ي بنات تعالو اقروا قصة طلاقي اللي ولا ب الأحلام

1. بنتكم قليلة ادب جايتني لابسه عاري


2. شرعه كيف يبي تكون الشرعه شي طبيعي عاري وعند من عند زوجي

بسم الله الرحمن الرحيم
السلام عليكم ورحمة الله وبركاته
اخباركن بنات ...؟
أنا كنت من ضمن الزوار للمنتدى هذا وتمنيت اشارك فيه لكن ماسمحت لي الفرصه اسجل
غير الفتره ذي تمنيت تكون اول مشاركه لي غير هالموضوع ومايكون بالقسم هذا
لكن شائت الأقدار ان اول موضوع لي يكون بالقسم هذا
ادخل بالموضوع على طول
والله ماكتبت الموضوع هذا الا من كثر ضيقتي وحزني
انا والعياذُ بالله من كلمة انا
زواجي كان ب 1/8/1432ه
يعني كان السبت اللي فات
أنا من سكان الرياض وزواجي كان في تبوك ومثل اي عروس تستعد لليلة العمر اللي مستحيل تتكرر ابد
استعديت لليله ب احسن مايكون رسمت له اشياء كثيره
يوم الخميس بتاريخ 28/7
تحركنا من الرياض متوجهين ل تبوك لمكان زواجي كانت مشاعر متلخبطه خوف فرح مثل مشاعر اي عروس بالكون
بيوم الزواج وبعدت ماتجهزت ولبست وصرت بكامل كشختي واناقتي بالفستان الأبيض اللي كل وحده تحلم فيه زفوني للفندق عشان اكون مع الشخص اللي اخترته ب إراده مني يكون زوجي وحبيبي وابو عيالي ومستقبلي كله
دخلت الفندق وانا كلي مشاعر خوف رهبه فرح حياء << لاحظو اني ماعملت زفه ولا شفت زوجي بالقاعه ابد كنت حابه نتصور ب الفندق بعيد عن الناس والخ
كانت عندي امي اتصل اخوي على امي قال حنا تحت ( يقصد هو والعريس ) لبست امي عباته وطلعت ودخل العريس
كان واقف عند باب الجناح كمل مشيه لحد عندي دعاني ب اسمي ولما رديت عليه تدرون شنو الكلمه اللي قاله لي
فلانه انتي طالق
تتخيلو كيف كان موقفي اتطلق كذا لا وب لليلة زواجي وبدون ذنب عملته
ماكان عندي ولا رد اصلاً وش كنت بقول الموقف اكبر من اني اتكلم الموقف جداً صعب صعب صعب
كمل كلامه قال اتصلي على اهلك يجون وياخذونك
قمت بشرعتي وانا اجر رجليني جر كلمت امي وردت وهي بصوته خوف اني شعندي داقه عليه وهي ماله الا ربع ساعه من مشيت من عندي
قلتله بالحرف الواحد يمه تعالو خوذوني
أمي :وشو
تعالو خوذوني ( ؟ ) طلقني
أمي: لاحول ولا قوة الا بالله
ورجعوا اخذوني وماامداهم وصل اخوي وامي الا ابوي وابوه واخوه الكبير عند الفندق كانت امي لحظتها عندي بغرفة النوم بتاخذ شنطتي وانا مازلت بشرعتي
طبعا اخوي كلم اخواني هناك يطلعون خواتي واقاربي من القاعه يودونهم ل شقه وخبرهم انه طلقني
الناس ترقص بزواجي وياصلهم خبر طلاقي
وطلعوا توجهوا لشقه اللي كنا مجتمعين حنا وخالاتي واثنين من عمامي كانت شقه ل الرجال وشقه لل حريم
المهم لما دخلو ابوي وابوه واخوي واخوه وسألوه ليش تدرون شنو قال

