يا أحلا فراشات ايش تنصحوني فيه نوروني الله ينور عليكم

حبيبتي لازم تعطين تفاصيل أكثر عشان البنات يقدرون يساعدونك
مثل وضعكم المادي إذا تقدرون ماديا على البناء فأنا أفضل البناء عشان يكون على ذوقكم ويكفي أنه راح يكون جديد
أما إذا بتشترون بيت وأنتم بعد مقتدرين يكون جديد أو أخو الجديد يعني تغيرون بويات وأشياء خفيفة ويطلع جديد
وأستخيري لازم تصلين استخارة لانه ماخاب من استخار

يسعد صباحك يا أختي الرائدة
ولله الوضع المادي يعني اللهم لك الحمد تمام وفيه سيوله بسيطه من عنده
يعني كذا ولا كذا لابد قرض من البنك في الزمن هذا..
واذا بناخذ بيت جاهز أكيد بيت ان شاءالله باقراطيسة يعني جديد
مانسكن من قبل
فحن محتارين
مشكورة حبيبتي على ردك
جزاك الله كل خير

خلاص حبيبتي إذا البيت اللي بتشترونه راح يكون جديد أنا أفضل شراء بيت جاهز وهذا رأيي لو أنا مكانك.
يمكن يكون أغلى من البناء لكن راح يوفر عليك وعلى زوجك راحة البال اللي الناس يشترونها بالمال .

ام والله حيره البيت الجاهز اريح من البحث بس لازم يكون كل شى فيه جوده من حيث البناء والسباكه والارضيه والتصميم بس والله كثر يشتكون من البيوت الجاهزه وخاصه التجاريه مثل الدبلوكسات
اما اذ بنتو تختارين موقع الارض وتختارين تصميم البيت وتكونون على درايه كامله من حيث البناء والسباكه وجودتها
بس انتى طالعى ايش تفضلين واذ فيه امكانيه ماليه واذ ابو الشباب من النوع الصبور ويتحمل الف والدوران عشان البحث على الارض ومتابعه العمال وغيره
انتو اول شئ دور جاهز واذ عجبكم 100 بل 100 توكلو على الله من حيث المساحه والبناء والتصميم
اما اذ مالقيتى شئ يناسبك عليك بلبناء صدق تعب بس هذه بيت العمر
الله يوفقكم

يسعدكم يابنات ماقصرتو
عسى الله يناولكم اللي تتمنونه ويحقق لكم مطالبكم
ويسهلها علينا وعليكم يارب
لكم كل الشكر..