الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
  2. حكم و اقوال فتيات
  3. ياعيونه بس يكفيني عذاب

ياعيونه بس يكفيني عذاب


    • shosho21
    29-01-2022 - 12:33 pm
    1. ام محمد: بس هذا اهم ما قاللي اخوك...

    2. شذى بضيق: شوفي يمه قولي لي حتى الفتافيت اللي قالها السيد خالد زين ؟؟

    3. ام محمد:الله يحفظك يا شذى ويكتبلك اللي فيه الخير...


    السلام عليكم....
    حبيت أنقل لكم قصه روعه كاتبتها للحين ماخلصت منها....
    والقصه للكاتبه (خجل العذارى) هذا للأمانه...
    وأتركم ألحين تقرونها لأنها من جد حلوة ومميزه....
    ((يا عيونه بس يكفيني عذاب))...
    الجزء الأول...
    :شذى حبيبتي في ناس خطبوك من أبوك...
    شذى وهي مستغربه: هلا يمه شتقولين في ناس خطبوني؟
    ام محمد وهي تناظر بنتها الوحيده:إيه خطبوك وينتظرون الرد عشان يجون يخطبون رسمي..
    شذى بفضول : مين هم...انا اعرفهم ؟
    ام محمد: لا ما تعرفينهم...ولا أنا اعرفهم بعد؟
    شذى: إذا انا ولا انت نعرفهم مين يعرفهم؟
    ام محمد : خالد اخوك يعرف المعرس...
    شذى وهي تناظر امها: مرة وحده معرس زين يمكن ما أوافق...يا خوفي بس يطلع زي راكان اللي قبله ما يعرف...
    امها تقاطعها: اخوك خالد يمدح فيه ويقول مثله ما ينرد...
    شذى: يعني بس خالد يعرفه.....
    امها وكأنها تذكرت حاجة: انت بعد تعرفين خالته اخت امه...
    شذى باندهاش: خالته اعرفها انا ؟ من تقصدين يمه ؟
    امها وهي تبتسم: فكري ...تتوقعينها مين؟
    شذى وهي محتارة: مين من الجيران او من اصدقاء العيلة؟؟
    امها: ما حزرت....و باقولك حاجة ترى اهل المعرس مو من الشرقيه؟
    شذى واندهاشها زاد: مو من الشرقية...وانا اعرف خالته واخوي خالد يعرف مرس الغفلة...ومثلة ما ينرد.....يمه خلاص تراني خلاص وصلت حدي قولي لي مين وماله داعي هالفوازير اللي انت مسويتها..
    امها: اوكيه بقولك...
    تقاطعها شذى بضحتكتها الرنانة: ههه احلى يمه اوكيه هذي من وين جابيتها....والله الوالده حركات..اوكية..بكرة ايش رح تقولين...تشاو...ههه
    ام محمد : تضحكين على امك هاه؟ زين يا شذى موتي بفضولك نامي الليلة بدون ما تعرفين عريس الغفلة على قولتك...
    شذى وهي تحاول تكتم ضحكتها : خلاص يمه والله آسفه بس بالله من اللي علمك عليها أكيد سعود ما غيره صح
    ام محمد: ماني بقايله زين...
    شذى قامت وحبت فوق راس امها : خلاص السموحة يمة بس قولي لي من المعرس تكفين يمة الله يخليك الله يوفقك الله ي....
    ام محمد تقاطعها: خلاص زين زين باقول عاد انتي تلصقين بالواحد إلين يقولك....
    شذى: زين مين المعرس؟؟؟
    ام محمد: خالته تراها معيدة بالكلية عندك بقسم لغة عربية؟؟
    شذى والفضول ذابحها: بالله عندي بالكليه وبقسمي بعد مين هذي؟
    ام محمد:اسمها عبير...عرفتيها؟
    شذى والبسمة شاقتها: من جد وناسة الصراحة اذا هو على خالته رح يكون جنتلمان...
    ام محمد باستغراب: وش جنتلمانه انتي وخشتك؟
    شذى وهي مبسوطة:ما عليك مني...زين اذا هو مش من الشرقيه اجل من وين؟
    ام محمد: من الرياض...
    شذى وهي تناظر امها: من الرياض...وجا الشرقية يخطبني...ليه خلصو بنات الرياض عشان يدور برا...
    ام محمد:يقول لاخوك خالد احنا ندور على العرق الطيب...
    شذى: اوكيه يمه قولي لي عنه نبذه مبسطة و موجزة اكيد خالد قال لك شي عنه لو بسيط؟؟
    ام محمد: خالد يقول ان اسمه تركي وهو ضابط وان عايلته مشالله عليها ناس معروفين بسمعتهم الطيبة ويقول ان ابوه واخوه الكبير يشتغلون في التجارة وعندهم خير...
    شذى وهي تبتسم: ضابط يمه انت تتكلمين من جد؟
    ام محمد: تعرفيني يا شذى انا ما احب المزح في امور الجد اللي زي كذا
    شذى:زين اسفه يمه...كملي

    ام محمد: بس هذا اهم ما قاللي اخوك...

    شذى بضيق: شوفي يمه قولي لي حتى الفتافيت اللي قالها السيد خالد زين ؟؟

    ام محمد: اوف زين بقولك...يقول ان تركي هذا جاء الشرقيه في دورة مدة ستة شهور وخالد خويه يوسف تعرفين في العسكريه بعد...يوم جا تركي دورته العسكريه كان يوسف معه اللي صار ان يوسف عزم تركي كذا مرة ونادى خالد اخوك....يقول عنه رجل والنعم فيه ما في مثله اثنين
    شذى وهي تناظر امها بنص عين:كذا عزيمة تخلي تركي هذا...يخطب اخت خالد اللي شافه مرات معدودة هاه؟..
    ام محمد وهي تضرب بنتها بخفه على كتفها: يا النبيهه توني اقولك خالته عندك بالكليه اكيد سألها عنك ومدحتك له(واخذت ام محمد تمسح على شعر بنتها) والله وكبرتي يا شذى وبنزوجك...
    شذى وهي تبتسم لأمها:اكيد باكبر يا يمه مثل الناس...يعني تبيني اصغر مثلا؟...بس يمة كيف عرف تركي اني انا اخت خالد ادرس عند خالته هاه؟
    ام محمد: خالته هذي عبير كلمتني وهي اصلا اللي دلته علينا بس لقاء تركي بخالد كان صدفة...
    شذى: يمه توك تقولين ما اعرفهم...
    ام محمد: والله ما اعرفهم هي كلمتني وعرفتني بنفسها و قالت لي الموضوع وخالد كلمه تركي وينتظرون الرد عشان زي ما قلتلك...
    شذى: ارد على واحد ما اعرفه الله يهداك يمه....
    ام محمد: اخوك يمدحه وانتي توك تمدحين خالته...
    تقاطعها شذى : بس هذا ما يكفي يمه لازم نشوفهم ونسأل عنهم زين وبعد كذا لكل حادث حديث...
    ام محمد:خلاص يعني انتي ما عندك اعتراض للحين؟
    شذى:اعترض على ايش؟؟
    ام محمد: يعني يا حبيبتي انتي مو معترضة(وبغت شذى تقاطعها) اسمعيني للآخر خليهم يجون ونشوفهم وبعدها نسأل عنهم اذا طلعوا اهل خير الله يحييهم واذا كان غير كذا ننهي الموضوع من اوله ولا كانه صار شي..
    اعجبت شذى براي امها: يمشي اللي تقولينه يام محمد..

    ام محمد:الله يحفظك يا شذى ويكتبلك اللي فيه الخير...

    وقامت ام محمد عن بنتها وطلعت من غرفة شذى عشان تقول لابو محمد براي بنتهم الوحيده
    شذى عمرها 19سنه اصغر وحده في اخوانها وحدانية بين ثلاثة اولاد حلوة مملوحة وهي طويلة وجسمها روعة و يسمونها البنات باربي من حلاوة جسمها و شعرها لآخر ظهرها حلو وكثيف وناعم وهي بيضاء صافيه تميزها بحة صوتها الناعمة وهي طيبة وحبوبة و شذى مجنونة بالموضة والأناقة..
    اخوانها محمد اكبر واحد عمره 33 يشتغل مساعد طيار بالخطوط السعودية
    متزوج مريم ومريم هذي ملقوفة وفيها لعانة احيانا تكون ملكة الطيبة واحيانا العكس
    وعندهم بنتين ريم 5سنين و رنا سنتين
    ومحمد ومرته ساكن مع اهله بحكم سفره الدائم ما يقدر يخليهم لوحدهم عشان كذا ساكن مع اهله..
    خالد 28سنه ثاني واحد متزوج بنت عمه مها وساكن بفيلة جنب اهله وهو يشتغل مهندس بناء
    سعود24سنة توه راجع من برا كان يدرس بجامعة اكسفورد ببريطانيا واول مارجع تعين مدير علاقات عامه باهم الشركات الكبرى بالشرقية هو احلى اخوانه واملحهم بس طبعا بعد شذى...
    ..............................
    ام محمد بعد ما طلعت من غرفة شذى كانت بتروح لغرفتها إلا شافت رنا بنت محمد طايحة تبكي على الأرض...
    ام محمد: وش فيها راني تبكي...(وشالتها من الأرض)...وش فيك يا رنا تبكين؟
    إلا تجي مريم وتشيل بنتها من يد ام محمد وتقول وهي معصبة : خالتي ما تشوفينها طايحة على وجهها اكيد بتبكي...
    ام محمد : وش فيك معصبة ؟؟
    مريم : ما فيني شي بس بنتي طايحة...إلا شسالفة الرجال اللي خاطب شذى اسمعكم تتساسرون فيه ولا حد قال لي او افكر يقولي حتى مها مرة خالد تعرف السالفة وانا آخر من يعلم...
    ام محمد تركتها لأنها ما تبي مشاكل ومشت عنها وقالت: ما حصل شي واذا صار شي قلنا لك ....
    معروف عن مريم اللقافة واللعانة...بس قدام محمد حمامة سلام ...الكل منقهر منها حتى شذى بس دايم يوقفونها عند حدها ومحد يشكي لمحمد منها لانهم شايفينه يحبها ومرتاح معها..
    مريم قعدت تاكل بنفسها من القهر لأنها ما تعرف شي في السالفة ومنقهرة من محمد زيادة لأنه اكيد بيعرف ولا قالها مع انه زوجته وام عياله...
    وفي الرياض...
    متعب: احلى يا تركي بتاخذ لك شرقاويه هاه
    تركي وهو يبتسم لاخوه: شفت اخوك مب هين
    متعب وهو يغمز لتركي: اهل الشرقية اهل الدلع يا تركي
    هنا يتدخل اخوهم الكبير بندر: شوف يا تركي اذا المرة اللي بتاخذها زينة
    حلوة...لا تنسى اخوك الكبير عشان اذا عجبتك باخذ اختها...
    تركي وهو يناظر اخوه بندر نظرة سخرية: ما تقدر لأن المدام مارح توافق على هالشي...وبعدين خلك مرتاح ماعندها خوات...
    بندر وهو معصب: وش دخل مرتي في السالفة هاه؟
    متعب وهو يكلم بندر: بندر يا عمي خلك مع بنت عمك ام فارس احسن لك...
    بندر ابو فارس: امزح على طول صدقت انت و اخوك.....
    الكل ضحك عليه لما قال كذا
    بندر: المهم ما علينا تركي لو تاخذ لك وحده من بنات عمانك او خوالك احسن لك
    تركي: خلاص يا بندر قفل السالفه تعرف ما حد منهم عاجبني او حتى داخل مزاجي
    متعب وهو يكلم بندر: تذكر بعض الناس يوم دموعهم اربع اربع لما خلصوا الثانوية توهم بزران يبون يتزوجون بنت عمك سلمى...
    تركي وهو يضحك: عادكم تتذكرون انا نسيت السالفة تدرون لها 8سنين يعني فيه ناس ماتوا وناس ولدوا وناس تزوجوا وتطلقوا وانتم عادكم فيها
    بندر ابو فارس: لا مو عادنا فيها بس تقول مو عاجبينك بنات عمك..
    تركي بضيق: هذا حب مراهقه حب عيال...وبعدين خلاص انا بتزوج يعني خلاص قفلوا عليها...
    ويقوم تركي عنهم ....
    ابو فارس: وين تعال ...خلاص بنسكت...
    تركي وهو ماشي:لا تسكتون كملوا كلامكم...بس ياليت تبعدوني وما أكون محور حديثكم....
    متعب: اقول تركي وين رايح؟
    تركي:بروح مع واحد من اخوياي عازمني على العشا...ويناظر تركي ساعته...شفتوا اخرتوني الساعة تسعة ونص ونا متفق على الساعة تسع...
    متعب وهو يضحك:لما تودع العزوبية وتتزوج لازم تكون تسع ونص بالبيت مافيه سهر برا البيت...مافيه تاخير...
    تركي وهو يبتسم:خير ان شالله انا لما اتعدل يكون بمزاجي وبراحتي...
    وطلع تركي ...
    تركي وهو في سيارته رايح لموعده...
    دق جواله...
    : تركي
    تركي:هلا والله يباه...
    ابو بندر: تركي توني مسكر من ابو محمد ويقول حياكم الله ...
    تركي :يعني موافقين...
    ابو بندر:أكيد...ومن يقدر يرفض تركي ولد عبدالله...
    تركي:أخذت منهم موعد...
    ابو بندر: إيه على الخميس الجاي بنروح الشرقية ....والله يعين على اختيار خالتك...
    تركي:إن شاء الله خير ....
    ابو بندر:إن شالله تامر على شي؟
    تركي:ما يامر على عدو...
    ابو بندر:في حفظ الله..
    تركي:مع السلامة.....
    ويقفل الجوال تركي ويفكر في مسقبله مع بنت ما يعرف عنها إلا اسمها
    تركي عمره سبعة وعشرين سنه شاب الكل يحلم فيه وسيم لدرجة تبهر الاعين ورجل خلوق وطيب يحب الاعتماد على نفسه في كل الامور رفض يشتغل مع ابوه وحب يعمل لنفسه ومستقبله دخل العسكريه
    لأنها حلمه من صغره ودايم يقول عنها مصنع الرجال...عيبه عصبيته الزايدة وغروره الزايد ويبي اللي معاه يمشون مثل الساعة يعني بدون اخطاء...
    هو ترتيبة الرابع في العائله...
    اكبر واحد ابوفارس بندر 40سنه متزوج عائشة بنت عمه
    بعده فاطمة 37سنه متزوجة ولد خالها ناصر
    وبعدها متعب 30 سنه متزوج سارا بنت عمته
    وبعدين تركي...
    وبعدين آخر العنقود بشاير18سنه حلوة ودلوعة...
    وش رح يصير لما يجي تركي بأهله الشرقيه على الموعد؟؟؟
    وإيش معنى شذى بالذات اختاروها لتركي؟؟؟
    قصة حب تركي وقصة حب شذى؟؟؟
    وراي ام تركي..............ورأي محمد اخو شذى بالخطبة؟؟؟
    يتبع


