وش فيك

إن كان ماودك حبيبي اخاويك
مشوار عمرك ارحل ارجوك في صمت
مابي وداع ٍ يقتل اللي يراجيك
ابي اعيشك وهم حتي ولو رحت
يمكن الي طال الوهم عند مغليك
يصحي بيوم ٍ فيه ياشوق مابنت
وماهقوتي يصحي وقلبه يناديك
وانت الامل واخر شواطيه لو غبت
وش فيك تجرح خافق ٍ ميت فيك
يجيك كله وصل ويقول لاهنت
لاقبلت لك خطوه تباعد خطاويك
وان قلت احبك في عذاب تمتعت
مره تصافيني ومره تغليك
يطعن فؤادي لين منك تعذبت
ومع العذاب اللي لفت به اياديك
ماقلت انا ياصاحبي منكم تبت
وان مرني طيفك واسمك وطاريك
افز له ما دمت حي ٍ ولا مت
ياصاحبي وش فيك قل لي وأداويك
لو كنت انا المعلول من سبتك انت
خلك مع اللي لك مود ٍ وشاريك
ابي اعيشك عمر لاترحل بصمت