يااللي تقعد في بيت اهلها شو بنؤلا عانس عانس

1. ومن يعرفني ماينساني مالهم حيله فاتحه الكشره ليل نهار

السلام عليكم ورحمة الله وبركاته
شخباركم فراشاتي الحلوات ان شاء الله تكونن مستنانسات
شفتوا عنواني
عاينتو فيه زين مازين
متأكدات انكن شفتنه
طيب خلاص الحمدلله انكن شفتنه
انا بقولكن اللي في قلبي ولا اعرف اصف كلام وازخرفه وازينه
بقول اللي في قلبي على بلاطه واتمنى يتزحلق الى قلوبكن بسرعه
انا بتكلم لكن ولي ومن ضمن الكلام توجد قصتي بين طيات اسطري
انتي ياللي قاعده ببيت اهلك ياللي حاطه ايدك على خدك وتنتظرين
وانتي ياللي جات صدمات من اقرب المقربين ونعتوك بابشع الالفاظ او تعمدو جرحك ومع ذلك تظاهرتي وقلتي
وانتي ياللي دمعتك على خدك ماسكتها واذا جيتي على وسادتك نزل بغزاره شلال الدموع كنك زمان ماسكتها
وانتي ياللي تقولين ايه انتي اللي تقولين ليه انا كذا وش معنى انا وليه انا ياربي بموت افضل لي من العيشه اللي انا عايشتها دنيتي سودا كلها مافيه لو بصيص نور
اسمعي انتي اعرفي انه نفسيتك ذي ماصارت كذا الا من ضرب ايدك وفعايلك بنفسك
طيب وش فيها اذا قعدتي ببيت اهلك
قولولي وش فيها اذا جلستي وخدمتيهم
ليه تقول انا قاعده ببيتهم عانس
اياني واياك تقولين هالكلمه ابد قولي قاعده متكيه مستانسه مكيفه اي كلمه بس لاتقولين عانس هيه انتبهي من هالكلمه تراها تدمر الخلايا الحيه عندك
انا نفسي القى اللي جاب هالكلمه عانس واطلقها على البنات اللي ماتزوجن نفسي امسكه على جنب
واقوله ماعاش لا انت ولا غيرك تحطموني بهالكلمه
ربي اللي ارادلي هالشئ يمكن اذا تزوجت جبت العيد والنهار السعيد
يمكن زوجي يكون السبب في تعاستي وانا اللي كنت مبسوطه عند اهلي حتى لو تظاهرت بالعكس
ويمكن بعد ان ربي مايرزقني بذريه يمكن ثم اصير اتعس واتعس واحلم اني اكون ام
ويمكن ويمكن
ادري بتقولين يابنت تفائلي بالخير تجديه واقولك انه هو يمكن هذا الخير اللي ربي كاتبه لك انه تقعدين بدون زواج وانتي تكوني مكيفه ببيتك ابرك لك واحسن
طيب ليه ماتقولين ان ربي خصني بهالميزه دون كل هاالبنات اللي تزوجن واني مميزه بهالشئ انا ابي اكون غير عنهن
وليه ماتقولين ان ربي اخر عني الزواج عشان يشوفني اصبر واتحمل واذوق حلاوة الصبر واعيشها بكل تفاصيلها وانا مبتسمه
او اجزع واتسخط وابكي واتبكبك واتألم وادور الهموم دوره واعترض على قضاء الله يمكن بفعلك هذا تأخرين رزقك اكثر واكثر او تعجلينه اكثر واكثر وهو مو خير لك
بعضنا يقول ياربي انا بس ابي اتزوج حتى لو مافي الزواج سعاده لي عشان اطلع من البيت واهرب من شبح هالكلمه اللي ماتتسماش....ماتدرين يمكن كلمتك ذي ربي يستجيب لها ياغبيه....
صدقيني انا مثلك كنت في قمة الاكتئاب والالم والجروح
فالحه بس اصبصب دميعاتي بس بيني وبين نفسي ماعمري وضحت لاحد اني منكسره
منكسره داخليا بس قويه خارجيا
حتى اللي يعرفوني يقولون ماشاء الله عليك يالموعه نحس ماعندك هموم اربع وعشرين ساعه تضحكين وتنكتين <<<<<<<<قلت في قلبي بلاكم مادريتم عني خلو شكواي لعليم الخفيات
حتى قريباتي يقولن اساسا نحس ان الزواج اخر اهتماماتك<<<<<<قلت في قلبي مادريتو انه امنيتي بس يمكن مافيه خير لي وش اسوي امام حكمة رب العالمين
وياكثرهم اللي يلمحولي اني مسكينه ومن بيطالع فيني رغم اني حلوه بس وانا بهالوضع بس انا اذن من طين واذن من عجين<<<<<واجاوبهم بقلبي اللي خلقني كذا قادر انه يبعث لي احسن عباده ويسخره لي وحدي
ربي ماخصني بهالميزه الا عشانه يبي الخير لي والحمدلله انه جعلني مميزه امام كل هالناس

ومن يعرفني ماينساني مالهم حيله فاتحه الكشره ليل نهار

طبعا تتسألون وش الميزه اللي ميزك الله فيها يالمعة ضوء اقولكم انا من (ذوي الاحتياجات الخاصه)......وكلي فخر ورافعه راسي بهالنعمه اللي ربي خصني فيها
يمكن بعض البنات يعرفوني هنا كوني قد كتبت قصتي وكنت بقمة الحزن وضيقت صديراتكن معي ياربي لك الحمد من نفسي في ذيك الفتره بس الحمدلله انها عدت ومسحت الموضوع لدواعي امنيه وعشان اغير من نفسي ولااتذكره واتحداكن تلقنه
طيب يابنات اذا ماجاء نصيبك راح تسلكين الطريق االحرام وتتعرفين على فلان وعلان عشان تتزوجين انتبهي يابنت تراك بهالفعل تطيحين من عين نفسك قبل كل شئ وتطيحين من عين اللي تكلمينهم وتعرفي عليهم ولاتنسين الله سبحانه
طيب واذا ماتزوجتي تدورين الزوج عن فلانه وخطابه........صيري اكبر من كذا لاتدورينه عند احد دوريه عند رب العالمين.......هو اعلم بحالك من الناس هذي كلها
في قلبي كلام وازد وازد كبيرات وكثيرات بس هذا اللي طلع مني في التو واللحظه
مامثل الدعاء يابنات يامكيفات ومتكيات
كوني عند حسن ظنك بالله واذا ماتزوجتي ترى ماراح توقف الدنيا
وبعدين ادعي من قلب ولاتحطين حدود لدعائك ادعي بكل ماتشتهيه نفسك ولاتخلين قصر عليك من الدعاء
ولاتقولين لا ماراح ادعي لانه مستحيل انتي عارفه انه ماعلى الله مستحيل او عسير
شوفي دعائي ويمكن البعض بيضحك منه او تقول تعدت الحدود
انا دعائي زوج تقي نقي مخموم القلب المجموع فيه الدين والدنيا والخلق والاخلاق ودكتور
هذا دعائي لاتقولون مستحيل هالشئ فهمتوا
او تقولين من انا ومن بيطالع فيني اساسا عشان ادعي بهالدعاء ليته يحصل زوج والسلام
غلط في غلط لاتضعين لنفسك حدود بس لاتعدين على الله فالدعاء اداب
وفي الاخير
اتمنى ان يجد قلبي المحب لكن كل مايجود به قلبوكن من دعاء لي بظهر الغيب........وبما تحبن ولاتنسن ولكن مثله من عضوات وزائرات
حبي لكن <<<<<<<للحين معصبه ههه