    التعليقات (8)
    • shosho21
    shosho21
    29-01-2022 - 03:33 pm

    يتبع الجزء الأول...
    في بيت شذى وبالتحديد بغرفتها مع صديقتها ريم...
    ريم:الصراحة ما نقدر نتكلم خاطبك ضابط بناء على رغبتك وحلمك...
    شذى وهي تناظر رفيقتها بفرح: شفت شلون...
    وتزيدها ريم: لا وبعد مثل ما تمنيت تسكنين بالرياض...
    شذى وعيونها بتطلع:أنا؟؟؟ متى قلته؟؟؟.........
    ريم بنص عين:لا تحاولين تنكرين(وتقلد صوت شذى)ياربي ياليت إحنا عايشين بالرياض مع بنات عمي سعد بدل هالرطوبة والحر اللي بالشرقية ذابحنا...
    شذى وهي تسند ظهرها على الكرسي: هذا بس كلام وخرابيط....
    ريم: إلا تعالي قلتي رح يجون يوم الخميس يعني(وتحسب ريم على اصابعها)يعني بعد خمس ايام
    شذى: يالله مرة قريب...
    ريم:بتشوفينه ويشوفك مثل ما قلت قبل شوي؟
    شذى:yes
    ريم:يعني سألتو عنه؟؟؟؟؟؟؟؟
    شذى وهي تتربع وتعدل جلستها: طبعا ما خلى أبوي الله يحفظه أحد بالرياض نعرفوه إلا خلاه يسأل وشغل فريق التحري حقه بالرياض يسال عنه والنتيجة هي...إنهم مدحوه ومدحوه أهلة بعد...
    ريم وهي تضحك:بالله من فريق التحري هذا؟؟؟ههه
    شذى وهي تضحك من ضحك صديقتها: هذول الله يسلمك يتكونون من ثلاثة أبطال هم عمي سعد وخالي فهد و خويه عبدالهادي...
    ريم وهي تضحك:يعني النتايج تطمن...
    شذى:ع الآخر... وظحكوا....
    وبعد فترة سكوت طويلة بينهم...
    قامت شذى من على الكرسي وراحت وقفت قدام المرآية وقعدت تتأمل نفسها وبعدها لفت على ريم : ريم تتوقعين تركي بيرفضني.......لو رفضني والله أنهار إلا أموت...تذكرين أمل يوم رفضها خطيبها لما شافها البنت نهارت مسكينة...
    ريم بجدية:شذى؟...إيش هالكلام أساسا مافي مقارنة بينك إنت وهي...صدق إنها حبوبة وطيبة بس إنت احلى...أساسا مافيه مجال للمقارنة بينك وبينها...هي جمالها متواضع مرة
    شذى: ولو...الجمال مو كل شي بالحياة أهم شي الراحة النفسية...يمكن مايرتاح معاي...
    ريم: ما أدري شقول لك...بس احسن حل صلي استخارة واطلبي من الله إنه ينور بصيرتك
    شذى:صليت استخارة وهذا دايم ادعوا الله إنه يكتبي لي الخيرة...
    ريم:الله يوفقك...
    شذى تقرب من ريم:ريم شوفي ألحين بفتح الباب وبلقى مريم تحاول تتسمع...
    ريم وهي تحط يدها على راسها:ياربي...هذي ما تشبع دايم تتصنت؟؟
    وتقوم شذى وتاشر لها على الباب وبخفة سريعة تفتح الباب ومثل ما توقعت مريم قدامها تسوي نفسها رايحة لغرفتها لأنها قريبة من غرفة شذى...
    شذى وهي حاطة يدها لى خصرها:إنت شتسوين هنا؟؟؟
    مريم تحاول تخفي ارتباكها:رايحة لغرفتي(وتقوي عينها وتقول بعصبية)ولا لازم آخذ الأذن من آنسة شذى قبل لأروح غرفتي هاه؟
    شذى بتحدي:إيه لازم زين؟...وبعدين ترى حركاتك مكشوفة...
    مريم بعصبية:أي حركات؟
    وتدّخل ريم وتسحب شذى على داخل الغرفة...
    ريم لمريم:هلا مريم...
    مريم ببرود:هلا...
    ريم لشذى:خلاص يا شيخة بلى مشاكل؟
    شى بقهر:تقهرني يا عالم...أنا متأكدة إنها تتسمع بس..
    ويقطع حديثهم صوت جوال ريم...
    ريم:هلا...وين أنت؟...أوكيه لحظة....اوه زين خلاص جايية....لا تاكلني...باي...
    شذى:مين اخوك؟
    ريم:إيه تحت ينتظرني...
    شذى: طبعا تجين يوم الخميس...
    ريم وهي تاخذ عبايتها:بشوف...
    شذى: وش تشوفين تجين يعني تجين....
    ريم تلبس العباية:بشوف...وبعدين التليفون بينا...
    شذى:مثل ما قلتي...بينا التليفون...
    ريم:أوكيه يلله باي...
    شذى:باي...ترا اليوم بكلمك...
    ريم وهي طالعة: في انتظارك........
    وبعد ما راحت ريم دخلت شذى غرفتها و وراحت وانسدحت على فراشها وقعدت تفكر...
    غربية؟؟ليش اختارتها عبير من بين البنات...ليش ما اختارت ريم مع إن ريم املح منها واحلى بكثير...زين يعني يمكن وجود عبير معها كان صدفة ووجودهم الثنتين بنفس المكان صدفة...او يمكن هي اختارتها لتركي...طيب ليش مادور في الرياض اكيد بيلقى سكان الرياض بالملايين الله العالم...
    ريم صديقة شذى حلوة وأحلى من شذى بكثير بس هي وشذى صديقات من الطفولة...
    .................................................. ..................
    في غرتهم...
    مريم بعصبية:ليش ما قلت لي يا محمد إن فيه أحد خطب أختك؟
    محمد وهو تعبان متمدد على فراشه:نسيت...
    مريم:ولو هذا مو عذر...
    محمد معصب:خلاص نسيت يعني ما أنسى؟....
    مريم:زين تدري إنهم بيجون يوم الخميس هذا؟
    محمد:من قال لك؟
    مريم:شذى قالت لي...(كذابة تتصنت عليها)....
    محمد بينام خلاص:حلو...خلاص مادام شذى قالت لك خل تقولك الباقي...
    مريم بقهر:ليش ما تقولي إنت؟ مو إنت زوجي؟
    محمد: بكرة وراي سفر لجدة والمدينة خلاص خليني انام...
    مريم مقهورة:زين...بس بكرة نكمل كلامنا على الفطور ...
    محمد بضيق:خير إنشالله...
    وبعدها نام محمد لأنه تعبان طول اليوم في المطار وبالليل راح المستشفى يزور خوية...وبعدها معزوم وما وصل البيت إلا متاخر ولقى مريم تنتظره يدري غنها صاحبة مشاكل بس حبوبة...
    محمد عصبي ويحب اهلة ومرته وما يرضا لهم المهانة وبنفس الوقت ما يبيهم يغلطون....
    .................................................. ................
    في الصباح على الفطور.........
    ام بندر: تركي لا تزال مصمم على رايك؟...
    تركي زهق من هالسالفة: يمه خلاص كفاية خلاص خطبنا وبنروح نشوف العروسة....
    ام بندر:بس انا...
    يقاطعها تركي:على عيني وراسي بس بلاها سالفة إنتي تبيني ارتاح خليني على ما انا عليه...
    ام بندر:ناس ما نعرفهم مهوب احسن من ناس نعرفهم منا وفينا...
    تركي وهو يشرب الشاي:يمه...لما سألتك بالبداية وافقتك وألحين تعترضين ما يصلح يمه بعد ما كلمناهم ترضينها لبشاير؟؟
    ام بندر:لأ.... يا تركي خالتك هي اللي دلتنا عليهم ويمكن بعدها ما تعجبك العروس وبعدين بس هي اللي تعرفها؟
    تركي:وانا اعرف اخوها...مشالله عليهم....وانا استخرت و ربي ريح قلبي لهالشي....
    ام بندر:بس عندي سلمى بنت عمك احسن ...او جواهر بنت خالتك...
    تركي وهو قايم من الفطور:ما ابي لا الاولى ولا الثانية انا اعرفهم واحس ما بقدر اعيش معهم....
    ام بندر:كمل فطورك؟
    تركي:الحمدلله شبعت...بعد وراي دوام...
    ام بندر :الله يحفظك.......
    بعد ما طلع تركي...
    قعدت ام بندر تفكر صح هي اللي غلطت في البداية ما اعترضت يوم الخطبة صارت رسمي توها تتكلم بعد ما يصير هذا مو من الأصول...
    .................................................. ....
    مريم:انا اشوف إن شذى مهوب صغيرة على الزواج خلها تتزوج ونفتك مو كل ما يجيها عريس تدور لها حجة وترفضة
    محمد:كيفها....إنت شيخصك؟....
    مريم بعصبية:كيف ما يخصني؟
    محمد وهو يعدل شماغة: شوفي حبيبتي هذا وانا اخوها ما تدخلت فلا تدخلين احسن لك...انا وإنت مالنا شغل...
    مريم تحرضه:بس هذي اختك؟
    محمد وهو يناظرها:وهذي حياتها لوحدها إذا استانست لوحدها وإذا حزنت بعد لوحدها فلا ندخل فيها.......
    مريم:............
    محمد: زين إنك عرفت إذا انت فاضية اقعدي مع بناتك شوي مو قاطتهم على الشغالة
    مريم:مين قال قاطتهم اصلا انا طول اليوم معهم...
    محمد:باين...وهذا انا اشوف بعيوني...
    .................................................. ..........................
    يتبع
    ____________________________

