يابنات ساعدوني نفسيتي تعبانه

هلا وغلا
كيفكم بنات
مدري كيف ابدا الموضوع بس بيطلع الكلام ان شالله
بنات انا كان شعري طويل مره وناعم وكان ملفت لدرجة يمسكون امي ويقولون خل بنتك تقرا على نفسها ومن هالكلام
كثافه وطول ونعومه شي خيالي الكل كان يحسدني عليه
المهم تزوجت رجال يموت بالشعر الطويل
ويقوللي انا كان طلبي في زوجتي ان يكون شعرها طويل
المهم بعد ما تزوجنا كان عندي زواج بنت عمتي
رحت عند وحده بالبيت لاني ماكنت رايقه اروح لمشاغل
وكان عندها كم وحده والله ماطاحت عينهم من على شعري المهم فكيت شعري ابغا الففه بالفير
ولففت كم خصله وشوي الا ويلزق شعري بالفير واوقف تلفيف على طول
بعد مارجعت من الحفله استحميت والله يابنات ان كل الخصل اللي لفيتها طاحت بالحمام
بشكل جنوني كانها سحر وريحت شعري حرا اق
قمت اصارخ واصيح مو مصدقه اللي قاعد ييصير
انقهرت على شعري حسافه سنين وانا اربي فيه اخرتها بثواني يتقطع ويطيح كان احد مسكه ووقصصه بمقص والله قعدت اصيح وابكي ونفسيتي تعبت
رحت لاحسن مستشفى عندنا بلحسا جميل خطاب مدحوه لي كثير وبرضو ماشفت تحسن
اشتريت شجره صبار واستخدمتها وبرضو ولا شي
الحين ضعيف مره ومتقطع وقصير وشكله يكسر الخاطر مادري شسوي فيه
ابي حل يابنات
حاليا انا حامل ويقولون لي ان في الحمل يطيح الشعر وفي الرضاعه بعد
يعني وش بيبقى في شعري مليون في الميه بصلع
انقذوني بنصايحكم ارجوكم
لاشاف زوجي صورة وحده شعرها طويل يقعد يذكرني بشعري اول ماشافني و
مدري شقولكم
وربي اني ابكي كل يوم نفسيتي زفت زفت زفت
انتظر ردودكم