يابنات جده ايه افضل جامعه صنعاء والا العلوم والتكنولوجيا

رافـــال

04-09-2022 - 10:32 pm

السلام عليكم
كيفكم بنات جده؟؟؟
ابغا اسالكم عن جامعه صنعاء وجامعه العلوم والتكنولوجيا ايه افضل ؟؟؟
واش التخصصات اللي في كل وحده ؟؟؟ ومتى يبدأ التسجيل (انا سمعت انو التسجيل مفتوح)؟؟؟
واللي تخصصها برمجه حاسب ياليت تفيدني ادا صعب دا القسم والالا ((لاني محتاره ماني عارفه اش ادخل وفكرت في برمجه حاسب ))؟؟
واللي جربت وحده من دي الجامعتين ياليت تكلمنا عن الجامعه اللي هي فيها؟؟؟
وانا سمعت انو جامعه صنعاء شهادتها مو معتمده في السعوديه بس العلوم والتكنولوجيا معتمده صح؟؟
ياليت يابنات تجاوبنلي على دي الاسئله بأسرع وقت
ومشكورين مقدما،،،،،

التعليقات (9)

حــلــى

05-09-2022 - 01:30 am

انا الي اعرفة انه جامعة صنعاء والعلوم والتكنولوجيا كلهم معتمدين
اختي تدرس في جامعة العلوم والتكنولوجيا انتساب قسم انجليزي ومشاء الله تمدح فيها
بس اختي سئلتلي عن الحاسب قالو مافي عندهم انتساب حاسب
وقسم الحاسب في جامعة صنعاء في ناس قلولي بعشرة الالاف
وناس يقولو ب8 الاف
اخاف ادخل حاسب وما انجح لاني ادبي والحاسب دراسته كلها مواد علمية كمياء وفيزيا ورياضيات
اخاف ادفع الفلوس وماانجح

رافـــال

05-09-2022 - 02:31 am

مشكوره حلا
بس حياتي انتي لساتك هده السنه متخرجه؟؟؟

&&زوجة رجل مميز&&

05-09-2022 - 03:32 am

لا حرمكم الله الأجر ويزيدكم بالطاعات والله محتاره
كم رسوم العلوم والتكنولوجيا بالترم ؟؟؟؟
وممكن معلومات عن الجامعه ، انا بحول من الجامعة العربيه المفتوحه للعلوم والتكنولوجيا
بس ادور على قسم ادارة اعمال او ماشابه

***الجوري***

05-09-2022 - 04:33 am

ياحلوات انتم تدرسون بكالوريوس والا ماجستير
لاني ودي اقدم على ماجستير

الطفلة الحنونة

05-09-2022 - 05:34 am

كيف دراسة الجامعة العربية المفتوحة وكم رسومها

سوساشو

05-09-2022 - 06:35 am

السلام عليكم انا كنت طالبة في جامعة صنعاء بس سحبت هي فيها قسمين انتظام الاول انجلش والثاني حاسب ورسومها الانجلش 8000 والحاسب 9000 وفيه اقسام اخرى انتساب كمثال علم اجتماع ادارة واقتصاد واعتقد في غيره كمان وانتي بعد اسالي اما العلوم كل الاقسام انتساب واخوية ماشاء الله لاقوة الا بالله درس فيها واتخرج وهي جامعة ممتازة اتوقع رسومها في السنة 3000 بس اتاكدو موفقين جميعا

&&زوجة رجل مميز&&

05-09-2022 - 07:36 am

انا ابي انتساب لأنه عندي طفل وبيت ومسؤوليه ، احسه صعب انتساب
وبالنسبه للجامعه العربيه ، ترى الرسوم ارتفعت الصيف اللي فات
والترم باتقريب 5000 اقل شي ، وكل ما تطلعين سنه تزيد المصاريف
وانا من هالشي ابهرب ،، لأنه بيوصل لل 9000 ومارح اقدر والله يعين

إضاءات

05-09-2022 - 08:37 am

السلام عليكم .. شهر كريم علينا وعليكم
والله ماتتصوروا قد ايش فرحت لما لقيت موضوعكم لانو ودي استفسر عن حاجات كثيرة منكم ومالقيت احد يشور علي فيها
الاخت حلى
قلت " اختي تدرس في جامعة العلوم والتكنولوجيا انتساب قسم انجليزي ومشاء الله تمدح فيها "
انت واثقة انها تدرس انجليزي انتساب وبجامعة العلوم وال.. ؟
الي اعرفه انه ما فيها قسم انجليش بالمرة !!!
الأخت سوسا شو
قلت انك كنت بجامعة صنعاء .. طيب ايش الاقسام المتاحة للانتساب ؟
الصراحة انا ودي بانتساب وودي كمان يكون حاسب او انجليش :(
المشكلة تروحي على موقعهم ماتلاقي شي واضح
درت وحست بالنت ادور لهم على منتدى او موقع استفسر منه تعبت و مالقيت
جامعة الملك عبد العزيز مرتبين ولهم مواقع ومنتديات خاصة بهم
بانتظار ردكم يابنات للاهمية .. وأسال الله انو يرزقكم الي في بالكم

إضاءات

05-09-2022 - 09:38 am

زوجة رجل مميز
عزيزتي انت تبغين تحولين من العربية المفتوحة عشان الرسوم ارتفعت او عشان دراستها مو قد كذا ؟

مشوار عليشه بنات جامعة سعود كلية التربيه ادخلو الله يسعدكم←
يقولو من شاور ماخاب اختصاصي ادارة مستشفيات→