    • shosho21
    shosho21
    29-01-2022 - 04:34 pm

    يتبع الجزء الأول...
    يوم الخميس...
    بغرفة شذى.....
    شذى بارتعاش: يمه انا خايفة يا ريم احس خلاص بموت من الخوف...
    ريم وهي تمسك يد شذى:خلاص يا بنت ايش هالحركات كلها نص ساعة وتشوفين المعرس؟
    شذى: ريم لا تقولين كذا لك ثلاث ساعات الحين وانتي تحسبين الوقت باقي ساعتين باقي ساعة باقي نص ساعة يعني وبعدين؟؟
    ريم:زين وليش ما احسب لك الوقت انا بعد تراني متوترة مثلك اذا هذا الشي يوترك يا.........يا عروسة...
    شذى وهي معصبة: جب زين....عروسة بعينك...
    ريم وهي حاطه يدها على صدرها: بسم الله علي وشفيك معصبة حد ضربك؟؟ انا ما قلت شي يزعل؟؟كل بنت تتمنى انها تصير عروس
    شذى:ريم تكفين خلاص...انا متوترة مرة ...واحس ماني قادرة افكر والله كأني بامتحان آخر السنه إلا اشد من كذا...
    ريم: شي طبيعي إنك تكونين متوترة وخايفة...بس(وتناظر ريم شذى من فوق لتحت) انت ووجهك ايش رح تلبسين لا تقولين...
    تقاطعها شذى: إيه بدخل وانا لابسه كذا...عندك مانع؟؟؟
    ريم: إيه عندي مانع...من جد هذا لبس انتي ووجهك...والله كأنك داخلة عزى بأحد ميت...
    كانت شذى لابسه تنورة سوداء طويله مع بلوزة كم طويل تدرجات البني والبيج و رافعة شعرها بطريقة شوي رسمية وحاطه ماسكرا
    خفيفه على عيونها...
    شذى بعصبية: والله؟؟؟ انا عاجبني شكلي كذا...وبعدين عشان مايظن إني انا مو مصدقه فيه وطايره فيه...خليني كذا احسن ...
    ريم: اتوقع لو يشوفك ينحاش...ابد بيقول داخله علي هذي بالغصب وما تبيني لا تصيرين خفيفه بس لا تسيرين كذا مره ثقيله...
    شذى: الثقل زين...والبنت الخفيفه ماحد يبيها...
    ريم: ماقلنا صيري خفيفه... بس شذى تكفين نزلي شعرك عشاني...بيني له انك حلوة...يله نزلي شعرك لا ترفعينه كذا...
    شذى بعناد: لأ يعني لأ ...
    ريم: بالله عليك نزليه و هالعناد ماله داعي يا بنت الناس...فلي شعرك وامسكي نصه من فوق بكليب احلى من هذا...
    شذى:...................
    ريم باقناع: والله شكلك كذا يقول عمرها 29سنه مو 19....
    شذى: لا...لا تقولين كذا...امانه شكلي كذا اكبر من سني بكثير؟؟؟؟
    ريم بمكر: إيه والله شكلك على حافة الثلاثينات...بس عدلي شكلك شوي عشاني...يالله مو عشاني عشانك نفسك انتي...
    شذى:..........................
    ريم تزيد: شذى والله اذا دخلت كذا احتمال99% انه يرفضك... كذا كأن احد مصفقك...أكيد بيقول هي مجبورة علي وانا ما ابي
    وحده ما تبيني...فراح ينسحب بنفسه ويعتذر....
    شذى: ريم رجاء لا تخوفيني...لهالدرجة شكلي رايح فيها...زين يالله شوري علي وش اسوي..بس لبس ماني مغيرته لو إيش...
    ريم: بس غيري يا ش....
    تقاطعها شذى: ريم ملابسي مارح اغيرها لو يكون من يكون خليني كذا احسن وعن شعري بغير تسريحته عشانك...
    وراحت شذى عند درجها وقاد تدور كليب احلى من اللي هي لابسته وطلعت كليب لونه بني مموج ببيج حلو وناعم...
    ولفت على ريم وقالت لها: ريم وش رايك في هذا؟؟؟
    ريم: إيه هذا أحلى من اللي قبله...ألحين فلي شعرك من تحت وامسكي بس اطرافه من فووق..
    وفكت شذى شعرها وقعدت تعدل فيه...وعملت مثل ما قالت لها رفيقتها ريم وبعد ما خلصت...
    ريم بفرح: إيه كان كذا احلى من الأول ...بس
    شذى مقاطعتها بعصبيه: بس إيش بعد ؟؟؟....
    ريم: بس كنت ابي اسأل ألحين انتي بتحطين مكياج ولا ايش السالفه؟؟؟...
    شذى: طبعا لأ...انا بس حطيت ماسكرا وبس ....خليه يشوفني على طبيعتي أحسن...
    ريم: زين حطي بس غلوس لا تحطين مكياج كامل...
    شذى:ريم رجاء بلى حنه زيادة على راسي...كذا وبس...
    ريم: زين بس اخر شي أنتي بتلبسين اكسسوارت ولا لأ....بس لا تقولين لأ لأنك بجد بتثبتين لي إنك عجوز...
    شذى: زين إنك ذكرتيني تصدقين والله نسيت...
    وراحت شذى لعلبة اكسسواراتها وتبي تطلع شي تلبسه...إلا سحبت ريم العلبه منها وقالت لها:
    انا اللي بختارك يا حلوة...لأن اليوم شكل ذوقك فيه زفت من كثر ما تفكرين...
    شذى بابتسامه: ريموه...اعطيني العلبه تراني مهوب ناقصه لفلسفتك...
    ريم برجاء: شذى الله يخليك انا خليني اختار لك والله انك اليوم رفعت ضغطي من لبسك...
    شذى بمزح: لا تغلطين انتي ووجهك ولا تشوفين الباب هاه؟؟....((تقصد تطردها))...
    ريم: اقول يله اقلبي ووجهك يا الحولا انا اللي باختار لك...
    وتجرها شذى من شعرها بمزح: ريم انا حولا يا الحولا لا تخليني الحين احذفك برا....
    ريم بصراخ: آآآي....آآآي....عورتيني يالخايسه...ولا تخليني انا ألجأ للسلاحي الخاص اظافيري والعب بوجهك هاه...آآآي
    شذى تفك ريم: امزح معك يا الهبله...وبعدين انتي من جدك انك تبين تشوهيني واليوم شوفتي؟؟؟....
    ريم وهي تعدل شعرها: طبعا لأ...بس عشان تفكيني...وبعدين خليني أنا اللي اختار لك وش تلبسين من اكسسوارات بليز؟؟؟...
    شذى تناظرها بابتسامه: اوكيه....خلاص اختاري لي ريم....بس هاه يكون ناعم ما فيه دفاشه... بليز ريم...
    ريم وهي تحوس بالعلبه وتدور لها: خير انشالله...بما انك تبين ناعم باختار لك شي حلو...
    .................................................. ............
    بالصاله ببيت ابو محمد اهل شذى...
    كانت مها زوجة خالد ومريم زوجة محمد وام محمد قاعدين...
    بينما الرجال قاعدين بالمجلس مع اهل تركي اللي جو لما صارت الخطبه رسمي....
    مريم: مها...ايش قال لك خالد عن خطيب شذى؟؟؟
    مها تعرف حشرية مريم ردت عليها: مثل اللي تعرفينه ما شي جديد...
    مريم: وش دعوة؟؟؟ المعرس من طرف خالد وانت زوجته أكيد قال لك شي عنه...
    مها: هو قال لي انهم مشالله عليهم اخلاق وسمعه طيبه...
    مريم: وفلوس كثيره...
    مها: مشالله عليك يا مريم هذا انتي تعرفين اجل ليش تسألين هاه؟؟....
    مريم: اللي قلتيه شي معروف... وهم معروف عنهم فلوسهم الكثيره....
    مها: اطمني من هالناحيه...خالد يقول إنه ما ياخذ ريال من اهله...هواللي يصرف على عمره من راتبه.... من شقاه...
    مريم:يعني ما ياخذ من اهله فلوس؟؟؟؟...
    مها:ولا ريال....وبعدين انتي وش يهمك لو ياخذ او لأ... انتي بتاخذينه ولا شذى؟...
    مريم:لأ مو قصدي كذا...بس كان ودي اعرف عنه اكثر...لأن محمد قال لي انهم ناس هوامير بالرياض...
    مها ما حبت انها تكمل كلامها مع مريم فقعدت تكلم خالتها ام محمد اللي كانت ساكته وتناظرهم...
    مها: اقول خالتي وينها العروس شذى هاه ؟....لي ساعه ونص من جيت ولا شفتها؟؟؟...
    مريم تقاطعهم: وينها يعني..اكيد بغرفتها مع صديقتها ريم فوق من جات وهم الثنتين بالغرفه ماطلعت لهم 3ساعات...
    مها وكأنها ما سمعت مريم: والله يا خالتي إني فرحت من قلبي بشذى وبنفس الوقت حزنت عليها مره...
    ام محمد: ليه حزنت؟؟؟...
    مها:لأن خالد قال لي ان تركي المعرس ساكن بالرياض واكيد إذا الله كتب نصيب بتروح الرياض وبنفارقها والله...
    ام محمد بحزن:والله نفسي يا مها امس بالليل كانت سهرانه معي ولما راحت تنام قعدت ابكي من بعدها لان فراقها صعب علي...
    مريم بخاطرها((إلا ابركها من ساعه خليها تذلف وتفكنا هالعله واحسن مافي زوجها انه بعيد منا))
    مريم تكلم ام محمد: إي والله يا خالتي فراقها صعب علينا كلنا...وما اقدر اتخيل البيت من دون شذى حتى بناتي بيفارقونها...
    ام محمد تناظرها باستغراب لأن المشاكل بين مريم وشذى ماتوقف فكيف رح تحزن عليها...
    فهمت مريم القصد من نظرة ام محمد لها ومن متى هم حبوا بعض فقالت: تدرين يا خاله إن العشرة ماتهون لو يوم فما بالك بسنين...
    ام محمد باقتناع:صدقت يابنتي العشرة ماتهون...وكل بنت لها يوم تفراق فيه بيت اهلها...
    مها: خالتي اليوم تركي بيشوف شذى؟؟؟...
    ام محمد: اليوم إيه بيشوفها وتشوفه...والله انها يامها مره مرعوبه من هاليوم...
    مها: كل البنات كذا يا خاله واتذكر يوم جا خالد بيشوفني سويت بامي العيد من الخوف...
    ام محمد: بس انتي تعرفين خالد من قبل وشفتيه وشافك بس هي مسكينه ما عمرها شافته ولا شي...
    مها: وانتي صادقه يا خالتي...بس بعدين بتقعد تضحك على نفسها لما تتذكر.....
    وفي هاللحظه يدق جوال مريم وترد مريم....وبعد ما سكرت....
    مريم: اقول خالتي هذا محمد يبي يكلمك هناك بالصاله اللي بقسم الرجال....
    وتقوم ام محمد لولدها....
    مها: مريم محمد وش يبي بخالتي؟؟؟..
    مريم: شكله يبيها تعدل شذى عشان تدخل تشوفه...لأنه سألني اذا شذى خلصت او لأ....
    مها وهي تقوم: اجل خليني اطلع لشذى اشوف اذا خلصت او لأ....
    وقامت مها عن مريم.....
    وراحت مريم لام محمد ومحمد عشان تشوف وش صار بالمجلس عند الضيوف...
    .................................................. ...............
    ....:انتي وش يعجبك؟؟...ما يعجبك العجب
    شذى وهي تلبس عقد ناعم عندها: انا ما يعجبني العجب بمزاجي زين الحمدلله والشكر انتي من جدك ألبس الهبال اللي طلعتيه
    ريم: أي هبال انتي يالهبله؟؟؟هذا اغراضك انا ماجبت شي من عندي...
    شذى:أدري...بس والله لو اسمع كلامك بروح فيها...حشى كأني بعرس مو نظره عاديه...
    ريم بنص عين: نظره عاديه؟؟؟((وتكمل بعصبية)) هذي يا مجنونه بتحدد مستقبلك وباقي عمرك...((وتقلدها)) نظره عاديه...
    شذى: يعني انتي ووجهك تبيني اكشخ كأني رايحه عرس...اما عليك هبال مو طبيعي...
    ريم: الصراحة يا شذى ياليتني اليوم ما جيت لأني ما استفدت غير انك رفعت الظغط والسكر عندي..
    شذى تجاريها:إي والله...وانا بغيتك عون صرت فرعون...
    ريم تبحلق بعيونها: انا فرعون يا شذى؟؟؟؟؟؟؟؟؟...
    بهاللحظة دق باب غرفة شذى...
    ريم وهي تطالع شذى وتقول بصوت واطي:هذي مريم؟؟..وش عندها صايره مؤدبه وتدق الباب خبري فيها انها تقط اذنها...
    شذى وهي تضحك:انتي يالهبله هذي امي اكيد....الدنيا بتتعدل ومريم عمرها ما تعدلت...
    وقامت شذى وفتحت الباب....
    شذى بصراخ: مها....هلا والله متى جيتي...والله انك جيتي بوقتك...انا موت محتاجتك...
    مها وهي تسلم على شذى: لي اكثر من ساعه تحت...بالبدايه بغيت اطلع لك بس قلت خليها تتعدل على راحتها...
    وقامت ريم تسلم على مها: هلا مها شلونك؟؟؟...
    مها: تمام وانتي...
    ريم: بخير بس شكل شذى مطنشتنا....
    مها: ليه؟؟؟..
    ريم: من لقى احبابه نسي اصحابه...انا لي معها اكثر من ثلاث ساعات واول ما شافتك نست قعدتي معها طول اليوم...
    شذى وهي تضحك:ما عليك منها يامها انتي بس قولي لي وش رايك بشكلي كذا......حلو؟؟؟؟؟.
    مها وهي تتأملها: إيه كذا حلو ...بس ما ادري احس ناقصك شي؟؟؟....
    شذى بثقه: ابتسامتي....
    ريم : اوه يالثقه...
    شذى وهي حاطه يدها على خصرها: اكيد واثقه اذا شذى ماهي واثقه بنفسها...أجل مين اللي يثق؟؟؟
    مها:اقول خلصيني...استعدي ترى محمد يقول جهزوا...عشان تدخل...
    وقتها تحولت ثقة شذى إلى خوف: تتكلمين من جد يا مها بلا مزح؟؟؟.....
    ريم وهي تضحك: اقول يا الواثقه...وين الثقه اللي قبل شوي شكلها تبخرت من سمعت طاري انه يشوفك...
    شذى: ريم...تكفين خليني إلى ما ادخل وارجع اسوي فيك يوم ما تنسينه...
    ريم شافت توتر شذى فقالت: شذى حبيبتي لا تتعبين عمرك لأنك بتدخلين من هنا وانا بروح لبيتنا من هنا....
    شذى تبي تقهر ريم: احسن شي بتسوينه من يوم عرفتك...
    ريم:اوكيه يا حلوة حطي يدك ورجولك بماي بارد...لأني بقعد عندك إلى ما يروح تركي الرياض زين؟؟؟
    وهنا دخل ام محمد على شذى وريم ومها ومعها ريم الصغيره بنت محمد...
    ام محمد:اقول حبيبتي شذى خلصتي محمد اخوك تحت ينتظرك عشان تدخلين تشوفين تركي...
    شذى برعب: لا يمه باقي ما خلصت انتظري شوي...
    وقتها تشيل ريم صديقة شذى ريم بنت محمد:احلى ما فيه هالبنت اسمها ...تهبل يا شذى طالعه علي...
    شذى: طالعه عليك إلا على اخوي محمد يا الذكيه...
    ريم تبي تلطف الجو: لأنها ماخذه نفس اسمي عرفت ليش؟؟؟
    ابتسمت لها شذى ابتسامه سريعه وقالت لأمها: يمه ما ابي اشوفه خلاص هونت...
    ام محمد باستغراب: إيش هونت؟؟؟....
    شذى برعب:إيه هونت خليه يرسل صورته وانا بشوفها...كذا احسن...
