وصفات لجمال شعرك يافراشتنا الانيقة مشارك فى المسابقة

تحياتى لكم جميعا فراشاتى الانيقات
اول حاجه اشكر المشرفه هناى والمشرفة الحبوبة الافعى الحنون على هذا
الموضوع الهام وجعله الله فى ميزان الحسنات يارب
اقدم هذا الموضوع لكل فراشة تبحث عن الجمال والاناقة
ان الشعر تاج على راسك
تعالى نشوف الوصفات القيمة التى تساعدك فى ابراز جمالك حبيبتى
تساقط الشعر بطوله
زيت الصبار+زيت حصا اللبان+زيت الجيجوبا
تعملى حمام زيت وبفوطه سخنه وتحطيها عالراس بعد لبس كيس بلاستيكي
او
تدلكي شعرك وفروه راسك يوميا ساعتين بزيت البردقوش
لنعومة الشعر وللشعر الهايش والمتقصف
دى مفعولها سريع جدا
معلقة كبيرة نخاع طبيعي+زيت سمسم+امبول بانثينول+زيت خس+زيت فول سوداني
+زيت حلبه+صفار بيضه +كوب زبادي+3.م زبده
اخلطي المكونات كلها علي حمام مائي يعني تجيبي حلة فيها ميه وبتغلي عالنار
تسيحي فيها الاول النخاع حذار انك تسيحيه عالنار علي طول
لا تحطيه علي حمام مائي لحد مايسيح
وبعدين تصفيه من اي شوائب او جلد وترجعيه علي حمام الميه تاني وحطي عليه باقي
المكونات وتقلبي في اتجاه واحد
لحد مايبقي كله سايح ومتقلب كويس
وبعد كده تستني لما يهدا وتحطي منه عالشعر وبرضه حمام بفوطه سخنه
قشرة الشعر
3 اقراص اسبرين
تكسريهم علي كمية الشامبو الي هاتغسلي بيه شعرك فقط
وصفة المصيف ونزول البحر
نصيحة قبل ماتنزلي البحر في المصيف او اللي بينزلو حمام السباحه
يحطو كميه مناسبه من زيوت معينه
عشان الملح اللي في البحر وكمان الكلوريد اللي في البيسين
زيت السمسم+زيت الزيتون+زيت جوز الهند
الوصفه دي تدهني بيها شعرك بكميه مناسبه بحيث ان الميه تتزحلق من
على شعرك لان الزيت بيساعد علي كده
ويمكنك تدهنى بيها الجسم والبشره كواقي للجسم ايضا
غذاء رائع للشعر
اكسرى البيضه وخدى الصفار وادهنى بيه شعرك
صفار البيض له قيمته لان فيه كمية الزيوت مفيده جدا
مرض الثعلبه
5 فصوص ثوم + كوب خل تفاح
انقعي فصوص الثوم في خل التفاح لمدة 5 ايام
وصفيه وادهني بيه الثعلبه
وفي المساء افركي التعلبة بنص فص ثوم
او
زيت اللوز الحلو +زيت اللوز المر+زيت الجيجوبا+زيت السمسم+زيت الجرجير
+زيت الزيتون+زيت الخروع وايضا يعمل حمام بفوطه ساخنه
لشيب الشعر
شاي مغلي تقيل (شاي عادي احمر من اللي بنشربه)+مريميه
صفي الشاي واغلي اوراق المريميه وصفيها ايضا
واخلطيها مع الشاي وحطيها علي فروة الراس لمدة ساعه واغسليها بعد كده
ضعيه علي الشعر كل اسبوع 3 مرات لمدة 4 شهور
يارب اكون افدتكم فراشاتى الحلوين
لسه ح اجيب الصور