشان ما تحرقين عليك الافكار في الاعوام القادمة صحيح بتقولون الافكار كثيرة لكن مهما كان
الجوهر والافكار الرئيسية راح تكونين طبقتيها وتكون مكررة بالنسبة لكم وتحتارين في العام القادم
وش تسوين جديد وكذلك الزوج لما من البداية تبهريه بكل مافي جعبتك راح يتوقع العام القادم شي
احلى او عالاقل يكون عارف وش راح تسوين ويتوقع كل شي
وما يتفاجأ بالشكل اللي تطمحين اليه
من وجهة نظري التدرج حلو وهو الصح
تخيلو معاي لو الوحدة منا في اول ذكرى زواج لها تعمل لزوجها مفاجأة وتحجز اوتيل وتعمل فيه
مفاجأات من ^ الى وتخطط على انها تلبس فستانها وتشغل زفتها وتلبس لانجريات تنكر والعشاء
حدث ولا حرج والحلا عاملة تورته فيها صورة حبيبها والشموع شغالة من باب الشقة الى السرير
والحمام كنه جنة مولع من هالمضيئات و و و و و الخ دفعة واحدة اتوقع مع هالزحمة انت بتتعبين
واكيد جالسة شهور ترتبين لهالشي وبيكون هم بدل ماهو وناسة وياليت التعب ينتهي لاخلصتوا
بالعكس يجي وقت الكرف وترتيب الحوسة اللي مالها نهاية وبتدوخين منها لانك
مافيه مكان الا وحطيتي فيه
شمعة او جورية او بلونة وابو الشباب رايح بسابع نومة يحق له عريس
ما جاب خبر حوستك ولا يدري عن تعبها الين انت تحكينه عن مأساتك ههه وتقلبونها
شكاوي بدل الحكاوي
غير كذا كل شي ماراح ياخذ حقه اللي يستاهلة من الوقت كلش بسرعة بسرعة
لا تطلع الشمس ما
جاه الدور خ
اللي ابي اوصل له ان الزوج اول سنه ما في باله أي شي من هالمفاجأات اللي نرتب لها وبيفرح
باي شي حتى لو كان بسيط يشوفه كبير فيجي دورك انت وتتدرجين في الشغل شوي شوي
يعني السنة الاولى لو الدعوة عشر شمعات وجوري منثور عالسرير وعصيرفريز وتورته وانت بجنبه
عروسة على سنقة عشرة
ولابسة فستانك ومجهزة له هدية بيكفيه وبينبهر بشغلك ويحس ما فيه احد اسعد منه
والسنة الثانية زيدي الافكار خلى الدعوة عشاء مرتب سواء بالبيت او اعزميه على مطعم واهديه ذيك
الهدية اللي تليق فيه وغرفتك خليها تنطق بالرومنسية والحب وحمامك سوي فيه
حركات بسيطة طبعا غير شياكتك وفستانك سواء الابيض او فستان الملكة او كلهم احسن
وشريط الزفة يردح من يوم يدخل
وشوفي قد ايه زاد الانبهار فيك وفأفكارك حتى وانت ما سويتي اشياء كثيرة
السنة الثالثة مثلا خليها في فندق
والرابعة سافروا
والخامسة ارجعي للبيت ثانية بس زيدي الافكار سوي تنكريات وابدعي بالباثروم اكثر من قبل والصالة خلي لها نصيب كأن البيت كله يحتفل معاكم
احس بكذا انت لحستي عقله بحكمتك وسناعتك وترتاحين من الحيرة كل سنه ماتدرين وش تسوين
والحياة ترا حلاوتها بالبساطة يا عيني عالباساطة الباسطة
مدري هل توافقوني الراي او تحبون كل شي يكون من البداية صاروخ ؟؟
اتمنى لكم حياة حلوة وتقطر عسل في ظل من تحبون