وش اهدي زوجي

أقترح عليج تيبين علبه على شكل قلب وتحطين فيها الساعه والعطر ومحفظه مثلا مكتوب عليها اسمه او ميداليه للمفاتيح عليها صورته موبايل وتحطين اول العلبه اوراق للزينه بعدين اتحطين الاشياء اللي شاريتنها بشكل حلو وتيبين مثلا حلاوة باتشي وتوزعينها بشكل حلو فالعلبه وتكتبين بطاقه وتحطينها فالعلبه ومثلا اتودينها محل خطيبج يعرفه وتعطين راعي المحل رقم خطيبج وتقوليله اتصل وقوله في هالديه واصلتنك عندنا تعال وخذها فهو ما بيعرف من عند منو إلا بعد ما يفتح العلبه ويقرأ البطاقه
انشاالله اكون فدتج بشي

تصدقين؟انا عمري هديت زوجي ولا هدية وافكر اهديه بس مو عارفة شو اجيب له ؟اتمنى من البنات يساعدونا

اذا كان يحب الاقلام او المسابح (السبحه) تقدرين تحطينهم في علبه حلوه.....او اذا يحب القراءه ممكن تشترين له من الكتب الي يحبها او ممكن تشترين له اشرطة كاسيت (ممكن عن آدآب الزواج) مثل مجموعة جاسم المطوع الي تتكلم عن الخطبه او الزواج بس انتبهي بعض الرجال مايتقبلون شي زي كذا وانتي ادرى بخطيبك طبعا..تقدرين تشترين له جزمه فخمه اذا تعرفين مقاسه.... او اذا يستخدم الكمبيوتر كثير ممكن تشترين له سيديات اوبرامج....... ممكن تشترين له ساعة الفجر وقوليله عشان كل ماتصحى صلاة الفجر تدعي لي ....واذا تبين تسوين هديه مرحه...اشتري مجموعة علب متدرجه الاحجام وفي اصغر حجم حطي له حبتين شوكولاته واكتبي له تعليق طريف .....................اتمنى اكون افدتكم

اهديه هديه حلوه
ههه
اذا كنت تبغين تهدينه هديه غريبه ومميزه يعني نادرا البنات مايهدنها يمكن ماتعجبك فكرتي بس والله يوم سويتها تفاجأ
زوجي وانبسط بالمره
اخذي مقاس لثوبه من غير مايكون عنده خبر
واختاري نوعية قماش من الاقمشه الجديده طبعا يعني على الموضه
وفصليه له عند احسن خياط طبعا رجالي وحطي معاه سبحه مميزه
انا متأكده انه راح ينبسط اولا لان الهديه ماجات على باله
ثانيا / لان اغلب اللي يبغون يهدون يهدون ساعه عطر طقم اقلالالالالالالالالالالالام
وانت كسرتي القاعده
اتمنى تكون اعجبتك.............
........................

............فيه مجموعات حمام حلوه تكون في علب مناسبه وانتي تقدرين تضيفين عليها بعض الاشياء مثل شموع او ليفه ناعمه او فواحه مع زيوت منوعه.. تقدرين تشترين تي شيرت مع شورت مثلا...او اذا موبايله قديم اشتريله موديل جديد......... تقدرين تعطينه اكسسوارت للسياره مثل الشغلات الي تتعلق وتعطي روائح معطره او حامل الجوال او مظله وممكن تحطين معاهم شريط كاسيت مفيد... اذا يحب العطور الشرقيه تقدرين تحطين له في علبه عود ودهن عود ومدخنه صغيره...
هذا كل الي في بالي...وطبعا اي هديه تهدينها خطيبك خلي فيها لمسه منك..ولو بتذكر حاجه بقولها..

السلام عليكم ورحمه الله وبركاته
حبيبتي اهديه ملابس مثلا بنطلون وتي شيرت وكب وجزمه وسديري وحتى ملابس الداخليه حقت الجنز(سلب)وعطر
اوصندوق عود فيه 2عود توله وفي النص علبه فيهاعودبخور من عند العربيه للعود
اوكبك وقلم من كرستيندور
او جيبي تحف من محل التغليف وخليه يغلفها بشكل يجنن ويحط فيها حلاوه واغراض معطرات جسم من ضمنها حطي بلوزه في كيس مغلف يعني من تحت قاعده وهذا كله فوق والله روعه شكلها
ولا تنسي مع كل هديه حطي شي ديني مثلا كتاب اذكار او ميداليه حق مرايه السياره ومكتوب عليها دعاء
وكمان احتسبي انها سنه علشان تاخذين اجر(تهادوا تحابو)
والله يوفقك يارب
الاخت مزيونه نصيحه اهديه وشوفي التغير الي راح يصير

شذىa
حبيبتي هدا ال ناوية اسويه والحمد لله خدت منكم افكار حلوة بس انا ما بطلع لاي مكان الا معاه فلما ابغي اشتري الهدية بيشوفني ههه محرجة