يا بنات الاحساء محتاجتكم تكفون

همـــوســـه

31-05-2022 - 02:37 am

صباح الفل
بنات انا من الدمام وزواجي بالحسا
ياربي شسوي مااعرف شي هناك..
زواجي بعيد الفطر وانا كل يوم اقول اليوم بشوف
عطوني اسم كوافيرات حلوه
استوديوهات حلوه
فستان العرس اشوفه من الحين والا بدري؟؟؟
لأني انا بأجر
مشكورين

التعليقات (8)

بنت علة ازعاجها فلة

31-05-2022 - 05:08 am

موفقة يارب

جذابه لحد الاذابه

31-05-2022 - 06:09 am

عندك مشاغل كثيره
افضل شي الهودج بس معرف اسمها يمكن يكون مرفت اوغيرها
وعندك سحاب يمدحون بس انا مو عاجبني
مريم عيد كمان يمدحونها بس انا ماعجبني مكياجها
بس انتي روحي شوفي يمكن يعجبك
لان هذه افضل المشاغل بالاحساء
في وحده اسمها سميحه مكانها ضيق بس مكياجها مره حلو
الاستديوهات في واحد اسم شوق في المبرز بس معرف وين مكانه بالضبط
ان شاءالله البنات يساعدونك
لاني مو خبره بالسوق انا زواجي باقي شهر وشوي
ولس ماجهزت شي

**قلبي دليلي**

31-05-2022 - 08:11 am

الهودج فرعين له
سحاب
الاحلام
الفراشه
الاستديوو افضل شي تصورين بالمشغل اذا مافي وقت
وبالنسبه للفستان عندنا بالحساء محلا ت لايعلى عليها تعالي قبل زواجك بشهر وحجزي لك
نصيحه
اخذي فستان مستاجر مرتين ثلاث اربع بس
وشوفي الفواتير حق الفستان
لانه بعض العروسات ياخذون ملبوس الف مره ويطلع مو حلو ولونه بهت والقماش مات من الغسيل
اتمنى افدنك..

فرح علي

31-05-2022 - 09:12 am

هلا حبوبة
التصوير روحي لاستديو مريم العيد جد روعه بس الصور تطلع بعد 3 شهور
والمشغل مريم العيد حلو بس انا احب عن نفسي مشغل الفراشة بشارع الماجد بالسويق روحي حق ميرفت جد روعه ميرفت هاذي فنانة اصلا وصارت تمكيج
والفستان ... اخذية من المهيوب او الصالح الكبير

&&الجوري&&

31-05-2022 - 10:13 am

حبيبتي عندك مركز الأحلام (أم يا سر أو أم مرتضى)
سحاب ،مريم العيد ، هذا اللي أنا أعرفه
الاستديو عندك شوق في شارع الستين
أستديو قبس في المبرز
أما الفستان بإمكانك يكون من الدمام بس من الحساء شوفي الهام اليوسف إذا عندها جديد
والله يتمم لك على خير

ريميه سعوديه

31-05-2022 - 11:14 am

نصيحة مجربه انا رحت مشاغل الحسا تقريبا الأغلبيه الهودج روعه في المكياج بس التصوير يعني/ الفراشه مكياج مغبر طبعاً موكل مره بس انا شفت عروس ماعجبني مكياجها ابد والتصوير ماشفته/مريم عيد مزاجيه مره مزبوط ومره دماروالتصوير جنان بس قريبتي تزينت عندها في ليلة الملكه وطلعت خيال بس ليلة العرس راحت مشغل ثاني تحب التغييربس انا شفت عروس عندها مسكينه كسرت خاطري مكياجها سايح/ اذا تحبين المكياج الناعم روحي عند مشغل منتهى الجمال اوسيدتي واذا تحبين مشغل توب ومكياج مرتب وتصوير روعه روحي مشغل الجازي في السلمانيه عند وحده اسمها على مااظن ليلى القطان ابداع حتى التسريحات مره يزبطونها بس مشكلتهم موصادقين في المواعيد بس هذا اللي لاحظته عليهم وبصراحه عجبني شغلهم طبعاً انا مااسوي دعايه للمشغل لاوالله بس انا شايفه شغلهم بنفسي والناس اذواق وبالتوفيق اختي وحياه زوجيه سعيده.......

ريميه سعوديه

31-05-2022 - 12:15 pm

بالنسبه للفساتين عندك محا لمسات عروس والمهيوب والجوهره هذول اللي اتعامل معهم والأستديو سمعت عن استديو اورانوس يمدحونه كثير بس للأمانه ماشفت شغلهم ....وبس

منتهى الرقة

31-05-2022 - 01:16 pm

ام
الله يوفقك ان شاء الله..
المشاغل اللي عندنا الحين حلو شغلهم..
وجه القمر هذا ناعم مرره شغلهم انا حجزت عندهم لزواجي..
فيه الفراشه في شارع الماجد والله مرة تمكيجت عندهم خطير عند وحده اسمها ريم بس طلعت الحين من عندهم وفي خطوبتي مكيجتني مشاعل كان مكياجها حلو بس ماعجبني كثير..
فيه مشغل سحاب خطير شغلهم وحده اسمها امل
فيه مريم ميك اب على حسب اللي تطلبينه منهم..
فيه مشغل منتهى الجمال ذا ناعم مره..
والتصوير فيه كثير يعني انا وحده بتصورني اسمها ام محمد 50 صورة ب1500
وفيه الفيديو بمونتاج ب1000
والفساتين اقول لك دوري لك من الدمام او الخبر لان اللي في الاحسا المحلات مو حلوة ..
انا زواجي بعد شهر وفستاني فصلته في الخبر اذا بعدين تبي تشوفينه بعد الزواج ولايهمك..

زفة سندريلا←
كاميرات تصوير في فندق مشهور بجده→