يا فراشات جدة الرائعات ممكن طلب بسيط

هلا اختي بالنسبة للاسواق في شارع بجده شارع التحلية طول منتي ماشية بتلاقي اسواق في الشارع عالقولتهم الشانزلزية في سوق جده مول تلاقي فساتين سهرة حلوة ...ومركز التحلية رائع اصلا راح تدوخي في الشارع من كثرة الاسواق والمحلات فيه حتى بتلاقي محلات الاندروير والاكسسوارات وصنادل وكل حاجة في هالشارع ضروري تروحي اذا راح تدبشي وانزلي دحين لانو في تخفيضات .....وفي كمان سوق الحجاز واسواق بجنبه فيها فساتين سهرة اسعارها معقولة في حي على مااعتقد البوادي وبتلاقي في الحجاز كم محل للملابس الداخلية..... روحي كمان الحفني في محل اسمو عماد رزق فيلو اكسسواراات خطيرة .....ولاننسى سوق حراء الدولي في حي النعيم هذا السوق روعة .....اما بالنسبة للمشاغل انا دايما اروح مشغل اسمو الكعكي في حي الخالدية خلف مركز البدرية يناسبني كتير وعندي رقمهم وفي كمان مشغل منة سنتر رائع والشيخة وااليادا رهيبة ومعروفة في جده والمقينة كمان .... معليش طولت عليكي اذا تبغي تستفسري عن حاجة ثانية انا حاضرة ومبروك والله يتمملك على خير ... ادعيلي

حبيبتي الف الف مبروك وقولي كم عندك حدود المتوسط اعطيني امثلة لان جدة كلها اسواق وتتفاوت الاسعار من مكان لمكان حرام اقولك اماكن وتضيعي وقتك .
والله يوفقك وعقبالنا.

تسلميمون جميعا على المرور

ياعني ابغا اشياء حلوه بسعر مناسب يعني في متناول الجميع ويكون حلو يعني محلات فساتين العراس يعنيي
ودمتي اختي نسيم بحر

الله يوفقك حبيبتي

الله يوفقك حبيبتي

الاخوات ماقصرو قالو كل الاسواق اللي في جده وماننسى عزيز مول فيه اشياء مره حلوه في كمان مصممه في جده تعرض تصاميمها في دبي انا مره شوفتها في التلفزيون وقريبتي تعرف الفله اللي اللي تستقبل الزباين فيها اذا تبغى تعرفي عنها راسليني وان شاء الله اقدر افيدك بس ترى اسعارها مره غاليه يعني فستان سهره مرره عادي اقل شئ بتلاقينه بثلاثه الاف هذا يكون مافيه شغل كثير
تقبلي تحياتي يالغلا والف الف الف مبروك وعقبالنا قولو امين ههه

**جنا**
واي استفسار على الايميل
××××××××××××××××××××××
يرجى التقيد بالقوانين

الله يوفقك حبيبتي
بالنسبة للاسواق عندك شارع التحليه
وعزيز مول
وسوق حراء الدولي
راح تلاقي كل شي بإذن الله
.................................................. .