    ريم: هين انتي توافقين عليه...بس المشكله هو رح ينصدم يوم العرس لمن يشوفك...
    شذى بضيق: كلي تبن زين...
    ام محمد: شذى بلا دلع البنات ذا وقومي معي...ولا ترا انادي لك ابوك ياخذك...
    مها: شوي شوي عليها ياخاله...كل البنات كذا...((وتلف على شذى)) شذى ليه ما تبين تدخلين؟؟؟....
    شذى: مها تدرين إني ميته رعب وانا ما دخلت...فما بالك لو دخلت اتوقع يغمى علي من الخوف...
    مها وهي ماسكه يدين شذى وتبي تطمنها: كل البنات كذا وبعد الزواج تتذكرين نفسك وصدقيني بتضحكين عليها...
    شذى: ولو احس انا غير...... ما أدري لأني لا اعرفه ولا هم يحزنون...
    هنا رق قلب ام محمد على وحيدتها فلمتها بحظنها وقالت: سمي بالرحمن ياشذى وتوكلي على الله واخوك محمد بيكون معك
    شذى:ما ادري شأقول يمه ....
    ام محمد: زين يالله نزلي معي.....
    شذى بتوتر: زين يمه بس اعدل نفسي و انزل معك...
    ام محمد: وطول الوقت اللي فات وش تسوين؟؟؟....
    شذى: اجهز نفسي....
    وراحت شذى لعند التسريحة وتعدل نفسها....
    ريم: لا تحاولين يا شذى خايسه خايسه........
    شذى: بعينك خايسه........
    مها: لا تخافين تمزح والله تهبلين.......
    وشذى وهي طالعه مع امها: اعرف ريم ومزحها....
    وهنا تشد ريم شذى من يدها وتقول لها بصوت واطي: اقول شذى هالله هالله بالقز قزيه من راسه للرجوله زين؟؟؟....
    شذى تفكها وتقول:زين إذا قدرت اشوف...تبيني اقز....
    ونزلت شذى مع امها.....
    ريم: تتوقعين يا مها ان تركي حلو؟؟؟........
    مها: ما ادري......
    ريم: زين ما سألت خالد زوجك؟؟؟........
    مها باستغراب: اساله عن إيش؟؟؟؟....
    ريم بضيق:إذا تركي حلو او لأ.....
    مها بابتسامه: تتكلمين من صدقك انتي،عشان خالد يذبحني...
    ريم:ليه؟؟؟...
    مها:لأنه زوجي وبيغار علي منه....
    ريم بمزح: اموت بالغيره انا....
    مها:إيه خليك كذا بنت مؤدبه...
    وضحكت ريم من كلام مها...
    وقعدت ريم ومها فوق بغرفة شذى يسولفون....
    .................................................. .......................
    بالمجلس عند الرجال كان جالس تركي وابوه ابو بندر وابو محمد وعياله كلهم محمد وخالد و سعود ...
    ابو بندر: وإذا ما عندكم مانع يابو محمد نبي تركي يشوف بنتكم ؟؟....
    ابومحمد:ابد ما عندنا مانع...وهذا من حقه إنه يشوفها لو يبي ألحين......
    ابو بندر:تسلم يابو محمد...
    ابو محمد: ابد يابوبندر ما جبنا شي من عندنا هذا من الدين والسنه....
    ابو بندر: اصيل وتعرف الأصول يابومحمد...وماعليك امر لو يشوفها ألحين....
    ابو محمد:مايامر عليك عدو....وشوف يا سعود لتركي طريق عشان يشوف اختك...
    سعود:تامر يباه...((ويلف على تركي ))وحياك ياتركي معي...
    تركي بابتسامه:الله يحييك....
    ويقوم سعود من المجلس ومعه تركي للمجلس ثاني بجنب مجلس الرجال عشان تركي يشوف شذى وتشوفه.....
    .................................................. ......................
    بالمجلس الثاني....
    سعود لتركي: حياك يا تركي البيت بيتك...
    تركي: الله يسلمك...
    ويروح تركي يجلس بالمجلس ويدخل سعود ينادي أخته....
    تركي بخاطره((يارب اكتب لي الخير ووفقني باختياري))...
    ويقعد تركي يحاول يرسم صورة تقريبيه عن شذى من خلال وصف خالته عبير لها.......
    .................................................. ................................
    سعود: اقول شذى يله قدامي بسرعه.....
    شذى بخوف وهي متمسكه بأمها: يماه خايفه تعالي معي...
    سعود يقلدها:يماه خايفه تعالي معي....اقول انتي هي بلا دلع يلا امشي قدامي انا اللي بدخل معك...
    شذى متفاجأه: انت؟؟؟؟.........ليه وين محمد وخالد؟؟؟....
    سعود يخزها: مع ابوي بمجلس...ليه انا مهوب عاجبك يا آنسه شذى؟؟؟.......
    شذى: بصراحه انا كان ودي محمد او خالد....كبار ويعرفون بهالسوالف مهوب انت بزر باقي....
    ام محمد: لا سعود فيه الخير والبركه....
    سعود يعصب من كلام اخته ويقرب منها ويمسكها مع شعرها ويجرها على فوق إلى ما وقفت على اطراف اصابيع رجلها...
    سعود بمكر:تبيني أدخلك يا شذى على تركي كذا???????...
    ام محمد: سعود فك اختك....
    شذى:آآآي....سعود حرام عليك فكني احس خلاص شعري بيتقطع في يدك...آآآي حشى هذي مو يد انسان...
    ام محمد تفك شذى من سعود: سعود بس اترك اختك هذا بدال ما تطمنها...
    سعود: امزح يمه معها وش فيك....
    شذى وهي تعدل شعرها ونفسها: ألحين انت تمزح انت ووجهك؟؟؟...هذا وقت مزح...
    سعود بابتسامه:وش رايك بمزحي حلو خفيف صح؟؟؟....
    شذى بطنازة: إيه مزحك موت خفيف...
    سعود:أوه نسيت الرجال بالمجلس...يلله شذى امشي معي...
    شذى: يلله هذا انا معك...
    ام محمد:الله يكتب لك الخير كله ياشذى...
    سعود:الله عليك يماه تبين الخير كله لشذى وتنسين عيالك ...
    ام محمد: كلكم يا سعود ولا تزعل...
    سعود: اقول شذى يله ابطينا على الرجال بالمجلس...
    وتمشي شذى مع اخوها والخوف متملك قلبها.................................
    .................................................. ....................................
    ......:شذى حبيبتي تراه انسان مثلنا ما ياكل آوادم ...وش اللي يخوفك منه؟؟؟......
    شذى وهي واقفه عند الباب:...انت ماتفهم خايفه...
    سعود: اقول والله لو ما تمشين لأجرك بشعرك مثل قبل شوي احذفك عنده داخل...
    شذى بنظرات حقد:.............
    سعود بضيق:لنا ساعه عند الباب ليه ما تدخلين؟؟..
    شذى بعد ماجمعت باقي قوتها: يلله ادخل توكلنا على الله...
    سعود:إيه خليك كذا....
    ودخل سعود ومعه شذى اللي تمشي بخوف وارتباك....
    سعود: حياك يا بنت فيصل...
    ولما شاف تركي سعود وهو داخل وكان وراه طيف امرأه ما لمحها زين وقف...
    سعود: ارتاح يا تركي...هذي اختي شذى...
    وقعد تركي وسعود...وراحت شذى وقعدت بجنب اخوها سعود وهي عيونها بالأرض ماهي قادرة تشيلهم...
    تركي:شخبارك يا شذى؟؟؟...
    شذى بارتباك: بخير....
    وقعد تركي يقز بشذى ويناظرها...
    تركي وهو ما شال عينه من شذى:شخبار الدراسه معك يا شذى؟؟؟...
    شذى: بخير...
    تركي يسألها:انشالله ناجحه هالسنه؟؟؟...
    سعود يتدخل: من هالناحيه لا تخاف بالدراسه مصريه شذى...
    تركي بابتسامه عريضه: صدق يا شذى اللي يقوله أخوك سعود؟؟؟....
    شذى بخاطرها((هين يا سعود تقوله إني انا مصريه وتفشلني خل الناس تروح ويصير خير))وكل هذا وهي ما رفعت عيونها...
    تركي: هاه شذى انتي بالدراسه مصريه ولا إيش يقصد سعود؟؟؟...
    شذى بخجل: يبالغ سعود.....مهوب للدرجة المصريين عاد...
    وقعد تركي وسعود يضحكون عليها....
    و قعدت شذى تفكر((مشالله على الأخ تركي طايح فيني قز من أول مادخلت وانا ما لمحت شي منه غير ثوبه ياربي ابي اشوفه))
    وقعدت تقول بخاطرها((لازم ارفع عيني واشوفه هالرجال باعيش معه طول عمري يارب عطني الشجاعه إني اقدر اشوفه واطالعه بس))
    تركي حب يحرك الجو شوي وقال:وإذا شذى موافقه علي أباخذها الليله معي الرياض مره وحده وبلاعرس بلازحمه؟؟؟...
    من صدمة شذى بهالكلام رفعت عينها وقعدت تطالع فيه من الصدمه...وش هالكلام؟؟؟ حلوة ياخذني بلوشي كذا؟؟؟....
    سعود يبي يقهر شذى: وإذا علينا إحنا اهلها ماعندنا مانع....الله يستر عليها...
    هنا كل تفكير شذى وقف وقعدت تطالعه وما قدرت تنزل عينها من اللي شافته...
    كان حلو ووسيم....كان أحلى مما توقعت بكثير...للدرجه حست إنه هو أحلى منها بواجد ...وفيه جاذبيه لها مهوب طبيعيه...
    تركي بمكر:هاه شذى...وش قلت،سرينا الليله على الرياض؟؟؟...
    شذى لا إيراديا: طبعا لأ......وبعدها استحت ونزلت عيونها....
    هنا قعد يضحك سعود ومعه تركي على ردت فعلها...
    تركي وهو يناظر شذى: لا تخافين امزح معك ومارح تمشين انشالله معي من الشرقيه للرياض إلا بعرس اهل السعوديه كلها تتكلم عنه.
    حست شذى من كلامه إنه موافق عليها وراضي عنها....ويبيها...
    .................................................. ...........................
    بالصاله....
    مريم: خالتي...وين شذى من رجعت ما شفتها؟؟؟....
    ام محمد:اول ما دخلت طلعت فوق لغرفتها عند ريم صديقتها...
    مريم: ومها وين؟؟؟....
    ام محمد:مها قاعده تكلم أهلها داخل من الجبيل...
    مريم منقهره: وشذى بتقعد طول اليوم كذا بغرفتها؟؟؟....
    ام محمد: براحتها....هي دخلت وطارت على فوق حتى ما اعطتني فرصة اكلمها وسألها....
    مريم:أكيد بتقول البير وغطاه لريم...مشالله ريم كل شي تعرفه...
    ام محمد تبي تسكتها:صديقتها ورفيقتها...إذا ما قالت لها بيتقول لمن؟؟؟....
    مريم تبي تشعلها:لك انتي...امها....
    ام محمد:في الليل لمن الكل ينام اروح لها بغرفتها وتقول لي عن كل شي بعيد عن الزحمة....
    مريم:.......................
    .................................................. ............................
    .......:ريم يجنن يجنن يجنن....
    ريم بحماس: يجنن...من هذا تركي؟؟؟....
    شذى:إيه....أجل مين يعني مثلا سعود؟....
    ريم:ماعلينا من سعود..... وش رايك فيه؟؟؟.........
    شذى متحمسه:الصراحه احلى مما توقعت جميل ووسيم ياريم للدرجه ما توقعتها...
    ريم: يعني أحلى من اخوك سعود؟؟؟
    شذى: مافيه مجال للمقارنة أحلى بمليون مرة...
    ريم: يعني مثل خالته عبير؟؟؟؟
    شذى بحماس:أحلى احلى.....
    وتكمل شذى كلامها:تصوري ياريم أحلى مني....
    ريم: من جد تتكلمين؟؟؟....
    شذى: والله العظيم احلى مني وانا ميتة خوف...
    ريم: من إيش خايفة؟؟؟......
    شذى:إنه يرفضني لأنه أحلى مني...
    ريم:........................................
    شذى:انا حسيت من كلامه إنه راضي عني ويبيني بس خايفه....
    ريم :شوفي شذى انا ما بطلع من عندك إلا وقلتي لي وش صار من طلعت من الغرفه إلى ما رجعتي لي ألحين...
    شذى: تآمرين آمر....
    وقعدت شذى تحكي للريم من اول مانزلت إلى ما جا اخوها سعود و وسالفتها معه إلى ما رجعت يعني من طقطق إلى السلام عليكم...
    .................................................. ...........................................
    وبالليل بالفندق.....
    كان تركي وابوه ابوبندر حاجزين جناح كامل لهم بفندق الميريديان....
    تركي:هلا يباه....وش بغيت؟؟؟...
    ابو بندر:سلامتك يا تركي....بس بغيت أسألك وش رايك بالجماعه اليوم؟؟؟...
    تركي : انت قول رايك بالأول يابو بندر؟؟؟ .....رايك يهمني؟؟؟....
    ابو بندر:الصراحه ما توقعت إنهم كذا؟؟؟..مشالله عليهم شكلهم رجال أصول و يعجبونك...
    تركي وكأنه ارتاح من كلام ابوه: حتى انا يابوبندر مثلك...اعرفهم ....ناس حسب ونسب...وطلعوا بعد اصحاب شهامه وخير
    ابو بندر: انا في البدايه كنت متردد...بس ألحين توكلنا على الله...
    تركي:يعني افهم من كلامك يايباه انهم عاجبينك ....وموافق عليهم....
    ابو بندر:لو كنت رافض ماكنت جيت معك وخطبت لك...بس انا اقول إني متردد وكنت ابي اللي يريحك...
    تركي وهو يبتسم لأبوه: طول عمرك يابو بندر حكيم وصاحب كلمه وانا ما اخترت هالعائله إلا لمن سألت عنهم وجاني اللي يسرك...
    ابو بندر: وانت يا تركي يوم شفت البنت...اعجبتك؟؟؟...
    تركي بابتسامة رضى:الصراحه يباه ارتحت لها مبين انها حبوبه...
    ابو بندر: ومزيونه؟؟؟....
    تركي بثقه:أكيد...لو خايسه ماخذيتها...
    ضحك ابو بندر من كلام ولده وقال: تركي ترى الجمال مو اهم شي ...الجمال يروح...وتبقى الأخلاق والعشرة الحسنه...
    تركي: وانت صادق...
    ويزيد ابو بندر:جمال الوجه بتمل منه بعد شهر شهرين...سنه سنتين...ومايبقى من زوجتك إلا عشرتها الحسنه...
    تركي وهو مقتنع:معك حق يباه..بس ترى انا ماكنت ادور على الجمال لوحده لو كنت ابي وحده حلوة يا كثرهم بنات اقاربنا...
    ابو بندر وهو منتبه...
    تركي يكمل كلامه:بس انا كنت ابي وحده مميزه في كل شي وبكل شي وتكون حبوبه....وجذابه...
    ابو بندر: وبعدين....
    تركي: المهم

