وينكم يالاداريات

*بسومه*

22-08-2022 - 03:30 pm

لي فتره اتابع منتدى الفراشه ......
والحمد لله اغناني عن متابعه منتديات اخرى لان كل مااحتاجه هنا ..
لذلك مايحتاج ادور ...
بس عندي ملاحظه صغيرة ....
و بالنبه لي مهمه كثير ...
مافيه في المنتدى الاطالبات ومعلمات ....
وين الاداريات ...(كاتبات ومراقبات ومدخلات حاسب الي ..)..
انا متاكده انهم موجودين بس ليش مااشوف مواضيع تخصهم ...
معقوله المعلمات والطالبات هم الي يبون يطورون انفسهم ...
اتمنى القى تفاعل منكم ..ونقاش جاد ( مشاكلكم - وافكاركم - واشلون نطور انفسنا)
اجمل امنياتي لكم

التعليقات (5)

*بسومه*

22-08-2022 - 05:48 pm

ياعالم ياهوه
مافية اداريات في المنتدى ...
غريبة!!!!!

غزال الرياض

22-08-2022 - 06:50 pm

الا فيه انا ..
بس قرفانه ... وطفشانه ... وطاقني تكاك<< لغير الناطقين باللغه معناه .. طاقتني ضيقه صدر ..
والود ودي .. لو ماصرت اداريه .... وصرت وزيره على طول <<<< احلمي بعيد يابنت ...
ومن عذرنا لو ما نحتسي بالمنتديات .. اول شي مافي احد يعبرنا ... قسم ملتقى عام وقسم معلمات وتوجيه ... وفي اي منتدى بالنت ادخله مهناش قسم للاداريات بتاتا البته .. وهذا ان دل على شيء .. فهو يدل على تسفيه الاداريات وعدم الاهتمام بمشاكلهم او محاوله للتطوير منهم ...؟؟؟ لا تقولين كلامي مبالغ فيه ..
لأن حتى على ارض الواقع وبمجال العمل ... آخر اشخاص يهتمون الموجهات او الوزاره فيهم وباعمالهم هم الاداريات .. واكبر دليل ... شوفي الدورات المطوره للعمل اللي تعطى المعلمات ... بالمقابل لاتوجد دورات مطوره للعمل للاداريات نهائي ,,, واذا وجدت ... جابوا وحده شغلها حلو .. وقالو يالله اقتدوا بها ....؟؟ وهذا اذا ماكانت اللي مسويه الدوره المستفيده الاولى من هالدوره .. اسم وسمعه وترقيه ...
مع اننا نحتاج للدورات هذي .. نحتاج للتطوير اعمالنا .. ونحتاجها للترقيه ... ونحتاج اننا نحس اننا عالم مثل الباقين ..
غير انه مافي ابداع بالعمل ... وفي كل مره تجين بتبكرين طريقه جديده وعمليه للعمل ... هبوا فيك المديره والموجهه وقالوا مانقدر نغير بالنظام ؟؟؟؟؟؟؟؟؟ مع ان افكارك تخدم النظام بالدرجه الاولى ...؟؟ ويسوون انفسهم متفاهمين ويقولون برافو عليك تطلع منك افكار ... وياليت ننفذها بس مانقدر ؟؟؟
يعني اهمال بالاداريات بالدرجه الاولى ... انا مستاءه جدا من هالاهمال فينا ... إلى متى هالحال ؟؟؟
كلام حلو لك خذي إلى ما بكره .... لكن لجيتي عند التنفيذ ماحولك احد ...
ولا ابي اظلم احد ... بس هذا غالب حال الاداريات ... والله اعلم ..
خشيت بقوه صح ؟؟
وش ازين .. والله بالمره ضايقه من هالحال .. اعذريني يالغلا ..

hanoona

22-08-2022 - 07:51 pm

عزيزتي غزال الرياض ..
بالعكس نحن نرحب بالإداريات والموجهات ويا هلا وسهلاً فيهم معانا ..
ونتمنى حضورك يا غالية معانا وبطرح كل ما هو مفيد ويخص الإداريات وإن شاء الله بتلاقي التفاعل من باقي الفراشات الإداريات
يله أبدئي وتفاعلي وإطرحي موضوعات وإن شاء الله ستجدين ما يسرك
ومن يعلم ربما يفتح قسم خاص بكن ((قسم الإداريات))

*بسومه*

22-08-2022 - 08:52 pm

اهلين غزال الرياض
والله ضاق صدري تخيلت ان مافيه اداريات ..
*******
والله اختي ان وضعي مثل وضعك .. عشان كذا طرحت الموضوع ..
وانتي كان طرحك موسع اكثر مني كانك عارفة قصدي ..
خفت اتكلم واكون قاعده ابالغ في وصفي ...
هم ماعندهم اهتمام يطورونا
اذا كان عندك او عند الاخوات الاداريات اي اقتراحات ياليت نساعد بعض ...
اجمل امنياتي لك

*بسومه*

22-08-2022 - 09:53 pm

اهلين مشرفتنا
hanoona
اشكر مرورك ...
بس صدقيني احنا مانبي قسم خاص فينا ..
نبغى احد يهتم فينا مثل غيرنا من الموظفات ..

أنا جديدة ساعدوني يالمخضرمات←
ادخلوا واقروا وساعدوني→