يااحلى فراشات ممكن تشاركووني بأرائكم

العزيزة اللزيزة

28-12-2022 - 01:39 pm

اهلين
انا عضوة جديدة في المنتدى ومرة عجبني وحابة تشاركوني بي ارئكم
انا من جده وان شاءالله باذن الله فرحي بعد شهر حيوافق 4شوال
ايش في كوافيرات تعمل مكياج حلو وتساريح وحمام مغربي
انا حجزت في دار الموضة اذا احد يعرفو قالولي مكياجهم حلو بس حابه اشوف اماكن تانية
ومررة كمان حايسه في الزفة والاغاني اللى حأحطها ولازم اخلصها ان شاءالله
قبل رمضان وتكون جاهزة
ايش في اغاني حلوة جديدة احطها في البلكونه والكوشة واول مااطلع
معليش حأتعبكم معايا
وان شاءالله غمرتي يوم28شعبان وحأعمل بدوي يعني حألبس لبس بدوي
ايش في زفات بدوية حلوة اذا تعرفو ممكن تساعدووني وايش ممكن اعمل حركات جديدة في الغمرة
شكرا
اختكم العزيزة

التعليقات (8)

جوووودي جده

28-12-2022 - 05:10 pm

مبروك يااخت العزيزه اللزيزه عندك صالون نواره حلو في التنظيفات للجسم روعه والماكياج عندك الشيخه مره ابداع لكن ماانصحك بدار الموضه وبالتوفيق انشالله

العزيزة اللزيزة

28-12-2022 - 06:11 pm

م تسلمي ياجودي والله يبارك فيكي يارب
ايوة اعرف نوارة بس الشيخه فين مكانو؟؟
وانتي تعرفي دارالموضة يعني في احد جربو من عندكم؟؟

*ام بدر*

28-12-2022 - 07:12 pm

هلا عيوني الله يوفقك..
ويتمم لك على خيير..
بصراحه للغمرة وبدوويه
ام اعتقد تصلح (سواها قلبي)لاصاله..
وحركات ماعندي ..تقليدي كالعاده..
وبقعد افكر اذا لقيت شي..
دعواتك يالطيبه..

نقــــاء

28-12-2022 - 08:13 pm

حبيبتي العزيزة اللزيزة
بالنسبة لشيخة .. موقعه ورا الراية اللي في شارع صاري
أنا شفت عروسة يوم ملكتها عند شيخة .. الصراحة روعة
بس ماما تقول البنت اللي حلوة مو المكياج .. ولا هوا عادي
أنا ان شاء الله ملكتي كمان في شوال
وححجز عند جاك اذا ربي اراد ..
الصراحة ارتحت لمعاملتهم ..
ومكياجهم ناعم وبسيط
الله يوفقك يا رب
ويكتب لك اللي فيه خير لك

غايتي طموحي

28-12-2022 - 09:14 pm

ع البركه حبيبتي
وو صراحتن ماأعرف أنا بالزفات ووالأغاني وولا بصالونات جده هع
.. كنت أتمنّا اني أفيدج ..
بس ان شاء الله مره ثانيه ..!

العزيزة اللزيزة

28-12-2022 - 10:15 pm

تسلمو يااحلى فراشات واله يتمملنا كلنا على خير
ويرزق كل البنات بالزوج الصالح يارب
ويبغالي ارووح الشيخه مادام يتقولو حلو انا كنت حاجزة في دار الموضة عشان
كلهم مدحولي هوا انه ناعم
بس كنت ابغا اشوف كوافيرات تانين انه يكون فيه كم خيار
دحيين ايش رايكم ايش اعمل اشياء جديدة في الغمرة
ان شاءالله غمرتي الاتنين الجاي ادعولي
وايش في مصورات كويسييت في حدود 2000 للغمرة

*ام بدر*

28-12-2022 - 11:16 pm

حبيبتي عندك ذكرياتي ام خالد تصويرها كثير حلو ومعقول
وهي بحدود 1800 تقريبا..
غير انها طيبه وراح ترتاحي لها من اول كلمه..
وانتي واختيارك..
الله يوفقك..

المكاوية السمرا

29-12-2022 - 12:17 am

السلام عليكم
ألف مبروك والله يتمم لك على خير
دار الموضى ما قد جربته
ومسألة الكوفيرات صراحة الناس ازواق وصعب انك ترشحي وحدة معين خصوصا ليوم مهم زي الزواج عشان كده افضل لو تروحي بنفسك واللي ترتاحي عندها تسوي ..
بالنسبة للأغاني عندك عمرو دياب _ الليلة دي ، نقول ايه
محمود العسلي - الفستان الابيض
حسام حبيب - انته معايا
مروان الخوري مع كارول - يارب
تامر حسني - الله يباركلي فيك
عامر منيب - أحلى حكاية
وبالتوفيق

المصوره سوزان اسكندر بجده←
نداء هام للبحرين بسرعه ابيكم تساعدوني→