    • shosho21
    shosho21
    29-01-2022 - 05:35 pm

    في بيت عبير وبالتحديد بالمجلس الخاص بالضيوف...
    تركي:الصراحه يا عبير ماتوقعتها كذا.......
    عبير بابتسامه:أكيد أحلى مما تصورت....صح؟؟؟......
    تركي: تبين الجد؟؟؟...الصراحه توقعتها أحلى بكثير مما شفت....
    عبير بابتسامه باهته:.......يعني؟؟؟...................
    تركي: الله يهداك صورتيها لي ملاك متلبس بصورة انسان....واللي شفته العكس....
    عبير انبهتت زياده: وبعدين......يعني ماتبيها؟؟؟.......
    تركي بحزن مصطنع: الصراحه ابيك تدورين لي حجه كيف انسحب؟؟؟...البنت ذي ما أبيها....أحس دمها ثقيل وسخيفه....
    عبير بعصبيه:تبي تنسحب؟؟؟
    تركي بحزنه المصطنع:صدقيني الأمر مو بيدي....النفس وماتهوى...نفسي عافت البنت وماأبيها....
    عبير وهي معصبه:عفت البنت هاه؟؟؟...أصلا انت ماتستاهل إن الواحد تخليه يدور لك وحده مافيه مثلها ثنتين....وشذى والله وهذا
    أنا أحلف إنها بنت مافيه أحسن منها....بس ما أقول إلا إن الله يعطيها اللي أحسن منك بألف مره وجعلك ما تلقى احسن منها...
    تركي بعد ما شاف كيف خالته تأثرت قعد يضحك عليها وعلى موقفها بالسالفه...
    عبير عرفت إنه كذاب: تكذب علي أنت ووجهك هاه؟؟....أقول لا تمزح معي كذا زين؟؟؟....من جد خرعتني يا الأهبل...
    تركي وهو يضحك:أنا أهبل؟؟...بس مقبوله منك يا أخت امي.....
    عبير: تركي تكلم جد وش رايك بشذى؟؟؟.....
    تركي وهو يعدل جلسته:تبين الجد يا عبير؟...شذى توقعتها أحلى من كذا على حسب كلامك...بس والله إني مرتاح لها وأبيها...
    عبير باستغراب: ليه شذى مهوب حلوة؟؟؟....والله إنها تهبل...
    تركي يماشي خالته: حلوة ما اختلفنا...بس انتي من وصفك لها توقعتها ملاك...
    عبير: تقصد يا تركي إني مبالغه بوصفي لها...
    تركي: بصريح العبارة إيه وبقوة بعد....بس لا تخافين شذى أبيها وعاجبتني وداخله مزاجي بعد....
    عبير: داخله مزاجك ليه هي كورة؟....
    تركي ضحك من كلام خالته ومن تعليقه عليها...
    عبير: تضحك....بس يله ما علينا...أبيك تقول لي وش صار معك لما رحت لهم...
    تركي:أدري ما عزمتيني إلا عشان اقول لك....
    عبير : اخلص علي وقول....
    تركي بابتسامته الفاتنه: تآمرين آمر....يا أحلى خطابه شفتها...
    وقعد تركي يحكي لخالته وش صار معه لما راح لهم وشاف شذى العروس ووصف لها شعوره ناحية شذى واهلها اللي ارتاح لهم.....
    .................................................. ..........................................
    في الصباح يوم الجمعه.....
    وبالتحديد في بيت ابو بندر....
    ام بندر: بشاير شوفي الشغاله حضرت كل شي ترى ابوك وتركي بيوصلون بعد نص ساعه تقريبا...
    بشاير وهي تعدل شعرها : لا تخافين مامي كل شي تمام واوكيه....
    ام بندر: شوفي بشاير مو اول ما يجي ابوك تنطين عنده وتقعدين تسوين مناحه عشان ما رحت معه...لأنه بيجي تعبان...
    بشاير ولا كأنها سمعت كلام امها:يمه شعري كذا حلو؟؟؟....
    ام بندر: انتي سمعت اللي قلته ولا لأ؟؟؟....
    بشاير: ياحياتي يا يمه...هذا ثالث مرة تقولين لي الكلام نفسه درينا وعرفنا وفهمنا...خلاص اللي يشوفك يقول إني بزر...
    ام بندر:أعرفك اول مايجي ابوك تنسين كل اللي قلته...
    بشاير: خلاص خلاص فهمنا والله فهمنا....بس ماقلتي لي شرايك بشعري ؟؟؟...
    ام بندر: تدرين إني ما احب الشعر الأجعد ...حلاة البنت يكون شعرها ناعم وحلو....مو مثلك كل شوي وانتي تلعبين فيه بهالجل...
    بشاير: بالعكس شعري وهو مجعد شكل احلى ويعطني لوك اجنبي...الشعر الناعم ما احبه...
    ام بندر: كيفك....بس هذا رايي...
    بشاير:يمه....عزمتي سارا ومتعب على الغدا تراني ما اتصلت عليهم...بس اتصلت على بندر وفاطمه وقلت لهم يجون على الغدا...
    ام بندر: لا متعب انا كلمته من أمس...ورح يجي هو وزوجته ....
    بشاير: زين طمنتيني...بعد خفت سارا تزعل مني...
    ام بندر: لا سارا اعرفها قلبها ابيض وطيبه ما تشيل بخاطرها....
    وبعد كذا طلعت بشاير لغرفتها وقعدت ام بندر بالصاله تنتظر زوجها وولدها وأخبارهم....
    .................................................. ...............................
    ........:ليه مو عاجبك ؟؟؟.....
    محمد: ما أدري يامريم احسه مغرور ومتكبر...وانا هالفئه ما اطيقها...
    مريم: ولو هذا مو سبب....اخوانك وابوك الكل يمدح فيه....
    محمد: وش اسوي لهم؟؟؟....الولد هذا مهوب عاجبني وماني مرتاح ازوجه ختي...
    مريم: احسن شي لشذى إنكم تزوجونه لها....بيعيشها بنعيم ماحلمت فيه...
    محمد: الغنى والفلوس موسبب يخلينا نزوجه لاختي.....تركي هذا ما عمرنا شفناه إلا لما جا يخطب...
    مريم انقهرت من محمد الكل موافق على تركي حتى شذى اللي ما يعجبها احد موافقه عليه إلا هو وهي ما تصدق متى الفكه من شذى
    ام المشاكل برايها...
    مريم تحاول تقنع محمد:محمد حبيبي...لا توقف في طريق اختك...إذا تبيه خلها على راحتها...موهذا كلامك....
    محمد بضيق:إيه كلامي...بس ابوي طلب رايي بالموضوع...ورح اقوله اللي بخاطري...
    مريم: محمد....قول لأبوك رايي من رايك يا يباه.... والراي المهم للشذى وابوك...
    محمد: وأنا...ولا تكونين ناسيه إني اخوها الكبير...
    مريم:لأ...مانسيت يا عمري....بس انت كذا بتوقف بطريق اختك....ويمكن تقعد حاقده عليك طول حياتها لأنه ما رح تلقى مثله...
    محمد:بس يا مريم هذا ما نعرفه.....ولو نزوجها واحد من اقاربنا أحسن وافضل....
    وقعدت مريم تقنع في محمد إلى ما حست إنه مش رافض بس بنفس الوقت مهوب موافق....
    .................................................. .....................
    كانت الساعه تدق على الواحده ظهرا....
    كانت شذى قاعده بالصاله اللي بالطابق الثاني ببيتهم وتطالع التي في وحاطه على مسلسل مصري تابعه، وهي بنفس الوقت سرحانه
    بعالم ثاني ولا هي حاسه باللي حواليها....
    شذى بخاطرها تفكر بصالح ولد صديقة امها فوزيه اللي كانت بينهم قصة حب ملتهبه بس المشكله كانت إنها من طرف واحد بس اللي
    هو من طرف شذى، كان صالح هذا رفيق وصديق الطفوله بالنسبه لشذى، صدق ما كان حلو بس هو في نظرها انسان مافيه احلى و
    املح منه، صالح أكبر من شذى بسنتين كان ولد مشكلجي وصاحب هواش وفزعات وكانو كل الأولاد اللي بسنه يخافون منه وهو وحيد
    امه وابوه ومع هذا ماكان دلعهم مأثر فيه وكان يعتبر شذى مثل أخته لأن ماعنده اخوات...صالح كان ماخذ عقل شذى من أيام
    الطفوله إلى أيام الصبا...كان في نظرها الحبيب والصديق...بس اللي صدمها لما عرفت إنه ينظر لها كأخت وليس كحبيبه...كانت
    تشوف إنه شريك حياتها المستقبليه وإيش أحلى من حياه تقضيها مع صالح...بس اللي جرحها زياده هو لمن قالت أمه فوزيه صديقة
    ام محمد إنه مايفكر يتزوج بوحده غير ببنت خاله...ولحظتها عرفت إنه حتى ما يفكر فيها وبكت على حظها الي خلها تحبه
    وتعرفه...وحاولت تتنسى حبها الأولاني، وقعدت تفكر بتركي اللي شاغل هو تفكيرها ألحين و حياتها معه إذا بتتزوجه...وكيف
    رح تقدر تعيش بعيد عن أهلها وتصير متزوجه وتترك عالم البنات و أحلامهم وتدخل الحياة الزوجيه.......
    وهي قاعده سرحانه ما تحس إلا بصوت أفلام الكرتون على سبيس تون وتطالع إلا بنات محمد ريم ورنا يطالعون التلفزيون....
    شذى: من غير القناة وحط على سبيس تون؟؟؟......
    ريم:ماما....
    شذى: وبعدين مع امكم...ماتشوفيني قاعد اتابع التلفزيون تجي تغير القناة....
    وتدخل مريم بهاللحظة وسمعت كلام شذى....
    مريم: اولا المسلسل هذا اللي كنت تابعينه انتهى...وشفتك بوادي ثاني والبنات ازعجوني قلت اشغلهم بالتلفزيون ويفكوني...
    شذى:اوكيه خلاص...وين محمد؟؟؟....
    مريم: راح المطار من قبل نص ساعه لأن عنده رحله لدبي....
    شذى:يرجع بالسلامه إن شالله....
    مريم:ليه بغتي منه شي؟....
    شذى تبي تقهرها:سالفه خاصه بيني وبينه....
    وقامت شذى من الصاله ونزلت تقعد مع ابوها بالطابق اللي تحت، وهي ماكان عندها لا سالفه محمد ولا شي بس كانت تبي تقهر
    مريم لأنها فضوليه....
    .................................................. .........................................
    بالرياض ببيت ابو بندر......
    وبعد ماقام الكل من الغدا....
    فاطمه لأبوها: مشالله عليك يباه رحت خفيف انت وتركي ورجعتوا خفاف....
    ابو بندر: إيه يا بنتي كذا أحسن و أفضل في امور مثل كذا.....
    فاطمه: بس ما كأنكم استعجلتو شوي بالروحه...كان سألتوا عن البنت زياده وعن اهلها...
    و خزها تركي بقوة على كلامها...
    فاطمه تكمل: أنا قلت شي غلط يا تركي؟؟؟....
    تركي:إيه لأن خلاص خطبنا وقضينا....فكلامك هذا ماله داعي...
    عصبت فاطمه من كلامه: تركي...انا ماقلت كذا إلا عشان مصلحتك......
    تركي:اقول كلامك مامنه فايده....فعشان كذا ياليت تسكرين هالسيرة....
    فاطمه بعصبيه: تراني اختك....ومصلحتك تهمني...وأنا ماقلت كذا إلا عشان بعدين ماتتحسف او تقول إنك استعجلت...
    تركي:آسف يافاطمه ولا تزعلين...وإعرفي إنك عزيزة وغاليه بس هالكلام من جد مامنه فايده....
    يتدخل متعب:بس أما يا تركي شذيت عن القاعده وأخذت وحده من برا العايله.....
    فارس:وانت صادق...الصراحه ياعم تركي...أنا معك في إن إحنا نضخ دماء جديدة في العائله ونغير شوي وناخذ من برا...
    وقعد الكل يضحك من كلام فارس ولد بندر....
    تركي بابتسامه: سمعت يا فاطمه هذا الكلام ولا بلاش.....
    متعب بمزح: مافيه ...فارس ياخذ بنت عمه نجود اللي هي بنتي....
    ابو فارس بندر: عزالله كدينا خير إذا بزوج بنتك ولدي...بنتك هذيك ولد اعوذ بالله مو بنت قشرا ومفترسه...
    متعب وهو يمدح بنته:أقول لا يغركم مظهرها من برا تراها كلها نعومه ورقه...
    ابو بندر: ما علينا ألحين من انجود المهم....ترى إذا تركي بياخذ بنت ابو محمد بتصير الخطوبه بعيد الأضحى والزواج بالصيف..
    ابو فارس: مشالله يباه اتفقتوا بعد على كل شي....كان جبتوا البنت معكم مرة وحده...
    تركي:بندر اقول اترك عنك الطنازة انت ووجهك....ابوي نفسه بكذا.... الخطبه بعد شهرين بعيد الأضحى والزواج بالصيف...
    متعب:أنا اقول بعد كذا أحسن...إذا ردوا بجواب اهل العروس اتفقوا معهم على كذا...
    تركي وهو يناظر اخته فاطمه اللي حس إن الكلام مو عاجبها: وش رايك يا فاطمه براي ابوي؟؟؟....
    فاطمه من غير نفس:وش لي كلام وراي من بعد كلام ابوي...اللي يبيه ابو بندر يصير.....
    ابو بندر:بارك الله فيك يافاطمه وانا دايم اقول ماحد في الحريم مثل فاطمه......
    تركي بابتسامه خبيثه:اقول فاطمه....وين ناصر عن الكلام هذا والمدح عشان يسمعه....
    فاطمه بثقه: تطمن ناصر يعرف مكانتي زين.....
    .................................................. ...............................................
    سارا:هاه بشاير وش قال تركي عن العروس لمن شافها؟؟؟.....
    بشاير: تركي هذا لعين يوم سألته عن شكلها وأوصافها ما جاوب علي طنشني وقال لي باختصار إنها حلوة وعاجبته....
    سارا:اسمع خالتي ام بندر تقول إن عبير هي اللي دلتكم عليها وإنها مستخفه على البنت وهي اللي قعدت ورى تركي لين خطبها...
    بشاير:إيه صادقه امي...بس تركي بعد يوم راح دورته العسكريه اللي بالشرقيه شاف اخوها وتعرف عليه عن طريق زميل له....
    سارا بتعجب: سبحان الله...صدفه خير من ألف ميعاد...
    بشاير: فاطمه اختي مهوب راضيه....وكانت تبي لتركي سلمى بنت عمي اخت عايشه مرة بندر اخوي....
    سارا: لا وش يبي بسلمى...سلمى ألحين بالأردن مع اخوها تكمل دراستها بالكيميا وتبي تصير ياحظي دكتوره فيها...
    بشاير: بيني وبينك أحسن خل تذلف سلمى ما أطيقها ولا أحبها....مغرورة بعمرها ودراستها خليهم ينفعونها....
    سارا:لا تقولين كذا هذي بنت عمك.....
    بشاير: روحي زين...أصلا هي ترد المعاريس من زمان عشان حجة هالدراسه والقرف حقها....
    سارا: بس بيرجعون بعد سنه وهي مشالله عليها بتصير الدكتورة سلمى...يعني هي مهوب هينه...
    بشاير: ما علينا من هالسلمى....تدرين عن مرة تركي اسمها شذى؟؟؟....
    سارا:إيه اعرف تو خالتي ام بندر قالت لي....اسمها ناعم ودلوع....
    بشاير قعدت تضحك من سارا....
    سارا: ممكن اعرف وش اللي قلته يضحك....
    بشاير بضحكه: وش دلوع؟؟؟....اول مره بحياتي اشوف اسم دلوع....
    سارا بابتسامه: وانتي انشالله تقعدين تعلقين على كل كلمه اقول لها....انا اقصد إنه اسم دلع...
    وهنا دخلت عليهم عايشه مرة بندر وسكتوا....
    عايشه لبشاير: مبروك يا بشاير على خطبة تركي....
    بشاير:الله يبارك فيك...وعقبال ولدك فارس...
    عايشه:آمين....
    وقعدوا يسولفون سارا وبشاير وعايشه بمواضيع ثانيه ....عشان عايشه أخت سلمى معروف إنها كانت تتمنى إن اختها تتزوج تركي
    بس الأمور سارت عكس هواها وهذا الشي قهرها....
    .................................................. .....................................

