يابنات علموني كيف تتعاملتو مع قوانين ازواجكم الجديده عليكم وتحريم اشياء كنت تعمليها

ياهوه وين المتزوجات اهل الخبره

طيب الجميع مشكورين

يوه والله مشكله خ
انأ توني انسه وماادري شبسوي مع هالقوانين<<من الحين تفكر خ
لاني بصراحه عنيده..
بس الي اعرفه ان قوانينهم تكثر في فترة الخطووبه بس بعد الزواج يصير عادي خخ
يعني يبغى يعطيك العين الحمرا بس هع
موفقه..

حاولي تتنازلين لانك اذا عاندتي راح تخسرينة
الله يوفقك

تحملي وتنازلي يمكن يختبرش والله يعين ويصبرش بس لاتفكرين تتركينه على اسباب مثل كذا بطريقش الخاصه تقدري تقنعيه ولاتسوي لحالك مشاكل من البدايه

اكثرهم كذا يتشرطون ويتشرطون و
وبعدين ماعندهم سالفه يعنى بيتغير بس اذا انتى حابه انك تغيرينه

شوفي حبيبتي انا مثلك كان السواق أول الزواج ممنوع منعا باتا لبس القصير حتى عند أهلي ولاكان البسي قفازات مع العبايه
وش سويت أولا على لبس القفازات قلت لا وصارت مشاكل لها اول مالها تالي قلت له لا تحلق لحيتك ولا تطول ثوبك يوم قال لا قلت الدين علي بس وعليك لا وبعدها ماقال شي أما اللبس القصير صرت أروح السوق ومااشتري الا الاشياء الغاليه اذا كانت طويله أقول له ماعجبتني التنورة اذا كانت رخيصه وأمر على كذا تنورة قصيرة رخيصه واقول حلوة هالتنورة واذكر له سعرها اغراء ههه وماأروح السوق الا اذا كان مزنوق ماديا عشان يشتري الرخيص اللي هي التنورة القصيرة وهكذا يعني بالحيله كل شي يجي أما بالهواش والعناد ماراح تسوين شي والحين الحمد لله صرت البس قصير واروح مع السواق والله ييسر لك الخير ودمتي

حبيبتي اذا رضيتي بالاشياء من الحين اللي حرمهها عليج ولله بعدين ماتقدرين عليه حاولي تقنعينه الحين وقت الخطوبه لانه بعدين بيتعود على قلتها ولا بيخليج والقهر انه اهلج عادي شلون بعدين بتطلعين معاهم وهو مايحب هالشغلات حاولي تقنعينه بس باسلوب عشان ماتخسرينه

اي حبوبة ارضي بكل شي وبعدين تقدرين بالحيلة والدلع تغيرين افكاره ولو كانت حجر ،،،
انا زوجي في البداية ما يحب مطاعم مفتوحة وانا متعوده على القعدات والطلعات وتعرفون احنا في البحرين كل مجمعاتنا فيها مطاعم مفتوحة مومثلكم السعودية كل مسكرين حتى مطاعم الوجبات السريعة من جذي يحب نروح السعودية يقول في احترام للعوائل وخصوصية اكثر وكل مكان مصلى واستراحات والكوفي شوب ممنوع منعا باتا
الحين عادي نقعد في كوفي شوب او مطعم مفتوح وهذا تغير بالحبلة لان مرة طلعت مع صديقه وزوجته وزوجته صديقتي قلت لها خلنا نروح مطعم مفتوح ورحنا وقعد وانحط تحت الامر الواقع لان تفشل عن يقولون عنه متخلف ،،،
وخلاص الحين صار عادي ،،،
والله يعينج يبي له صبر،،ويوفقج انشالله ويخليه لج