يا صاحبي حزينه جدا جدا عه المحبة د

الحياة حكاية من الخيال , جزء من اللا معقول ....
نحب ونحب ونحب .... لا نتخيل العيش بدون من نحب لكن فجأة نفقد من نحب
وبدون أن نتخيل أن يكون هذا الفقد للأبد ....
فهذا صاحب كان ينتظر أن يرى أعز أصحابه عريس بعد فترة بسيطة ولكن الأجل كان اقرب ...
لقد توفي في حادث قبل أن يراه عريسا ...
همومي جبال..
وعبراتي بحر...
آآآآآآه أنا الغريق بهالبحر
آآآآآآه يابحر...
ودي أتوه بين مدك والجزر..
ودي أضيع وتضيع أحزاني معي ..
ودي أصيح والاقي منهو بروحه يضمني ..
ودي أعيش بليا شعور ولا أفقد صاحبي الي معي ....
يا صاحبي ....
وينك رحلت ؟؟؟..
خليتي بروحي ورحلت ؟؟؟
كنت أنتظر منك كلمة وداع ..
حتى الوداع منك ... ماسمعت ...
رحلت وحكيك ببالي يدور ... آآآآه ليتك سكت . . .
يا صاحبي . . .
ماهو سهل أنك تروح . . .
أنتا رحلت ... وبالرحيل نزفت دمعي والجروح . .
وأنتا معي كنت أبني الأمنيات مثل الصروح . . .
كنت أنتظر منك الكلام . . .
علمتني كيف بهالدنيا نعيش الأمل . .
خليتني بأقسى الظروف انتشي بكاس الأمل . . .
كنت تعطيني بهالدنيا دروس . . . .
وأحلى الدروس يوم علمتني ان الصبر صفحة من كتاب العمر . . .
وان الحياة بليا صبر مثل الخراب مثل الزهر لامن ذبل والا لحظة احتضار كل الشجر ...
خليتني أعشق بهالدنيا الصبر . . .
' أضميتني ' ليتك تجي .... بس أضمك ثمن تروح ...
يا صاحبي . . .
تذكر وأنتا معي كنت توصف لي الي تحبها "
كنت تحكي أنها نجمة بهالسما !
والا هي كل النجوم بحسنها !!
والا الوكاد اهي " القمر" وكل النجوم حولها اتعزها ! ! !
كنت أعيش معك هالشعور وبداخلي أهمس يابخت الي تحبها . . .
يا صاحبي ...
كنت أنتظر أشوفك بلحظه عريس ...
كنت أنتظر لحظة أفرح بها معك ....
كنت أقول بتطلع أحلى عريس...
ويابختها منهي بهالدنيا معك ...
لكن اهو القدر ما أمهلنا نشوف بهالدنيا "عريس" . .
رحلت ومابيدي شي الا الدعا . . .
رحلت والذكريات بتخنقني وأنا أطالع بهالسما . .
ياترى شنهو مصير الي تحبها ؟؟؟
وشلون بتعيش بدون الي حبها ؟؟؟
وآآنا كيف بعيش مع الفراق يا صاحبي !!؟؟....
ياصاحبي...
شفت كيف هالدنيا " تدور "
واحنا ندور معها بليا شعور . . .
وما أملك الا الدعا ربي يرزقك بالجنة أحلى حور ..
آآآآآآآآآآه يا صاحبي بدونك كيف بتكون دنيتي ؟؟!! ...
يا دنيتي . . .
يادنيتي بك أحوالي غريبه
وبهالحظة أنتي كئيبة
بوسطك نحب ومانتخيل أبد نعيش بدون الي نحب . . .
ونعيش لحظات بليا شعور كن مابهالدنيا الا أنَا والي نحب . . .
وبلحظة قصيرة وبدون مانحس تخطفين الي نحب ... والله عجيبة ....
يا دنيتي ...
على ضو القمر جلست أحاتي كربتي
بين النجوم نثرت احساسي بغربتي
كل شي مر بخيالي وراح . . .
الا الألم زارني بس " ليته راح " مع الي أحب . . .
بين الأهل بين الربع تخنقني العبره وأداريها آآآآآآه لا تفضحني "دمعتي" . . .
يا دمعتي ....
احساسي بالألم يقتل وحدتي
وين الحبيب الي راح وتركني أسير للدمعة وحسرتي ...
وين الرفيق الي رحل وخذ معاه حتى بسمتي ...
يا دمعتي يا راحتي
ببكي ليما يحين فصل الجفاف . . .
ببكي لمن تذوب الغصة والألم . . .
ببكي لين أنثر كل الألم . . .
ببكي ليمن أحس روحي سراب. . .
ببكي كود البكا ينسيني هالاغتراب . . .
ببكي لين أرتوي من الظما واحساس الهجير . . .
ببكي ليمن يحين وقت اللقا بجنه هي بأعلى السما ...
]]