ولاعمري خضعت الا لرب الكون سبحانه

السلام عليكم ورحمة الله وبركاته
بنات حبيت انزل هالموضوع من مجهودي الشخصي واتمنى ي متزوجه تاخذه بعين الاعتبار
حتى لو ماتبي ترد مو ضروري براحتها
يكفيني عدد المشاهدات
لانه راح يحسسني باهمية المسأله
انا ابي اتكلم عن وضع الفتاه حين تنتقل من وضع عالمها الصغير الوردي للالم الاخر والمرحله المقبله من الحياة
كأنثى مكتمله النضج بالزواج ماراح ادخل فتفاصيل المسؤوليه والاولاد والبيت
يكفيني الزوج والزوجه فقط
واللي لاحظته فهالقسم اغلب الخلافات تتكلم عنها وبشكل مكثف للاسف
محصلين المشاكل كل مالها تزيد ماتنقص
كل انسان محتاج يفضفض ويحكي
لكن انا اقول معقوله مافي وحده فبيتها مرتاحه !!!
مستحيل عالاقل 40 % مع اتوقع باذن الله اكثر
احيان يكون الزوج والله طاق مخه والمخ عنده فاصل ومامنه رجا يتعدل ومامنه امل
\طيب انتي يازوجه ماتقدرين تاخذين موقف !!
اوكي اطلبي حل من هالقسم لكن صدقيني حنا فقط نساعدك مانقدر نعطيك حل
لان انتي لحالك ادرى بابعاد المشكله وانتي اللي رجلك فيها
حنا بس نعطيك حلول وافكار وندعي لك ونسال الله يفرج عنك
انا مثلكم انسانه لي مشاكلي ومسؤوليتي
لكن ابي اعرف ليه احيان الوحده لما تصير لها مصيبه تسكت سنين وبنين
ولما يجيها خلاف تافه على سوق ولا مشتروات ولا اي شي عادي ماتقدر تحله وتجي تحط لك موضوع !!
معقوله قدرتي تحلين المصايب ماقدرتي عالصغير
انا مع اللي يبدون بالصغير لان الصغير يكبر بس انتي مابديتي وجيتي تكتبين
ماقولك لاتفضفضين بالعكس يااختي
بس انا اللي قاهرني انك مكبره الموضوع ومن هناك لارضيتي وراح الزعل تلقين مافي احلى من زوجك
ولا اغلى منه
طيب هنا ليه تعقدين نص بنات المنتدى المقبلين عالحياه وتعطينهم نظرة سوداويه انا اقصد الناس اللي تكتب الحين بعد شوي تقول رضيت !!
يعني انا اشوف بعض البنات من ردودهم واضح انهم مشمئزين من الزواج رغم انهم يتمنونه
صاروا يحسون ان الزواج بالرغم من انه نعمه لكنه عقبه
وغيرها لما يكون موضوع مهم واستفسار عن الحياة وتكون تو البنت عروسه نلاقي هجوم
طيب مو انتي اللي قبل شوي رديتي على موضوع بنظر غيرك تافه
خلي فرصه لغيرك يرد لو ماعجبك الموضوع
ماطرحته الا وهي توها عروس وماتعرف للحياه وتبي من ينجدها
ومستحيه
وتبي العون مو فرعون
طيب عندك تعليق علقي لكن مو تحطينها قليله ادب والخ
اكتفي بذكر او دعوه او حتى ان شاء الله فيس صغير
ماراح تكرهك بالعكس راح تحترم وجهة نظرك
وبعدين ليه هي قليله ادب بنظرك .. من عطاك الحق تتهمينها !!
شفتيها قليله ادب مثلا عرفتي اخلاقها سالتي عن سمعتها؟؟
باي حق تتكلمين عليها
؟ >للبعض وليس الكل
بالنسبه للزوج .. انا والله احتقر اي رجال يهين زوجته ويضربها او مايأدي حقوقها
لان اذا ماخاف الله فيها متى بيغدي رجال !
وانتي ياحلوه ليه تسكتين ؟
ماقولك طولي لسانك لان هذا مو من تربيتك واصلا غلط وعيب ترفعين صوتك على صوته
لكن في الف والف اسلوب
انتي خليك فطينه
مثلا / الضرب .. وقفيه عند حده
تمشيات / لاتعلقين قلبك فيها لكن ذكريه انها شي مهم لتغيير نفسيتك حببيه فيها بشكل غير مباشر
لاتقارنينه بغيره
الكلام الحلو / يمكن هو طبعه جاف بس يحبك ليه تزعلين طيب احمدي ربك عالاقل يحبك
غيرك يكذب بمشاعره وهو يكره زوجته
انتي ابدي معه مو تقولين له ليه ماتقول كلام حلو؟
خير ان شاء الله وش هالاسلوب
خلك ذكيه
قوليله احبك / وابي اعرف مكانتي عندك ؟؟
قوليله غلاك مانيقص يزيد والله لايحرمني منك .بس الظاهر مالي غلا .. هو بيرد عليك بيقول وش خلاك تقولين كذا وانتي بدورك عبري
كلمه ورا كلمه لين تاخذين كلام حلو
زيارات / مو شرط اللي تزورينهم قبل الواج تزورينهم بعده
حتى لو استنقدوك الناس بالطقاق ارضاء الناس غايه لاتدرك
اهم شي زوجك يرضا
حتى لو انها جدتك وخالتك وعمتك
من الاولى بالطاعه اكيد هو
روحي لهم وانتي واقفه وفوقها لاتحسسينهم ان زوجك رفض
قولي مشغول او يجيه رجال وبرجع اصلح قهوته والخ الف عذر تطلعينه
ولارجعتي معاه قولي والله رفعت راسي يوم جبتني والخ
لو كان من جنبها
اهم شي تحسسينه انه سوا شي
يوم عن يوم يتغير
والامثله كثير
بالنسبه للي زوجها راعي مغازلات هذي يبيلها موضوع لحاله
واللي زوجها يطالع اباحيات بعد موضوع لحاله
لان لو اتكلم واكتب بتعب
بس حبيت احط هالتعقيب عشان غيري يستفيد
وبنات بقولكم لاترفعون ضغطنا بمواضيع مالها اساس
في مواضيع وربي فعلا تحتاج لحلول وتروح بسبب مواضيع للاسف مالها داعي
وغيره احنا نحتاج لمواضيع مهمه وحلو للحياة الزوجيه
واقتراحات وافكار تبني بيتنا
واحب اعلق على المواضيع اللي فيها فايروسات
ماراح اكتب كثير لان بنات كثير نزلوا مواضيع عنها
بس بكتفي اني اقول حسبي الله ونعم الوكيل
اللهم اقتص منه /ها
اللهم تقبل
اتمنى يكون موضوعي خفيف عليكم يارب
واعذروني اذا كلامي مو مرتب على بعضه
ودي ووردي
ولا يحرقنيے النآقد ولا يرفعنيے التلميع
ولا عمريے خضعت الا لرب[ !!!
الكون سبحآنه