يازين دجه بينهم

بسم الله الرحمن الرحيم
غياب طويل عن احلى كشات باالدونيا كشات الفراشة
ثلاث سنوات معرفتي بكم لكن اللي تعرفني عن قرب تعرف إني إنقطعت بعد السنة الأولى
لعارض صحي <<< متعوب عليها الكلمة خ
ويمكن ملفي و مذكراتي توضح كل كلامي .. كنت أدخل للتصفح دايما
عن القرقة وباقولكم السبب ..اللي خلاني ادخل اكتب شي خاص جدا ً فيني
كل مادخلت هالقسم أقرى أشياء تعور القلب وهدا شي طبيعي لأن الحياة كلها متاعب وحنا بنات
ومشاعرنا مرة تتأثر من كل شي حتى لو كان بسيط "
أنا لسى صغيرة في عمري على مشارف 22 على قولتهم خ
وقبل 4 سنوات ماكنت أفكر غير بالدجة والوناصة والرقص <<<شطحت خ
الموهيم أحلام الصغار زي ماتعرفوا !!
بعد مرضي وسفري انخطبت أختي الكبيرة وبعدها بفترة إنخطبت أختي الي بعدي
الله يوفقهم يارب ويسعد حياتهم
بس أنا لأنو وضعي مختلف شوي حسيت بيني وبين حالي إنو صعب إني أتزوج
ومين حيتزوجني ياحسرة .. الرجال يبغى له وحدة قوية وتخدمه ماهو العكس!!
<<<يعني تقدرو ا تقولوا إتحولت أحلامي من أحلام البزارين لأحلام البنات ههه
أنا مافكرت لدحين بس فكرت لبعدين قلت معقولة يمر العمر واجلس وحيدة
وجدتي الدوبة فديتها بعدمانخطبوا بنات خالي جلست تقول عوقبالك والله لاارقص في فرحك
وأسوي اللي مايتسوى "
قلت لها ياحسرة ياجدة مين حيطالعني ..
وبدت محاضرتها هي وماما عن الأمل والإبتلاء والنصيب تعرفوا الحركات حقت الكبار
ماعلينا الموضوع ماكان شغلي الشاغل بس تعرفوا لازم الوحدة تخاف على المستقبل
أختي الأصغر ماشاءالله إنخطبت هادي السنة كمان
ودجة أوم كشة مكانك سر خ
مراجعات مع دكاترة صلع وبرق وبرص خ وصراع مع دوام الجامعة ومع تعب الحياة
لكن لما أقولكم فيه دايماً أمل في الله لازم تصدقوا
فيه حياة مع الإبتسامة لازم توقنوا !!
العشرة الأواخر من رمضان إنخطبت !!
حتقولو ا عادي !
حقولكم الوضع مستحيل يكون عادي ..
لأنو بالفعل مين يرضى يتزوج وحدة مريضة قلب
لما ماما قالت لي مين العريس كان حيحصل لي زي اللي بيصير في الأفلام يغمى عليه
خ < <<<<< بس لولا الحيا ياناس !
خطبني ولد عمتي من الجنوب <<< وه فديت ريحة الجنووب ولا تهون ديرتي الغربية
ولد عمتو هدا كنا نتوقعه يخطب أختي الكبيرة لأنها طب وهوا كمان طب
ساب بنات العايلة كلهم وخطبني أنا
ترددت كثير في الأول .. وقلت لماما وبابا لا
بس بابا كان عارف أنا أفكر في ايه ولما جا البيت قله إنت ماتقدمت إلا عارف ظروفها
ورجع فتح له محاضرة وسيرة طويلة عريضة عن الحياة مع وحدة في حالتي <<< بيني وبين حالي خنقتني العبرة
على روحي وتأكدت مليون في المية إنه أول ماحيوصل البيت حيرفضني وبكل إرتياح
ومعاه حق وما ألومه لأني لو كنت في مكانه هدا اللي حسويه
بابا قله خد وقتك وفكر في كلامي كويس لأنو هدا إرتباط ماهو لعبة
بعد جلسته مع بابا بثلاثة أيا إتصلوا يبغوا يحددوا موعد للنظرة الشرعية
وأبوي أصر إني أوافق وقال خلاص مافيه شي لازم نخاف منه
فعلاً شفنا بعض يوم الثلاثاء والحمدلله صار القبول
يعني الحلم اللي ككان من أصعب أحلامي تحقق في لمح البصر وارتبطت بطبيب
مين كان يتوقع !!
أنا لما كنت بخير وعافية ماما كانت تقولي زين إذا تزوجتي <<<من زود ا لشقاوة اللي فيني
ولما ابتليت والحمدلله رزقت باللي ماكان على البال ولا الخاطر
لاتسألوني شو سر تعلقه بوحدة مثلي لأني عجزت ألاقي إجابة
مهما كنت جميلة وطموحة وشقية و.....و.......و.......
إلا إني أبقى مريضة في عيني وفي عين الكل
لكن توفيق الله وإرادته أكبر من توقعات العبد
والأمل في الله خير
أنا طولت عليكم بس حبيت ي كون كلامي فيه فايدة لأخواتي اللي حسوا
إنوا مابقي أمل وان العمر عدى والفرص انتهت
رغم إنو كلامي ممكن يزعل كل اللي ي عرفوني ماما وخواتي الكشات وصديقاتي
لكن الحمدلله على كل حال
والله يفرح قلوبكم ويضمد جروحكم ويحلي أيامكم
<<< ماتحسوا أسلوبي إتعدل <<< عقلت خ
أختكم / دج دج