يا عرايس تعالوا اقولكم كيف عملت تقشير للركب والأكواع وانا في البيت

1. السلام عليكم


2. اش هذا والله يابنات ما أبالغ كان الجلد الميت كله ظهر على سطح البشرة


3. تدعكوا أثناء جلوسكم في الساونا

السلام عليكم

هلا بنوتات والله من اسبوع وانا بخاطري اكتبلكم تجربتي عشان تستفيدوا بس كانت الإختبارات شاغلتني , بصراحه الي صار معاي شي خيالي لايصدق ,بالأول يمكن تفتكروا اني نزلت موضوع اني عملت تقشير للوجه ,المهم تقشير الوجه عجبني مرة وحسيت بفرق كبير وفكرت اعمل تقشير كمان للركب والأكواع وحجزت عند عيادة تجميل موعد بعد ثلاثة أيام المهم خلاص قررت اروح , كنت متعودة كل يومين اعمل حمام مغربي عندي كل الأدوات من ...إلى بصراحه دايم كنت اقرأ في المنتديات ان الحمام المغربي يزيل الجلد والميت و وفعلا حسيت بشرة جسمي فتحت لكن ماعمري شفت الجلد الميت الي يحكوا عنه لين اقتنعت اني نظيفة المهم ما اطول عليكم ذاك اليوم جهزت الحمام وسخنت الساونا وجات على بالي فكرة انا دائما استخدم الملح الخشن كصنفرة للبشرة بس كنت احسه يخدش البشرة فجاء على بالي اني اطحنه عشان ينعم وطحنتة وجلست في الساونا تقريبا 5دقايق لين جسمي بدأ يعرق بعدين اخذت الملح الخشن المطحون وحطيته على كل جسمي بدون استثناء ورجعت جلست في الساونا فترة 7دقايق كذا بعدين اخذت الليفة المغربية وبدأت أدعك جسمي بشكل دائري ,طبعا انا كنت ادعك وانا داخل الساونا فما كنت اشوف النتيجة لأن راسي بره وجسمي جوا , دعكت شوية وبعدين تعبت فقلت خلاص ابطلع ,ويوم طلعت ونظرت الى جسمي يا الله !!!!!!!!

اش هذا والله يابنات ما أبالغ كان الجلد الميت كله ظهر على سطح البشرة

في البداية ما صدقت دعكت يدي وانا اطالع فيها وشفت الجلد الميت يظهر أمامي بسرعة خيالية ,أول ما جاء على بالي طبعا الركبة والكوع قمت دعكت الكوع وانا اتفرج على الجلد الميت وانا متفاجأة عمري ما اتوقعت اني راح اشوف هذا المدعو بالجلد الميت , انتقلت على الركب واساسا الركبة كانت من حرارة الساونا مستسلمة للدعك بدأت فيها ووالله يا بنات كنت احس الركبة تقشرت صرت اشوف الفرق بين الجلد الجديد الأحمر والجلد القديم رجعت حطيت على الركب من الملح الخشن وجلست في الساونا صح كنت احس بحرارة فيها بس جلست بعدين رحت أخذت شور وكنت ادعك الركبة لأن الجلد الميت كان على طول ينزل عبيت البانيو مويه دافية وجلست بعدين رجعت أدعك كنت أبغى سطح البشرة القديم يروح كله لأني كنت شايفة انه في فرق بين البشرة القديمة والجديدة فكنت ابغى اتخلص من القديمة كلها لكن حسيت ان المكان صار يألمني ومايستحمل دعك فتركتة ولما خرجت من الحمام رطبت جسمي
وعشان ما اخفي عليكم شي ركبتي الآن فيها إحمرار ماراح من 4أيام لأن الكلام هذا صار له 4أيام حد الآن وصرت احط عليها مرهم ميبو أكيد تعرفونه هذا المرهم زي السحر في محاربة آثار الجروح الجديدة ويخفيها في غضون أيام فقط وإلى الآن بنات انتظر الحمار يروح عشان اشوف النتيجة , حبيت اقولكم على الي صار معاي عشان تستفيدوا منها
أهم شي تطحنوا الملح الخشن
تحطوه على الجسم بعد ما تجلسوا في الساونا

تدعكوا أثناء جلوسكم في الساونا

أكيد الي صار معاي من مفعول الملح لأني اول مرة استخدموا بالطريقة هذي واشوف هالنتيجة
وحاجة مهمة كمان بنات لازم تنتبهون لها وهي أن كل شي بيد الله وحده لاكريم ولا مقشر ولا أي شي حيغيرك إذا اعتمدتي عليه وعلقتي أملك فيه دون الله , والله العظيم يا بنات أنا جربت كثير خلطات وكنت بصراحه متناسية هالنقطة وهي نقطة الإتكال على قدرة أولا وأخيرا كنت أنتظر على أساس ان الكريم هذا هو الي حيغيرني فقط لين مليت من الخلطات وفهمت اني كنت مقصرة مع الله سبحانه وتعالى اخذت يومين ما استخدم اي شي سوى التوكل على الله والإعتقاد بأنه اذا اراد للشي كن سيكون وسبحان الله يومين بس والله هداني لهالطريقة الي غيرتني , يعني بنات الي تتكل على هالطريقة على أساس انها هي بنفسها حتغيرها لاتستغرب اذا ماشافات نتيجة لأن المهم في الموضوع الإتكال ثم الإتكال على الله وحده
وأخيرا دعواتكم لي أتوفق في الإختبارات وتمر بسهولة ويسر علي وعليكم .