وين تروح النفاس بعد الولادة ارجو التفعل

والله باالنسبه لى اقعد عند اهلى 20يوم بعد ما احس انى احسن شوى اروح لبيتى بصراحه صعبه اروح لبيتى على طول محتاجه رعايه

اكيدلازم الوحدة تروح لأهلهاخاصه اذا كانت الوحدة توها بأول عيالها او يقيصريه
اما اذا كانت كبيرة وجربت النفاس كم مرة وولادتها طبيعية عاد تجلس في بيتها بس بشرط وجود خدامه لهاتساعدها وتعاونها

أنا الحين بكريه بس انشالله اذا ولدت على خير بجلس في بيت اهلي لين اتحسن وبسير اجلس في بيت زوجي ...... وامه طيبه وما بتقصر قالتلي انا بهتم فيج لاني جالسه معها في البيت .......... وبيني وبين بيت اهلي 5 دقايق بس يعني في الحالتين الكل جنبي

انا حامل الحين وبأول طفل الله يتمم لي على خير
بس اول اشوف خواتي يجون عند امي فترة الاربعين كامله مب بس 20 يوم
ولما يخلصون يرحون لبيوتهم وانا بسوي مثلهم

انا عن نفسي اربعين كامله صح يتضايقون الازواج بس الصحه اهم
لو يصير فيك شي خربان والا عطلان
قالك اقضبي الباب والا جاب وحده فوق راسك
يسلمو حبيبتي

انا واللة اجلس في بيتي اولادي الاثنين

خالاتي واختي وعماتي واهلي كلهم الوحده تقعد عند اهلها فترة الاربعين كلها وبعض الاحيان تزود شوي ههه
وبعدها تروح لبيتها
الوحده في الاربعين مالها خلق نفسها شلون زوجها كل شوي وهو عندها
لان بتكون تعبانه ويبيلها عنايه خصوصا لبشرتها
تعرفون الحمل شو بيسوي بوحده
يعني انا ضد الوحده تروح لبيتها وهي باقي بالنفاس
تقعد عند اهلها وتهتم في نفسها من اكل وحمامات مغربيه واقنعه والي بخدمونها امها وخواتها ومافيه احد بيتحملها و يحرص عليها اكثر منهم
وبعدها تروح لبيتها وتكون بنيو لوك ومخلصه النفاس ونفسيتها مرتاحه ومشتاقه لبيتها ولزوجها

انصحك خليك عند اهلك أحسن انا لما حملت بولدي الرابع قلت خلاص بولد وارجع بيتى ، وفعلا رجعت البيت وطلعت عيوني لأني متعوده اخرج عند امي ، اول ليلة مافي نوم البيبي طول الليل يبكي يوم طلع الصبح وانا مرضانه من التعب ، وبعدين مافي وقت اكل ولا في وقت استريح طول النهار هذا الولد يبغي ياكل هذا الولد يخرب وانا هاتي ياصياح وطبعا الصياح مو زين للنفاس
ولما خلصتت اسبوع نقلت كل عفشي عند امي ورحت عندها للين خلصت الأربعين الله لا يحرمنى منها