وداعا للتقصف

عسلامة البنات
شنوة حوالكم؟
نتمنى انكم جربتوا وصفاتي وعجبتكم و انكم تحسبوني عضوة فاعلة في هالمنتدى
اليوم حبيت نملمكم بلهجتي التونسية، وإذا أي وحدة منكم ما فهمتش كلمة أنا مستعدة نجاوبها بإذن الله
وصفاتي إلي جبتها توة ضد التقصف ، أزمة العصر
و إنشاء الله تفيدكم الكل
1)ضد تقصف الأطراف:
موزة +عسل +مغرفتين كبار زيت زيتون
(الكمية حسب طول شعرك
2)خلط : زيت خروع +زيت لوز+زيت جوز الهند و سخنها شويةعلى النار و اعمل بيها حمام زيت لمدة 4/5 ساعات
و ما تنساش تغطي شعرك بكيس بلاستيك فوقه منشفة سخونة
3)غذي شعرك بكميات متعادلة من
الياغرط =الزبادي+ الالعسل +زيت الزيتون و اعمل بيها حمام زيت قبل الدوش(الإستحمام)
4)قص أطراف شعرك كل مدة و من الأحسن يوم 15/16/17 من الشهر العربي (يعني بعد اكتمال القمرة بيومين ولا ثلاثة)
بإذن الله سيصير شعرك ناعم و تتحسن حالته
زادة، عندي وصفات خيالية لترطيب الشعر إنشاء الله نعطيهالكم في القريب على خاطر أنا توة مشغولة
نستنا ردودكم ودعواتكم ولي يعرفوا زيت الحلبة و فوائده بالله جاوبوني في الموضوع المخصص
شكرا