وصفة رائعة للمعان الشعر كيف ما كان نوعها

السلام عليكم اخواتي الكريمات
كيف حالكم مع الشعورات والله كلكم غزلات
يلا اجيو شوفو معايا واحد الوصفة كتغدي الشعر وكتخليه رطب كي االحرير
هده الوصفة انا كنستعملها والله العظيم نتائجها رائعة وكتبان من اول غسلة للعلم ان شعري كان متقصف وناشف
من كترة الصبايغ والمواد الاخرى لما بديت كنستعملها الحمد لله الشعرة ديالي استرجعت الحيوية ديالها ورجعت رطبة
بش منطولشي عليكم اليكم باالوصفة
زيت زيتون+الخزامة +الورد يابس +العسل +صفار بيضة+عصير ليمون+ملعقة صغيرة الحنة
الطريقة ..في البداية لازم دلكي فروة الراس بشكل خفيف عدة مرات ثم دهني شعرك بزيت الزيتون جيدا وغطيه شعرك لمدة
دقيقتين وبداي تحضري الوصفة اللي هي الخزامة والورد دقيهم مزايان بالمهرز مشي بمولينكس بش ميفقدوشي القوة ديالهم
ثم ضيفي الحنة و زيت الزيتون والعسل وعصير الليمون وصفار البيض وخلطيهم جيدا اذا شفتي الخلطة تقيلة يمكن تخففيها
بماء الورد وشقي بها شعرك وذالك مع الدلك الخفيف اتركيها ساعتين وبعدين غسلي شعرك عادي ملي تنتهي نشفي
شعرك بالفوطة ودهنيه بزيت الزيتون وهو مبلول:
واجي تشوفي شعرك ملي ينشف كيف عامل وبالصحة والراحة.