    • shosho21
    shosho21
    29-01-2022 - 07:37 pm

    تابع الجزء الثاني....
    وهو بسيارته راجع البيت فكر بشذى..(والله مسكينه لها أسبوع وهي تبيني أخذها للسوق)..فكر باقي على بال مايوصل للبيت ربع ساعه
    ويمكن أكثر من هالزحمه اللي بالشوارع خاصه إن الوقت عشا...
    أخذ الجوال اللي كان حاطه بجنبه ويبي يدق عليها طالع الساعه بالجوال ماكان باقي على صلاة العشا شي وأخذ يتأكد من ساعة يده
    إلا يسمع الآذان بكل مكان بدت المساجد تأذن ويطالع المحلات بعد هي بدت تسكر وتغلق أبوابها إلى بعد الصلاه(الأسواق بالسعوديه تسكر بوقت الصلاة)...
    فكر وقال((بعد الصلاة أمر عليها،وخلني أدق عليها من ألحين تتجهز مو تتركني ساعه أنتظرها))...
    دق على تليفون البيت...
    ريم بنت محمد بصوت طفولي:ألو...
    سعود:ألو هلا ريم...
    ريم بتعجب:مين على التليفون...
    سعود بضيق:أنا عم سعود...
    ريم بفرحة الأطفال:عم ثعود...أنا أحبك...
    سعود بضيق أكثر:ثعود بعد غيرتي اسمي.....وأنا بعد أحبك...وين شذى؟؟
    ريم:من زمان ماثفتك...انا أحبك مره...
    سعود وهو مهوب طايق لفلسفة الأطفال:ريم حبيبتي نادي لي شذى بسرعه عشان أعطيك حلاوة كبر راسك...
    ريم مستغربه:فيه حلاوة كبر راسي؟؟؟...
    طووط...طووط...طووط....
    قفل الخط سعود التليفون ودق على جوال شذى...
    سعود يكلم نفسه:وش هالذكاء كان دقيت من البدايه على جوالها بدل زحمة البزارين هذي ...
    شذى:إنت هيه تكلم نفسك؟؟؟...
    سعود متفاجأ:إنتي من متى على الخط؟؟؟...
    شذى:من أول ما دقيت...
    سعود:بسم الله منك امداك تردين يوم سمعتيه يدق...
    شذى:لأنه كان معي اقرا مسج توه جاي وإنت طلعت لي والعياذ بالله...
    سعود:هذا جزاي تقولين كذا وأنا الحين داق عليك عشان تتجهزين بعد الصلاة آخذك للسوق...
    شذى بفرح:والله؟؟ ياحياتي ياسعود آسفه وهذي كلمتي وسحبتها...
    سعود :شوفي هذا أنا سامحتك،بعد الصلاة مباشرة ألاقيك مخلصه من ألحين استعدي وجهزي حالك...
    شذى بابتسامه:طياره...
    سعود:تشاو...
    شذى:بايو...
    بعد ما صكرت من سعود...((واو وأخيرا ما بغى ياخذني السوق...بس غريبه هو يدق بنفسه ويعرض السوق علي من دون طلب او واسطة امي))
    وبعدها قالت بخاطرها...((وأنا وش دخلني من نفسه او غيره خلني اروح ألبس واستعد...بس لا يهون))....
    وبعدها راحت تلبس وتستعد وخلصت بسرعه...وبعد كذ صلت العشا، ونزلت بالصاله تنتظر اخوها وهي لابسه عبايتها ومتجهزة بس تنتظر
    يدق عليها جوال وتطلع له....
    *******
    ريم:ماما...عم ثعود يقول بيجيب لي حلاوة كبر راسي...
    كانت مريم ومعها الخدامه توكل بناتها الصغار بالصاله اللي فوق عشان تنومهم مبكر لأن ريم تروح الصباح الروضه ورنا النوم
    المبكر أفضل لصحتها ولنموها وطبعا عشان تفتك منهم باقي الليل وتقعد على راحتها...
    مريم باستغراب:مين قالك كذا؟؟؟
    ريم والشغاله تأكلها:عم ثعود...
    مريم:متى قالك الكلام؟؟؟...
    ريم ببرائة الأطفال:هو قال لي لما دق تليفون...
    مريم تحقيقها يزيد:زين ماما وش كان يبي؟؟؟...
    ريم:كان يقول يبي عمه ثذى...
    مريم مستغربه:وش كان يبي فيها؟؟؟...
    هزت ريم كتفها بالنفي ولفت تطالع التلفزيون...أما مريم فكانت تموت وتعرف وش كان يبي بها....
    *******
    بالرياض...
    متعب:أقول سارا وين انجود يا قلبي من الصبح ماشفتها؟؟؟...
    سارا:من الظهر مرت علي بشاير أختك وهي راجعه من المدرسه وأخذتها مع السواق لأن خالتي ام بندر تبيها...
    متعب:عاد ألحين امي بتدق علي وتقول تعالوا خذوا بنتكم أزعجتنا وبهذلتنا...
    ضحكت سارا من كلام متعب وقالت: إي والله تصدق غريبه من الظهر وللحين وهي عندهم ومادقوا وقالوا خذوها او هم جابوها...
    متعب: يمكن خلاص تعودوا عليها وعلى حركات الاولاد حقتها...(ويفتح سالفه ثانيه)تدرين إن أهل خطيبة تركي وافقوا؟؟...
    سارا بفرح:لا والله ما أدري...بس مبروك يستاهل تركي كل خير...
    متعب:أبوي وتركي بيروحون الاسبوع الجاي عشان يتفقون معهم على كل شي وأبوي قال لي تعال معنا...
    سارا: وبتروح؟؟؟....
    متعب بتأكيد:أكيد بروح، ومرة وحده أشوف أهل زوجة تركي ونشم هوى هناك على البحر مو هنا غلقه لا بحر ولا نهر...
    سارا بغرور: ياللا مناك، تتطنز أنت ووجهك على الرياض...والله إنها أحسن مدينه بالعالم كله...
    متعب:اللي يشوفك ألحين أبد يقول هذا ماهو ساكن بالرياض من يوم جابته أمه...أدري إن الرياض احلى مكان بالعالم كله،بس الواحد وده يغير جو
    سارا:زين وخالتي ام بندر بتروح معكم هي وبشاير؟؟؟...
    متعب: ما أدري...بس ليه تسألين؟؟؟....
    سارا بتردد:عشان إذا راحوا...
    متعب:إيه و بعدين...
    سارا: أروح أنا بعد معهم...
    متعب بتسلط:إنتي هيه مافيه روحه لك...حتى لو يروحون إنتي مارح تروحين...
    سارا بزعل:والله إذا راحوا خالتي وبشاير بروح معهم...
    متعب:انثبري هنا بالبيت أحسن لك هذا زين إذا رحتي الخطوبة او الزواج...
    سارا بقهر:إن شالله تبي تحرمني إني أروح الخطوبه او الزواج؟؟؟؟...
    متعب:وش تسوين عند ناس ماتعرفينهم ولا عمرك لقيتيهم؟؟؟...
    سارا بدفاع: عادي أتعرف عليهم...
    متعب وهو قايم بيطلع:أقول صدق إنك ماتنعطين وجه...
    سارا:وين رايح؟؟؟....
    متعب:في أرض الله الواسعه....
    وطلع متعب من بيته وراح يقضي مشاويره...
    *******
    بشاير كانت جالسه مع أمها وأبوها بالصاله وبنت متعب انجود تلعب عندهم وتنطط على الكنب والطاولات ومعها كورة تلعب فيها...
    ابو بندر وهو متضايق من هالإزعاج:أوف وبعدين مع هالإزعاج محد يقدر يرتاح....
    بشاير وهي تخفي ابتسامتها من أبوها: وش يباه عادي انجود دايم لعبها كذا...
    ام بندر:الصراحه بغيت أردها لأهلها...بس بشاير رفضت وخلتها هنا تقول مونستها...
    بو بندر:وش اسوي فيها هالبنت ماخلتنا نشوف التلفزيون زين ولا ريحتنا في جلسه...
    وما كمل ابو بندر كلامه إلا رمت انجود الكورة اللي معها وضربت براس جدها ابو بندر...
    فهاللحظه ما قدرت أم بندر وبشاير يكتومن ظحكتهم عليه...ولمن شافتهم انجود يضحكون قعدت تضحك معاهم...
    ابو بندر وهو معصب:إيش قلة الأدب هاذي؟؟؟....هالبنت ماتقعد هنا دقيقه وحده(ولف على بشاير)أقول بشاير دقي على أبوها ياخذها...
    بشاير وهي باقي تضحك خاصه إن الكورة لمن ضربت بأبوها خربت شكل الشماغ وحاسته:ليه يباه حرام خلها تتعشى معنا...
    ابو بندر:لأ مافيه دقي عليه ياخذها نعنبوها ولد ذي مو بنت،ومع هالشعر اللي قاصته والبنطلون تقول ولد من الشارع....
    بشاير وهي تدافع:بس هي باقي طفله عمرها 5سنين وماتعرف...
    ابو بندر بعصبيه:اقول دقي عليه بسرعه...
    بشاير:انشالله....
    ودقت على متعب وقالت له يمر وياخذ بنته...وطبعا هو ظحك من عرف اللي سوته بنته فيهم وقال بيمر بعد الصلاة ياخذها...
    بشاير بعد ماسكرت:يقول بعد الصلاة بياخذها...
    ابو بندر:خليني اروح المسجد من ألحين...
    ام بندر:بس باقي ما أذن....
    ابو بندر:باقعد فيه إلى ما يأذن أحسن وأبرك...
    ام بندر:براحتك...
    وبعد ما طلع ابو بندر...
    بشاير:الصراحه يمه...هذي انجود تحفه هي الوحيده اللي تهبل فيك إنتي وأبوي ماحد يطلع من شوركم غيرها من عيالكم إلى أحفادكم...
    ام بندر:وأنتي مبسوطه منها،بس هذي انجود على شطانتها بس إني أموت فيها...
    طبعا كانت انجود تطالع التلفزيون بعد ماتعبت من النطنطه واللعب...
    بشاير وهي تأشر عليها:تعبت بنت الحلال من اللعب...بس ماعلينا منها مشكورة يمه إنك خليتيني أروح لرفيقاتي والله إنبسطت عندهم...
    ام بندر:عشان تعرفين إن أمك طيبه...
    بشاير :إي والله الحمدلله إنك أنتي أمي صدق أحيان احس إنك شديدة بس لمن اشوف اختي فاطمه مع عيالها اقول الحمدلله إنها مهوب امي...
    ام بندر بدفاع عن فاطمه:ليه وش فيها فاطمه؟؟؟...
    بشاير:أبد ما فيها شي...غير إنها شديده ومتسلطه وعصبيه و ما تثق بعيالها....بس هذا هوطال عمرك...
    ام بندر:هذا جزاتها إنها تخاف عليهم وهذا من كثر ماتحبهم...أما العصبيه فهذا طبع فيكم كلكم...
    بشاير:لأ من قال لك...بس فاطمه وتركي هم العصبيين وطالعين على أبوي أما أنا وبندر ومتعب مشالله علينا ريلاكس.... بس تقولين كذا عشانها...
    ام بندر:مين عشانها؟؟؟....
    بشاير بنص عين:من يعني فاطمه...حبيبة القلب بس أنا مستغربه من شي واحد أذكر آخر العنقود هو حبيب اهله مو أكبرهم...
