وقسم بلله مسخره على اصولها في منطقة الحسا

1. قلنا اوكي


2. رحت الثامنه ولان المدرسه مقسومه الى قسمين متوسط وثانويه


3. وبعدين المنازل السنه ماراح يكون في مدرستنا ماجانا قرار لسنه هاذي


4. لحول


5. طاح قلبي امنيه وتحققت بغيت اطير من الفرحه

تذكرون موضوعي على هاذا الرابط
http://alfrasha.maktoob.com/showthread.php?t=358661
وربي تعبت ونااحاول الاقي له حل
بعد ماسمعت كلامكم واخذت بمشورتكم
رحت الأسبوع اللي طاف الرئاسه وسألتهم هل صحيح ثالث ثانوي منازل تعملون لهم تجميع لمنطقتهم في مدرسه وحده
قالو لي ايه
قلت لهم طيب وين المدرسه هاذي ؟؟
قالو ماندري روحي لهاذي يمكن تعرف واروح وتقول ماادري المهم وصلت حق وحده منهم قالت لي اخبر العام الماضي كان التجمع في الثانوية الثامنه عند عين موسى بصالحية خلف مستشفى المانع
قلت يلله خليني اروح اخذ ملفي من المدرسه اللي كنت فيها واروح على الثامنه
رحت مدرستي اللي هي الثالثه الثانويه سألتهم عن ملفي قالو احناارسلنالثانويه الثامنه ولازم تروحين تستلمين الكتب من عندهم

قلنا اوكي

رحت الثامنه ولان المدرسه مقسومه الى قسمين متوسط وثانويه

قلت لهم وين إدارة ثاوي قالو لي الدور الثالث صعدت دخلت المكتب يجامعه انا جايه لكم من الثانويه الثالثه منازل وابغى استلم كتب الأداريه التفتت خلف وقامت تناظر في الأدرج اللي وراها قالت السنه هاذي ماجاتنا ملفات من الثانويه الثالثه
يؤؤؤؤؤؤؤؤ
يؤؤؤؤؤؤؤؤؤؤؤؤ
وين ملفي ؟؟
قالت رجعي حق مصدرك وهم بيقلون لك اما ملفات من مدرستكم ماوصلت لنا

وبعدين المنازل السنه ماراح يكون في مدرستنا ماجانا قرار لسنه هاذي

لحول

رجعت حق مدرستنا قلت لهم وين ملفي قالو متى انتي انتهيتي من المدرسه قلت دوبي السنه قالت قولي كذا من الصبح فكرتك من خريجات العام الماضي قام الخناق بيني وبينهم قالت هدي اعصابك قلت لها يحق لك تقولين الكلام هاذا جالسه تحت المكيف ونااتشحطط يمين ويسار في ذا الجو تقولين ارسلنا ملفك وملفي عندكم
قالت طيب طيب امري وش نسوي قلت لها اتصلي في الرئاسه وسأليهم السنه هاذي المنازل في أي مدرسه قالت ماعندنا تليفون خبرك المدرسه جديده ولسا ماسلكو لنا احنا ولله ومتعطلين
قلت خلاص انااروح
رحت الرئاسه (صار طاش ماطاش )
قلت لهم اناابي استلم كتب ومدرستي اللي درست فيها اول ثانوي وثاني ماعندهم مناازل لثالث
تخيلو تقولي طيب ليش ماتكملين في نفس مدرستك الثالثه
قلت لها ياريت انااختي تدرس هناك وابغى اكون معاها عشان تجيب لي الملخصات بس إدارت المدرسه تقول ثالث ثانوي منازل ماعندهم
قالت لي روحي لمدريتكم حقت الثالثه وقولي لها انا مرسوله من قبل الرئاسه من عند فلانه وتقولك سلميني كتب لما تتخذ الرئاسه قرار وتحدد المدرسه لمنازل وهاذا رقم جوالي خليها تدق علي \
قلت لها يعني ممكن يجي قرار الرئاسه السنه هاذي لثانويه الثالثه قالت احتمال كل شي جايز
انا خذت رقمها وخزنته عندي في الجوال
ورحت مدرستنا الثالثه ودشيت على المديره وبلغتها كلام الموظفه قالت من غير مااتصل فيها تعالي معاي
طلعنا من المكتب شافت اختي نادتها قالت لها روحي المستودع جيبي لختك كتب
طيب احين انا استلمت كتب
دقيت جوال على موظفة الرئاسه يوم الأحد اللي طاف وقلت لها هل الرئاسه حددت المدرسه للمنازل قالت ايه الثانويه الثالثه

طاح قلبي امنيه وتحققت بغيت اطير من الفرحه

اتنظرت لمااختي جات من المدرسه واتصلت فيها وخبرتها بس قلت لها روحي المدرسه بكرا وسألي الإداره هل وصلهم القرار ولا لسا راحت يوم الأثنين وجات الظهر دقت علي قالت تقول الأداره انهم رفضو عرض الرئاسه وحوله على الثانويه الثامنه
شلون
انفجعت ورب البيت
جيت اليوم ودقيت على موظفة الرئاسه وخبرتها بكلام اختي قالت وهي معصبه مو على كيفهم يمكن لسا ماوصلهم القرار
انا احين اللي ضعت بينهم وش الحل ..؟؟؟