يارب فرجها

1. ولانسيت كيف طلقني الخطيب << النذل

ودي بس افضفض حاسة باحباط..
الحمد الله على كل حال..كثير اذكر تجربتي وايامي الحلوة بخطبتي ماقدرت انسى احاول انساها وابتعد عن الي يذكرني

ولانسيت كيف طلقني الخطيب << النذل

وهالامور كلها مالقيت اللي يعوضني الشي اللي كاسر خاطري اني توقعت انخطب كثر ماتفائلت... بعد ماتركني ولي فترة طويلة من تركني وشفت العكس قلوا خطابي وانادر احد يطلبني وان انخطبت لو احد او ثنين مثلا ماكملت او يبون اللي اصغر مني
اختي الصغيرة تزوجت وتصبرت وسويت الامر عادي وانا يعلم الله معاناتي ومن كلام وتلميح او حتى نظرات ...
هاليومين احباط كنت ادعي ربي يسليني وينسيني التفكير بالزواج ..وينصرني عى الظالم
ولي فترة مابكيت ..ودق التلفون وصارت حرمة نعرفها < ناس سالوها عنا
المهم انبسطت لاوانا رادة عليها توقعت الخطيب لي<< مشكلتي دايم اامل واتفائل واتحطم
وتفاجات انها تطلب اختي الصغيرة الثانية!
حسيت بحزن والم واحباط وقعدت ابكي
عندي سؤال حيرني
انا كل ماتفائل واتامل بخطبة او طاري اتفاجأ
يقوولن تفائلي طيب تعبت كل مرة اجلس ابكي
ودي مااأأمل باحد ابداا مو تشاؤم بس خوف من الاثر النفسي اللي يتجدد واحساس الخيبة صعب جداا
انا ماتحمل لو الامر ماصار او جا شي يجرحني نبي الصغيرة ..او مانبي مملكة ومنفصلة..او..
صعب تتعلقي وتفرحي .. جلست امس متفائلة ان الخطيب لي وقلت هانت ويوم عرفت انهم يبون صغيرة مايبون بالثلاثين ..بكيت صراحة وقلت ليت الاول ماطلقني لو كان فيه عيوب ولاتركني احس بذل وهانة كل يوم تزيد....احس بقر ومرارة والسنين تمشي وهو تزج بسرعه وانا مانخطبت ولاتزوجت واللي اصغر مني تزوجوا
واللي ملكوا معي وبعدي تزوجوا وخلفوا < ربي يوفقهم احس بغصة ومرارة صرت اداري احزاني عن الناس..
واختي المتزوجة وهي تجي وتطلع ومع زوجها يسال عليها يطمن يكلمها يحسسها بالامان اماا انا
احتاج ابكي لحالي ماحد معي احتاج شريك بعد سلسلة احزان
احس بحزن واحس بذكرياتي الاولى الصغيرة تتزوج وبينكم فرق كبير وتشوفين الناس والبنات والصغار يعلقون عليها وطايرين فيها وااما نا غير ماحد يهتم فيني
لما يقولون فلانة تزوجت او جابت مولود مو حسد بس احس الكل تقدم الا انا
واذا صاروا اصغر منك بكثير وانت كنت تجهزي وو..
ربي يوفقهم الحين جالهم عيال حتى صديقاتي حتى كل اللي اعرفهم بالثانوي والكلية وبكل مكان اروحه
اشوف وحدة تقول شكلي اكبركم عمري 30! هي ماتدري اني اكبر الموجودين
وهي عندها عيال حست انها كبيرة اجل انا
وطلاقي من خطيبي كانت صدمة نفسية كبيرة سببت لي عقدة خاصة مع تجدد خطبة او تلميح وتنتهي او يطلبون الاصغر تعبت من هالكلمة<<
وقبلها واحد من طرف الحرمة خذوا رقمنا وجلسنا نحلم اسبوع وحلمت وصدقت ههه
تخيلوا اختفوا وبعد فترة هونوا مايبوني..!! رغم الولد كبير
رجعوا يبون اختي الصغيرة!!الناس ماتخاف ولاتستحي..يخطبون ويجرحون وو
وشكرا لكم سمعتوني
مجرد فضفضة وربي يعوضنا ويفرحنا وينصرني على من ظلمني ويرفع قدري
ومابيدينا حل سزى الدعاء وو بس لو مجتمعنا ياخذ من المجتمع الغربي لنظرة الحلوة للبنت اللي تاخرت عن الزواج ولايعيب ولايقلل من شانها بالخطاب او .. حتى الامهات لهم نظرة عجيب
رب يغنيني بحلاله عن حرامه ويارب مانحرف ولاسوي غلط والله اني بحاجة للعفاف وابي الستر وحاجتي تفوق كل وصف..
قمة الالم لو انا شباب كان خطبنا وتزوجنا وعفينا انفسنا
لكن انا بنات مابيدنا شي نتالم بصمت ونشكو الحاجة للزواج
ربي يفرحنا جميعا ولكل من دخلت مووضوعي الله يوفقها وييسر لها ماننتظر حل الله هو فارج الهم..مجرد كلام وانا كنت متضايقة
يا الله يا كريم يا أول يا آخر يا مجيب يافارج الهمّ ، ويا كاشف الغمّ، فرّج همي ويسّر أمري وارحم ضعفي وقلة حيلتي وارزقني زوجا تقيا نقيا مخمون القلب وعوضني وجميع البنات