بنتكم قليلة ادب جايتني لابسه عاري

شرعه كيف يبي تكون الشرعه شي طبيعي عاري وعند من عند زوجي

طلع ابوي بدون مايتكلم كلمه وطلع اخوي واخذوني معهم اخذوني مطلقه بدون ذنب سوا زوج متخلف هدم مستقبلي وجرح قلبي ب أمر سخبف بايخ همجي كنت ساكته طول ما أنا بالسياره ابوي ماردد غير حسبي الله ونعم الوكيل وامي مااسمع الا شهقاته ودعاويها عليه واخوي يهز راسه وانا ولاكلمه ولا حتى دمعه حسيت الموقف اكبر حتى ان الدموع تطلع فيه حسيت انه مافيه شي ياصف مدى احساسي لحظتها مدى حزني ومدى الجرح اللي سببه
دخلت الشقه عند خالاتي وحريم عمامي وبنات عمي وخالاتي واختي ومرة اخوي وجدتي الكل يبكي والكل يتحسب ويدعي دخلت بشرعتي عندهم ابتسمت بوجيههم وطلبت اختي تدخل معي عشان انزل شرعتي دخلت معي وهي تبكي نزلت شرعتي وانا احس قلبي بيوقف من كثر همي و حزني ذاك اليوم نزلت شرعتي ومسحت مكياجي وطلعت لهم مع ان كان خاطري اجلس وابكي لكن الدموع مو راضيه تطلع وبنفس الوقت ماابغى اي احد يشوف دموعي وانا ابكي طلعت وطلبت عشاء وجلست اغصب نفسي على الأكل آكل بس قدام عيونهم دخلوا خوالي وعمامي الكل يقول كلمه تصبرني والي يدعي واللي يحلف يمين والخ وانا ابتسم واردد الحمدلله على كل حال
رحت ابي انام سكرت باب الغرفه وانسدحت ب فراشي اسمع اللي تشهق وميته صياح وانا ساكته اسمع وساكته واقول المفروض مكاني الحين مو هنا الدموع تبي تطلع وانا جالسه امسح فيهن مابغى ابكي وانا قلبي ينزف دم
بعد صلاة الفجر قرروا يرجعوا ل الرياض وتحركت السيارات متوجهه لل العاصمه وكنت ساكته والهدؤ مسيطر على المكان والكل سارح بفكره وانا عيوني معلقه ب الطريق والتفكير يوديني ويجيبن وكان اغلب الوقت في بالي رحت ل تبوك زافيني عروس ورجعت من بكرا مطلقه
وصلنا الرياض دخلت في بيت اهلي كنت ادور ملاذي ادور المكان اللي حلمت وخططت ل ذيك الليله اللي يقولو انه لليلة العمر
دخلت سريري بكيت وماحسيت بنفسي الا واهلي كلهم عندي اللي يبكي واللي يحاول يهدي الموقف وماسك نفسه لايبكي
آآآآه يابنات وربي ماتتصورن وش كثر اتعذب وابكي احس قلبي تعبان من كثر حزني وربي ولا كلمه ممكن تاصف ربع شعوري
انتم تتخيلو اني المفروض اكون عروس وصرت مطلقه عشاني لابسه عاري اذا كان هذا تفكيره ليش يظلم بنات الناس اقول لأي شخص ممكن يقراء قصتي خافوا ربكم في بنات الناس وش ذنب الوحده تحمل هاللقب وهي ماله ذنب
تطلقت وانا عمري 20 وش ذنبي ينهدم حلم تمنيته
حسبي الله ونعم الوكيل
حسبي الله ونعم الوكيل
حسبي الله ونعم الوكيل
اللهم آجرني في مصيبتي واخلفني خيراًمنها
وربي يابنات ماكتبت قصتي الا من كثر حزني وهمي
لاتقولو السالفه كذب والله وبالله وتالله ان السالفه صدق ب صدق وحصلت لي انا حتى مو منقوله
وربي السالفه ولا بالخيال حسبي الله ونعم الوكيل
حسبي الله ونعم الوكيل
حسبي الله ونعم الوكيل