وقفه صريحه مع الزوجات

1. انا راح ابدأ بنفسي عشان توصل الفكره لكم :

اهلين بالفراشات شخباركم ؟؟
دائما نقراً مواضيع عن الرجال و كيف انهم ما يعاملون زوجاتهم بأسلوب حلو ما يقولون لهم كلام حلو او ما يعرفون يصيرون رومانسيون ودائم انكديين و ما يذكرونا في مناسباتنا الخاصه !؟ و الى اخره من الأمور ..
اليوم حبيت اطرح سؤال .. وابي الكل يجاوب بصراحه تامه .. هل انتي راضيه عن نفسك وعن تعاملك مع زوجك ؟؟ يعني في امور كثيره يمكن نسويها و الزوج ما يكون راضي عنها او نقصر في حاجه معينه او اي شي ..
ف خلينا اليوم نوقف وقفة صراحه مع نفسنا و نشوف هل احنا ماشين اوكي مع ازواجنا و نحببهم فينا و نسوي اللي علينا و نعاملهم بأسلوب حلو وعسل زي م نبي يعاملونا و لا بس جالسين نشوف الشي السلبي فيهم و ننسى انفسنا ؟

انا راح ابدأ بنفسي عشان توصل الفكره لكم :

انا صراحه احس عندي مشكله .. اللي هي اني دائما نكديه او يعني دائما على اعصابي .. و اغلب الاوقات يكون ضايق خلقي و كل شي يعصبني و يعكر مزاجي .. الكلمه الدائمه على لساني .. طفش زهق نبي تغيير ! و بنفس الوقت ما اتعب اني انا اسوي هالتغيير و اجلس الوم زوجي بيني وبين نفسي انه هو ما يسوي تغيير و دائما يحب الروتين !! .. و اجلس اعصب و انقهر بداخلي مع انه هو ماله ذنب ! و ماله دخل !
شي ثاني .. اني حساسه لكل كلمه يقولها .. يعني اي شي يقوله افهمه بمليون شي .. مع اني اكون مقتنعه انه هو ما يقصد شي من هالأشياء .. بس اجلس اختلق هالامور !
و بعد شي ثالث >> مابتخلص .. انو عندي فقر في الكلام الرومنسي يعني اذا بكثر .. اقول حبيبي ! .. حتى لما ابعد عنه ما ارسل مسجات حب وشوق ولا شي .. مع اني احبه اكيد ! بس انا ما تعودت على اني ما اظهر مشاعري للناس اللي احبهم ! الا نادراً !
وبس
الحين جا دوركم ؟