يا ناس الحقوني اهل زوجي بيجننوني

السلام عليكم بنات انا جديدة في المنتدى وعندي مشكلة الله يخليكم اللي صرلها نفس الشي ترد علي وافتوني ايش اسوي مرة محتارة
انا متزوجة من خمس سنوات اول 3 سنوات كانت حياتي سعيدة جدا مع زوجي لكن لا تخلو من المشاكل التافهه النادرة يعني زي كل الناس المهم بعدها قرر زوجي اننا نسكن مع اهلو هم الصراحة طيبين ما قدرت ارفض بس حاولت ابينلو انو حتصير مشاكل كثير وما حيكون لنا خصوصية زي اول كان ردوا بالعكس حترتاحي وحيساعدونك اذا تبغي تدرسي او تشتغلي قلت ماشي
اول ما نقلنا اتغير الكلام كلة وبدل ما يساعوني صار يخاصمني عشان اسيب شغلي واساعد امة وانا كنت حامل في ابني التاني وماكانو يرحموني ادا يوم ما ساعدتهم او حتى مااكلت معاهم يشتكوا لزوجي ولو قلت تعبانة او اتوحم يقولو تتدلع والحين ابني عمرة سنة ونفس المشكلة تتكرر كل يوم كل اسبوع كل ما اتصالحني يشتكوني عندة سنتين كلها مشاكل كل ما رحمني من شغل البيت وتعب العيال نرجع لليش ما تساعدي امي وانا المشكلة حايسة بين بيتي وبيت اهلة وعيالي زي المكينة اشتغل طول النهار لين الفجر والا احد يرحم واللي يقهر انو اختو عندها نفس المشكلة بس يقولو عنها مسكينة خلينا نروح نساعدهاكل اسبوع ......غير التنغيص علينا في الدخلة والخرجة والحين حتى زوجي صار ما يرحم وكل ما اقلة شي يقولي انت تتعدري وصار يصدقهم ويكذبني حتى لو شاف بعينو ادري طولت عيكم
قبل اسبوع زودوها ورحت بيت اهلي وهو مايتصل مسوي نفسة جامد بس يسال اخويا عني على اساس بالسر انا عارفة انو يبغا يصالحني بس اهلو مكبرين راسة وانا الصراحة ماني قادرة اتحمل اكتر ابغى شقة لحالي بس عارفة ان اهلة ما حيخلوه ما ادري ايش اسوي
قولولي ايش اسوي بليز ما ابغى اخسر زوجي بس ما اقدر اتحمل العيشة مع اهلة