يابنات انا قلبي تفطر ثمان مرات

1. يعني احس اني خلااص بمرض بموت قهر منه

السلام عليكم ورحمة الله وبركاتة
والله يابنات ماكان ودي ازعج احد
بمشاكلي بس والله خلاص الحياه
صعبة والناس مو تاركة احد بحالة
ومالي الا الله الله يسخركم لمساعدتي لايجاد حل او كيف اتصرف يارب ..
مجمل الموضوع ان زوجي مزواج بمعنى الكلمة والله ياخذ الوحدة يقعد معها كم شهر ويطلقها
ويقول ماناسبتني..اما دمها ثقيل..اوراعية مصالح وفلوس..او تكون كبيرة عليه ويجي لسانها طويل..
اختلفت الاسباب بس اللي متاكدة منه ان زوجي صعب تركب معاه اي وحدة انا بتوفيق من ربي منسجمه معه ومبسوطة لولا هالشي مع العلم بيراعي نفسيتي كثير وموراضي يقول لاحد عشاني وعشان اهله مارح يرحموه ماعندهم زواج وخرابيط
وكل مرة يتزوج مسيار واكتشف بنفسي ويحلف بعدها ويقسم الف قسم انه خلاص والنفس عافت الحريم..
وكلها كم شهر واكتشف مرة ثانية
ونفس الفلم حلف وايمان ومصحف والحين هذه المرة الثامنة اكتشفت قالي والله اني اكون صادق يوم حلفت بس انا ربي باليني بالحريم يعني يحس عنده رغبة يروح لحرمه ثانة
واخر شي قال لاعاد تصدقيني انا ماضمن حتى نفسي لو قلتلك غير كذا انا كذاب انا ماقدر اعيش بدون حرمتين وفي نفس الوقت لا تحلمي اسيبك
بنات حقيقي انا تعبت وصرت هالفترة اطرافي ترتجف بمجرد التفكير بالموضوع وتتشنج عضلات ظهري

يعني احس اني خلااص بمرض بموت قهر منه

لاتقولولي رومنسيات وغيري في نفسك ولا اوضاع جماع وغيره ودنيا انا صغيرة توي 24سنة وحلوه واموت فيه وهو نفس الشي ماشالله علينا يعني هالاشياء بالفطرة تجي وهو معترف اني موناقصني شي يعني خلاص انا بامكاني اعلم اللي تبي تتعلم
انصحوني ايش اسوي كيف اتصرف قلتله خلاص خليني ببيتي مع اولادي الثلاثة وروح دور على حريم الدنيا كلهم ولا خلصت تعال لي لوحدي لاتقربني وثانيه معاك
بس مو راضي وفي نفس الوقت خايفة يحب غيري ولا يتورط بعيال لانة كل اللي ياخذهم اما تكون ماتخلف او عندها اللي يكفيها
وما يرجع بعدها يقول اللي يبي اهلا وسهلا واللي مايبي مع السلامة
افيدوني
سامحوني ارجوكم