يا متزوجات شلون اسويها

و الله انج ضحكتيني بس ما توقعت اول من راح يرد عليج
و انا نفسج مملوكة بس صار لي اكثر من سنة صح الوضع في البداية صعب
بس راح تتعودين عليه شوي شوي
و خلج جذي في حيائج و خلي كل كل شي طبيعي متى ما صار صار
و لا وعدينه
و خليه يحس ان هذي الشي متوقف على حيائج
مو على انج ما تبين و حاولي بالأسلوب الحلو و الكلمة الطيبه تخلينه ما يزعل اذا ما صارت
لأنه هذا الشي مو بالوعد هذا الشي راح يصر مع الوقت و على فكرة البدايه حلوة وايد من ناحية هالمواضيع لأنها تكون مملوءة بالحياء و الشعور الغريب
مادري يمكن افدتج لا تتضايقين
و لا تزعلين
أختج........
عروس البحرين

الف الف مبروك على الملجه
انا توني متزوجه ماصاري 5 اشهر وشوي شوي الحيا يروح عنج وانتي اللي تروحيله ههه
والله ولي التوفيق

انا مع الاخت عروس البحرين (حلاة البنت بحياها)
بس لا تزودينها بالحيا (بالعربي لاتسوين مثلي) :( انا كنت اموت من الحيا واحس اني مااقدر اتنفس اذا قرب مني وطول فتره الملكه (8شهور) وكل اللي حصله مسكه اليد :( ومره قبل العرس باسبوع طلب مني بوسه رفضت ( مجروده) الحمدلله انه كان متفهم خجلي بس صدقيني انا بعدين تندمت لاني حرمته وحرمت نفسي من حلاوه خطف البوسه وانتظار البوسه اللي جايه
بس حاولي ان البوس يكون خفيف بلاش التعمق اللي ممكن يجر اشياء ثانيه

والله انتم مصرقعات يابنات
بصراحة انا لو املك ماراح اخلية ياخذ مني لو ربع بوسة خلية يستوي على نار هادية
وإذا قال ليش قولي بعدين ولاتقولين استحي كانه ودك ومو قادرة
يابنات الثقل صنعه وكل ممنوع مرغوب
والخطيب راح ايتفهم برضاة وإلا غصب
لاتخافون الخطبة مللك العروس
والزواج ملك العريس
بس لاترفضين بخشونه مثل ماابي ماابي كانك طفلة
قولي بابتسامه خجول (واللي يموت فيها كل شاب)انت تستعجل علي بعدين بعدين بدلال يعني
ارجوا اني اكون افدتك
اختك الهجير

والله انا لو اقولج تضحكين علي ..
انا بعد كنت استحي وفي البدايه شلون انفتح الموضوع .. انا ما كنت حاطه في بالي
سالفه ((البوسه)) يعني ناسيه ان حلال عليه وما كنت افكر فيها وعادي كنت بريئه يعني ..
بس يوم من الايام دزيت له مسج وفيه بوسه بس انا كان قصدي شريف يعني بوسة خد مو شفايف
بس الاخ ما صدق على الله وفهمها انها بوسه شفايف
ودزلي مسج عن بوسه الشفايف (( انا اخترعت )) قلت شفيه هذا !!
المهم اليوم الثاني مر علشان يعد معاي في بيتنا ان متاقلي ومادري شنو ..
المهم انا الحين متوقعه في اي لحظه ان يفاتحني بالموضوع ..
شوي جان يقول يالله.. قلت شنو؟ قال بعطيج المفتاح .. قلت اي مفتاح ؟ بس انا كنت فاهمه قصده
ان انتي اللي تبتدين بالبوسه .. قلت له لا المفتاح عندك ..
المهم على اخر القعده جان يقول استسلمتي ؟ خلاص (( جان يبوسني )) انتي بس لا تشوفين شكلي شلون كان
الويه يقط الوان و شوي وابجي من الاحراج
والبوسه كانت بريئه من فوق لي فوق ههه
بس الحين تعودنا وصار الشي عادي و حلو
بس ما صار شي اكثر من البوسات و الاشياء السطحيه
يعني المرحله اللي انتي ماره فيها عاديه راح تطوف
الله يهنيج
وسوري على الطواله

والله تعلمنا منكم
بصراحة انا بعدني بأول الطريق
ماعرف حك هذي الاشياء

ههه والله انكم سوالف..بوي دامج مالجه لاتحرمينه من بوسه من حقه ترى..

أنا اقول مثل ما قالت اختنا الهجير
خليه يستوي على نار هادئة
ههه

ههه
اي والله صح كلامها