    ام بندر:وانتي تغارين من أختك يا الهبله...وبعدين أنا أحبكم كلكم نفس الشي بس هي لأنها ساكنه بعيد عني وإنتي معي بالبيت...
    بشاير:الله اللي يسمعك يقول هذي أبد ساكنه بتبوك...كلنا بالرياض وبعدين خمس دقايق بالسيارة وأنتي عندها...
    وبعدها بشاير تذكرت شي...وقبل لا تتكلم أمها...
    بشاير بابتسامه:أقول يماه...
    ام بندر وزهقت من بنتها:نعم وش تبين أنا ما أقعد معك إلا وتدوخيني...
    بشاير:جهزي حالك حق الصدمه اللي باقولك إياها ألحين وإلبسي دروع وخوذه...
    ام بندر:وش عندك وأي صدمه؟؟؟...
    بشايربابتسامه:جهزتي حالك حق الصدمه؟؟؟...
    ام بندر بضيق:إيه....
    بشاير باستهبال:وين باقي ما ربطت الحزام....
    ام بندر ضحكت من بنتها وقالت:اخلصي علي...
    بشاير تذكرها:تعرفين يمه الفازا الكبيرة اللي شراها أبوي لمن سافر تركيا؟؟؟.....
    ام بندر:إيه الكبيرة اللي بجنب مجلس الحريم...
    بشاير:عليك نور...هذي هي...
    ام بندر:وش فيها؟؟؟....
    بشاير:انجود الحبيبه كسرتها اليوم بهالكورة اللي معها....
    ام بندر مصدومه:من جد تتكلمين؟؟؟...((وناظرت انجود إلا تشوفها رايحه بسابع نومه)) حسبي الله على ابليسك يا انجيد...
    بشاير وهي بتسم لأمها:تاكلين غيرها عادي تصير بأحسن العوايل....
    ******
    وبالسيارة وهم راجعين...
    شذى بفرح:مشكور يا سعود الصراحه كنت متبهذله اليوم وش رح ألبس بكره بالكليه...
    سعود :عاد انتي الحين شريتي أغراض الترم كله...
    شذى:لأ....هذا بس يكفيني شهر تقريبا...
    سعود:مشالله عليك هذا بس شهر،اليوم شليتي اللي بالسوق كله وبغيتي تاخذين العمال معك بالغلط...
    قعدت شذى تضحك من كلام أخوها وقالت:لا تستخف دمك أنت ووجهك...ولا أنت اليوم الحمدلله والشكر عيونك بغت تطلع وانت تقز بالبنات
    سعود متفاجأ:أنا يا النصابه؟؟؟...
    شذى وهي تمزح:إيه أنت ولا تسوي لي فيها ثقيل، ياخي اليوم كسرت خاطري بغيت اقول لك روح معهم....
    سعود عرف إن اخته تبي تهبل فيه:أقول إلعبي غيرها...مهوب انا اللي امشي ورا الحريم والبنات بشكل خاص...
    شذى بطنازة:لا....
    سعود بثقه:البنات هم اللي يمشون وراي مهوب أنا اللي أمشي وراهم....
    شذى:واو مشكلتك الثقه الزايده .......تراها بالتدمرك يا الحبيب....
    سعود وهو يوقف بالإشارة: هذا الكلام قوليه لنفسك مهوب أنا يا شيخه...
    شذى بهبال:اسمي شذى مو شيخه...
    سعود بطنازة: كركركر تصدقين ضحكتيني موت...
    شذى:اقول بسم الله عليك من الموت يا كازانوفا البنات....
    سعود ضحك من كلام أخته وبعدها قال:تدرين الله يعين تركي عليك من جد دمك ثقيل الصراحه..... ما توقعت إنك رح تتزوجين...
    شذى وهي متعجبه:ليه يا عيوني تتوقع إني بأعنس... الناس من يوم أنا بالثانوي وهم يخطبون عندنا يبوني بس انا اللي أردهم....
    سعود يبي يهبل فيها :مهابيل اللي بيونك...وغير كذا إنك قبيحه...
    شذى وتأشر على عمرها:أنا قبيحه؟؟؟....اقول روح إلبس نظارة ازين لك....
    سعود وهو يمشي من الاشارة:وغير إنك قبيحه مو بس رح تخلين قبحك لك لا رح تورثينه عيالك من بعدك وتجيبين لهم عقد نفسيه من أشكالهم
    شذى:انا هاه؟؟؟...
    سعود يزيدها:وبكذا رح تخربين على تركي نسله مسكين والله.... وبهالشي رح ينتشر القبح في الأمه السعوديه والعربيه...
    شذى:أنا انشر القبح انت ووجهك....
    سعود :إيه لأن عيالك رح يتزوجون بعد وبكذا القبح بينتشر وبتطلع في البشريه فصيله جديدة...
    شذى كانت تدري إن سعود يمزح بس قهرها من جد...
    شذىبعصبيه:أقول يا زينك وأنت ساكت....
    سعود باستغراب: شذى زعلتي؟؟؟؟.......
    شذى :إيه...
    سعود بابتسامه:أحسن....
    شذى انقهرت منه وزعلت من جد:اقول سعود رجعني البيت بسرعه...
    سعود:من جد زعلتي يا شذى؟؟؟...
    شذى بجديه:مالك دخل...
    سعود بجديه:زعلتي؟؟؟؟...
    شذى وهي موصله:مالك خص...
    سعود وهي يبتسم لها:لا ما نقدر على زعل العروس....
    شذى:لا تسوي لي فيها إنك تراضيني....
    سعود:زين وش رايك نتعشى برا....
    شذى:ما أبي أتعشى....
    سعود يراضيها:والله اختاري المطعم اللي تبينه وأعشيك فيه...
    شذى بفرح:والله؟؟...
    سعود:والله؟؟؟...
    شذى:أبي مطعم تشليز اللي بالواجهه البحريه...
    سعود وهو يغير مسار السيارة:اوكيه آنسه شذى...
    سعود من النوع المرح وهو يعز أخته شذى موت لأنها آخر العنقود وأخته الوحيده صدق هو يهبل فيها بس بالأخير يحبها ويعزها
    وهو يحز بخاطره إنها تتزوج وتروح تبعد عنهم وتسكن بالرياض وهي الوحيدة اللي فاهمته وهو يعتبرها في بعض الأحيان صديقه مو أخته
    يشكي لها ويفضفض لها وشذى معاه كذا وهو عندها غير أخوانها والسبب يمكن يكون في إنه هو أقرب واحد لها في العمر....
    *******
    وبعد هالكلام بأسبوع راح تركي وأبو بندر ومتعب معهم للشرقيه عشان يتفقون على كل شي بس طبعا من دون أم بندر وبشاير وسارا ههه كالعادة
    لأن السالفه بنظر ابو بندر ما تحتاج إن الحريم يروحون معهم أما بندر فقعد بالرياض وما راح معهم لأنه ملتهي بالشغل كان تركي سعيد ومرتاح مرة
    لأنه حس إن الله يسير زواجه وجاي مريح بس العيب الوحيد فيه هو السفر للشرقيه ومشوار400كيلو ههه بس كله يهون عشان شذى...
    المهم بعد إتفاق أهل تركي مع أهل شذى على كل شي ...اتفقوا إن الخطوبه تصير بعيد الأضحى يعني تقريبا بعد شهر ونص لأن ابو بندر رغب بهالشي
    أبومحمد ما اعترض بالعكس رحب ....
    *******
    وبعد رجعة تركي للرياض مع ابوه وأخوه بكم يوم تذكر عمته حصه...هذي الشخصيه اللي ماتكلمنا عنها وكانت في الظل ألحين رح تظهر لنا وبصورة
    قويه بعد...حصه هذي اخت ابوبندر تزوجت وماجابت عيال عقيم وكانت تعتبر تركي ولدها وتركي يبادلها المحبه بمثل محبته لأمه إلا إن عمته حصه
    تزيد عن أمه في إنها فاهمته وهي بطبعها متفهمه وتحيطها بحبها ورعايتها...تركي من النوع اللي مايحب يشكي لأحد همومه ومشاكله لكن هذي القاعده
    تشذ عند عمته حصه بس...هي الوحيده اللي لها مفعول السحر معه تسحب منه الكلام بطريقه عجيبه مايخش عنها شي وكان يرتاح لها...كان يلقي
    همومه عند عتبة بيتها..و حصه قلبها طيب وأبيض مثل الثلج و حكيمه...والصفات هذي كلها كان لها تأثير عجيب على علاقتها بتركي....
    هي من النوع الهادي لا تحب الحش ولا الذم...وكانت أمينه ومحافظه على علاقتها بتركي ولدها ....كانت كذا تحب تسميه...كان تركي يقولها عن أدق
    تفاصيل حياته حتى الخصوصيه منها وهي من النوع الأمين اللي تحفظ سره....وكانت لها خاصية الإستماع اللي تخلي الواحد غصب عنه يقولها
    ويفضفض باللي في نفسه....الكل كان يعرف إنها تحب عيال أخوانها كثير بس كان تركي عندها غير....
    *******
    شذى بتوتر:ليه يا يمه خليتوا الخطوبه مبكره كذا؟؟؟
    ام محمد:هذا أبوك مو أنا...وبعدين لا تقعدين كذا تزنين فوق راسي خلاص قضينا من هالسالفه...تكلمنا فيها كثير...
    شذى:بس أنا ما استعديت ولا شي...
    ام محمد:على الأقل احمدي ربك إن أبوك ما خلى الزواج بعيد الأضحى...
    شذى متفاجأه:إيش دعوة يمه؟؟؟ مو لهالدرجه أنا كذا ثقيله عليكم...وبعدين أبوي أنا بنته الوحيد ما يصير يسوي فيني كذا...
    ام محمد مستغربه:ليه وش سوى فيك ابوك هاه؟؟؟....
    شذى:إنه ما استشارني ولا سألني حتى ما كأني أنا صاحبة الشان...
    ام محمد: تدرين لو أنا مكان أبوك إيش سويت؟؟؟...
    شذى:ويش تسوين؟؟؟....
    ام محمد:في زيارتهم الأخيره أهل خطيبك كان زوجتك مرة وحده وافتكيت منك....
    شذى:أفا يمه ماتوقعتك كذا تبين الفكه مني....
    ام محمد:اقول يله اذلفي عن وجهي وفكيني....
    وقامت شذى من عند أمها اللي ما استفادت ولا شي من قعدتها معها وراحت لغرفتها...وقعدت تفكر بحالها....
    كان ابو شذى ابومحمد إنسان رابطته بالعادات والتقاليد قويه مرة...إنسان شديد وحازم مع نفسه ومع مرته وبالذات مع عياله وبالأخص شذى...
    كانت كلمة بو محمد ماتطيح لو شيصير وكلامه لازم يتنفذ ومافي جدال معه في موضوع انتهى عنه...كانت علاقته مع شذى رسميه وماكانت تطلب منه شي
    أو تبي من عنده شي إلا عن طريق أمها مع حبه الشديد لها بس ماكان يبين هالشي...طيب ويحب الخير وعلى كذا عنده إن المرة ماتطلع عن شور زوجها
    ولو يسبب هذا في إنها تنقطع عن أهلها....وهو يبي إن شذى تتزوج عشان تصير لها حياتها المستقله...لأنه مارح يقعد لها طول العمر...واخوانها مصيرهم
    يلتهون مع ازواجهم وعيالهم....
    *******

