ياس ا كن قلبي

1. (( بالعاده شواقه دلوعة البيت يعني مسويه زحمه ))


2. حلا : ههه ..


3. ريم : شواقه يا قلبي والله المدرسه ما تسوي من دونج


4. ديما : لاول مره بوافق ريم بالكلام

((يا س اكن قلبي))
السلام عليكم ورحمت الله وبركاته
هلا بنات هذا اول روايه لي وابي رايكم ....... البارت الاول
((((الحب يدوم ولا ..... يمكن ليه لا .. بس الي يدووم اهو الحب الصادق الي من القلب ............. ))))
شوق : قوا .. حلا شخبارج ؟؟؟
حلا : هلا والله من زمان عنج يالقاطعه ..
شوق : والله كنت تعبانه .. ما تشوفيني بيتنا هادي اليوم

(( بالعاده شواقه دلوعة البيت يعني مسويه زحمه ))

حلا : ههه ..

(( شوق وحيدة امها وابوها من البنات وعندها حمد و سعود .. حمد اخوها الكبير و اهو بأول سنه جامعهو تخصص هندسه .. و سعود بثالث إعدادي ومسوي ضجه بالبيت .. وطبعا شوق باخر سنه ثنوي وطبعا بالبيت دلوعه لانها البنت الوحيده ع عكس المدرسه لانها بالمدرسه ثقيله وما فيها دلع بنات هالايام .. وحلا رفيجة شوق من زمن يعني رفيجه بحق وحقيق ))
حلا : ها شواقه باجر تداومين ؟؟
شوق : باذن الله باجر بداوم .. والله اشتقت لكم انتي وريم وديما
حلا : واحنا بعد يله باجر انشالله نشوفج
شوق: اوك باي
حلا : باي
طبعا شوق قامت بالسلا مه يعني رجع فيلم الاكشن لبيت بو حمد
شوق بالصاله فالازم تصير شويت حياه ..
شوق : حموود شرايك ناخد فره بالسياره
حمد بنظرات استحقار : اصغر عيالج حمود بعدين ما فيه ..
شوق : هيه انت شفيك علي تراا والله ماذبحت لك احد .. ولا لايكون متهاوش مع حبيبت القلب ..
حمد يطالع يمين ويسار : جب لا احد يسمعج انتي بعد
شوق : ليه خايف .. الي يحب ما يخاف من اكبر راس يمسك بيد الي يحبه ويقول يا ناس انا اعشق هالانسان و حياتي من دونه ما تسوى ..
حمد : ههه .. والله كأنج تمثلين بفيلم تايتنك .. بعدين انتي وش تعرفين عن الحب جربيه بعدين احكمي ..
شوق اسمعت كلام حمد وركض راحت الغرفه وصكت الباب وكالعاده نهاية يومها صياح بس حمد خلا النهايه تجي بدري ..
حمد واهو واقف عند غرفة شوق : شوق شفيج ما قلت شي يزعل ...
شوق يضنون انها ما تحب بس البنت تعشق ولو انها ما تعشق كان ما بديت كل هالمقدمات .. شوق تحب واحد اسمه خالد وهو يحبها خالد رفيج حمد يعني
بس قصة شوق وحمد مب سهله يعني لا تقولون تخلص دراسه ويتزوجون
ابو خالد سالفته سالفه يعني يبي يزوج خالد اذا خلص لبنت عمه هنادي اهم من زمان
لبعض يعني ارتباط اهل وشوق وخالد محكورين بهالسالفه ....
نهاية يووم حلوو عند الكل ببيت بو خالد وبداية يووم من العذاب لخالد وشوق
ثاني يوم بالمدرسه ......
شوق دشت مع الباب ولا الشله تنطرها بالساحه
حلا : بنات شوق جات
وعاد شوفو الحتفالات الي سوتها الشله برجعت شوق بالسلامه

ريم : شواقه يا قلبي والله المدرسه ما تسوي من دونج

ديما : لاول مره بوافق ريم بالكلام

راحت الشله للحصه الاولى وكالعاده حلا وريم يستهبلون ع الابله والابله جديده يعني بيسون فيها الحركه الي يسونها مع كل الابلات الجدد .. بدون تعليق باجر بتلاقون المكسينه بقسم الامراض العقليه بسبتهم وديما و شوق ما يطلبه المتفرجون يعني هادين مع انا ديما فيها عبط بس مب دايم ع عكس شوق جالسه وكافه خيرها شرها بس لا تدوسين لها ع طرف لانها بتنسا كل الي راح
بس حبوبه مثل باقي الشله .. الابله: ريم وحلا قعدوا مكانكم ..( زهقت منهم ياحرام)
طلعوا ع البريك
ريم: بنات والله زهق اليووم خل نلعب
حلا: جبتيها يله بنات
ديما : لا والله ثالث ونط كأنا بزران
ريم : اقول حلا خليها خليها بعدين الصوره تخرب قدام المعجبات
حلا : ههه
ديما بستهزاء : ههه قلتي نكته والله .. اقول بنات وين شوق
حلا ماادري قالت انها بتروح الحمامات تعدل شعرها وجايه .. بس طولت
ريم : خل نروح نشوفها
راحو البنات للحمامات لقوها صاكه الباب وتصيح ..
ريم : شوق شفيج ؟؟ بعدين بطلي الباب
ديما حست ان حلا تعرف شي : ريم تعالي ابيج
ريم : وين نروح انتي الثانيه وشوق بهالحاله
ديما بعصبيه : ريم يله امشي
ريم حست ان فيه شي : طيب انتي بعد حلا خليج عند شوق
ديما طلعت عشان تبي تخلي حلا مع شوق لانهم يفهمون ع بعض .....
حلا : شوق اهو السبب صح ..
شوق اطلعت وعيونها كلها نظرات الم وبعد وفراق
شوق : حلا بروح البيت
حلا بدون نقاش : اوك بس اذا رديت بكلمج وبشوف الي صار
شوق : طيب اذا قدرت اكمل يووم بهالدنيا
شوق تموت بخالد وخالد بعد بس محد فاهمهم محد سامعهم ...
راحت شوق البيت وامها: شوق شفيج يمه وش الي يعورج
شوق: سلامتج يمه راسي يعورني شوي...
راحت شوق لغرفتها وكالعاده ما يمر يووم بدون لا تواسي دمعه خدها وش دمعته دموع ما تكفي تطلع الي بخاطرها..
مر الاسبوع بسرعه بس مب ع الكل لانه عند شووق كانت الثانيه سنه بعده
سعود دش ع البيت وكانوا الكل مجتمعين
واذا شفتو الولد تقولون عنده خبر لا يطوف
سعوود : يبه يبه يبه
حمد : وحطبه انشالله ..
سعوود : انا اكلم ابوي ما اكلمك ولا مسوي لنا فبها كبير البيت
حمد : والله شكلي طوفه هبيطه فهالبيت .. هيه انت تراك تكلم اخوك الكبير لا اقووم عليك الحين
بو حمد : يا عيال خلاص .. وش عندك انت
شوق : طبعا كالعاده يبي يطلع مع ربعه
سعوود : والله انج ملقووفه بس قربتي ..ز اهي فيها طلعه بس مب بس لي
ام حمد : يله يا يمه تراك خليتنا ع اعصابنا
سعوود : مشعل توه مكلمني ويقول انهم باجر بيروحون البر اهم وعمامهم
ويبينا نرووح معهم .. شرايك يبه ؟؟
حمد : غريبه توني كنت مع خالد وفهد ما قالوا لي شي ....
(( وع طاري خالد رن جوال حمد والا خالد وطبعا مع كل رنه قلب شووق يدق مليون دقه ))
حمد : هلا خالد
خالد : هلا فيك .. حمد ابوي توه قالي انا بنرووح البر احنا وعمامي ويبيكم تروحون معنا وشرايك
حمد : خلاص اشوف الوالد واردلك
........
حمد : هاه وش رايك يبه .
بو حمد: الي تشوفوه انت واخوانك بعدين انا عند شغل باجر يعني مااقدر ارووح
ام حمد انا ما ابي ارووح بعد مااختلط معاهم وايد
سعوود : انا برووح مالي خص
حمد : خلاص بروح انا وسعوود لانه بيسوي مآساه اذا ما راح واذا بغت شوق تروح
شوق تفكر اذا رحت بشوفه خلاص بروح : انا بروح
حمد : خلاص باجر بنمشي وراء خالد
شوق : أي والله ومن مره شووف البنات لاني من زمان عنهم (( والله مب حب بالبنات تبي تشووف خالد ))
شوق اشمعت الخبر وع طول راحت تكلم حلا تقول لها الي بيصير
شوق : حلا بشوفه باجر
حلا : احلا والله محد قدج ياشوق
شوق : بنرووح احنا مع عمامه يعني بشوف البنات ساره وخلود وفاطمه و بشاير
حلا : لحظه يعني عمامه كلهم بيجون ؟؟؟
شوق بستغراب : ايه
حلا : يعني هنادي بتجي
شوق : شنو .. والله راحت عن بالي ياالله شسوي مب طايقه اشوفها..شكلي مب رايحه
حلا : يا هبلا ... الحبيب بيجي ...واذا ما رحتي ...بذبحج
شوق: ههه ..عبيطه
..............
ببيت بوخالد
خلود : خلود ..وين بترووح
خالد:وانتي شكو ؟؟
خلود : مب أنت اخوي الكبير ولازم اعرف وين تروح ومن وين تجي
خالد: عندج قواعدغريبه بالحياه ..صراحه ماادري..انتي واختي ولا
خلود: جب عاد اذا كان احد منا لقيطه اهوانت ..زين
خالد : خ ...هبلا
ومن بين الحوار المأساوي الطويل دشت امهم وكالعاده
ام خالد : انتوا الأثنين ..زهقتوني .زمتى يمر يووم بدون لا تهاوشون
خلود : يوه فديج يا ام خالد بعدين منو يسوي حركه بالبيت فهود زلا عجوز النار رهوف ..
(( خالد اكبر واحد بالبيت بس عنده توامه خلوود مستحيل تقولون توأم بالتفكير ..وبعدهم .. فهد ثاني ثنوي والاصغر او بالآحرى .. مآسات البيت رهف ..دوسو لها ع طرف وبتكرهون حياتكم ))
خالد :وينها عنج خل تسمعج وا لله بتقعدين يومين بالمستشفى .... بقسم الكسوور
خلود بستهزاء : ههه ..يا خف دمك
خالد: هين راحت عليج طلعه
خلود: ياروحي انت من لي غيرك بهالحياه
خالد : يمه منج عند المصالح..جاهزه
ام خالد: خالد يمه اسكت عنها ترا راسي بنفجر بسبتكم
خالد : صاجه يمه ..آآآآفة البيت مالها حل ... هاه خوخه تطلعين
خلود:وتبيني اقول لا .. ابي اروح عندشوق توها مكلمتني (( وشوفوا وشلون تطالع خالد )) ...
خالد بداخله ليه ما قلتي من البدايه كان طياره قدامج : اشوف ... تدرين ليه ما عندي شي ....
خلود درت انه يغطي ع الي بداخله : يله ثواني واجهز ....
...............................
الي يحب ما عليه من باقي الخلايق اهم شى انه يكون مع الى يحبه بس خالد وشوق حبهم قوي بس يقدرون يتحدون اهلهم ؟؟؟؟؟؟؟؟؟؟؟؟؟
..
شوق محتاسه سمعت ان خلود بتجيها مع خالد يعني وش تسوى عشان تبي تشوفه
وهي الحين ما تعرف ترتب البيت ولا تطل ع خالد ..((( اشه د لن حدها محتاسه)))
خلوود: شوق انا عند ال ب اب
شوق : والله ....
خلوود: وش فيج كاني اول مره اجي... يابنتي شكل فيه شي شاغل بالج.. ((وتطالع لخالد وتقوول بداخلها :والله لو السالفه بيدي كان ما تاخذ غيرها يا اخوي))
شوق : طيب الحين افتح الباب .... بضحكه
خلوود: ايه لحقي افتحي الباب وروح طلعى مع الشباك ..ههه
شوق صااروخ تبي تروح للخدامه عشان تبطل الباب وهي تبي تشوفه حراام ما تقدر تصبر لين ما يطلعوون البر وتشوفه ع كيفها
ام حمد: يمه شوق شفيج طايره هدي شوي .. لا بعد تبين تتزوجين من الخبل الي يبي ياخذ مطيووره
شوق اسمعت الكلام من هينا وضربت بريك .... عاد شوفوا الغبره
شوق : هاه يمه فيه خبل ياخذني الحين ..خ
ام حمد: الله يسعدج ويوفقج يا بنيتي
شوق : هلا خلوود تو ما نور البيت
خلوود : منور بوجودج يا قلبي ... هاه طليتي
شوق: لا امي امسكتني وعطتني محاضره بالخبل الي ياخذ وحده مطيووره
خلود : فديها والله خالتي وهي صاجه ..ههه
شوق : يله خل نطلع لغرفتي ع الاقل ناخذ راحتنا
خلوود: ايه واسولف لج عنه
راحت خلوود مع شووق لغرفتها وخذتهم السوالف يعني بنات والله سنين ما تخلص الي بداخلنا وجابوا طاري هنادي وعن ان ابو خالد يبيها لخالد .
خلوود : شوق ترا خالد ما يبيها يبيج انتي والبيت كله يدري بس ابووي الله يهديه عنيد بس قلبه طيب
شوق : صج اني احبه وما علي لو اقولها باعلى صوت بس شكل الدنيا تمشي عكس الي احنا نبي ومانقد نغير القدر
خلوود:واهو بعد بس تقدرون بأذن الله يصير الي تبونه
شوق : والنعم بالله
خلوود : صج شواقه ماتدرين
شوق : شنو ؟؟؟؟
خلود: امس دشيت ع خالد الغرفه ولقيته يكتب ّ
شوق بستغراب : طيب من الي ما يكتب .. اقول الله يخلف عليج
خلود: لا فهمتيني غلط .. اخوي كان يكتب خاطره بس لها ميول ع الشعر
بس توقعين منو سعيدة الحظ الي كان يكتب لها ؟؟
شوق بعصبيه : طيب وانا وش دخلني
خلوود: البنت غارت .. شوق ويهج حمر .. المهم كانت لج
شوق ما عرفت وش تسوى تستانس تستحي تقطع حراام البنت حده ا متلخبطه
شوق : صج
خلوود : أي والله ..
الي كتبه خالد ك ن ا :
آآآآآآه يا شوقي لك ولنظرت عيونك ....
وحبى المكتوب لجفونك .....
انا لو تجيني يوم ...
مااتركك لحظه بدوني ..
بدون لا آلمك
واظمك بشووق ياالغالي
.. شفايدة حياتي انا بدونك ..
اتمني ان البارت اعجبكم وابي رايكم عشان انزل الباقى ...
file:///F:/m/gX615798.gif