    • shosho21
    shosho21
    29-01-2022 - 08:38 pm

    كانت قاعده في المطبخ تقطع الخضارمع الشغاله،وما كان أحد ساكن معها بالبيت غير هي والشغاله وزوجها اللي يبات ليله عندها وليله عند مرته الثانيه
    وهي قاعده تقطع إلا تسمع صوت الجرس يدق استغربت من اللي بيجيها هالحزة من دون تليفون خاصه إن هذي الليله ليلة زوجته الثانيه...
    طالعت ساعتها كانت 11وثلث بالليل..توكلت على الله وردت على الجرس...
    مين على الباب؟؟؟...
    تركي:أنا تركي يا يمه افتحي الباب....
    حصه بفرح:هلا والله بقلبي ادخل حياك....
    وفتحت له الباب من داخل من عندها لأنه اوتوماتيكي...وراحت تفتح أنوار المجلس وتشغل المكيف وهي طالعه من المجلس تبي تستقبله إلا تشوفه بوجهها
    حصه بفرح:هلا فيك وينك...
    تركي:والله من زمان عنك يا يمه...
    وراح لها وسلم عليها وباسها في جبهتها و راح قعد هو وعمته...
    تركي:والله لك وحشه يا يمه من زمان عنك...
    حصه:إي هذا من كثر ماتزوني أوتسلم علي....
    تركي:والله مشغول...وتعرفين ألحين عندي تدريبات وزحمة...
    حصه:ما علينا...بس شخبار الخطوبه...وأخبار خطيبتك؟؟؟...
    تركي:الخطوبه تمام....والخطيبه على قولتك من شفتها بخير....
    حصه:إلا على الطاري يمه...ما قلت لي ولا بشرتني...لو أمك ماتقول لي ما كان دريت....
    تركي:هذا أنا جيتك وأبقولك...بس هاه عندي شرط...
    حصه:وشو شرطك؟؟؟...
    تركي:بالخطوبه...أول وحده تمشي معي إنتي يمه أبيك تروحين وتشوفينها...أبي رايك ...
    حصه:لو علي أنا كان رحت معك...بس ابو فيصل وش اسوي إذا رفض...
    تركي:مو على كيفه بهالسالفه...لازم تروحين معي وباحاول معه...
    حصه:يلحقنا خير لهذاك اليوم...على البركه حددتوا الخطوبه..
    تركي:إيه وبعيد الأضحى...
    حصه:إنشالله أروح خاطري أشوف من اللي الله موفقها وكاتب لها إنها تاخذك...بس ماقلت لي وش رايك فيها يا تركي؟؟؟...
    تركي بابتسامه جذابه:مملوحه...عاجبتني...وخالتي عبير بتنهبل عليها...(ويطالع بعمته)هي اللي اختارتها لي...
    حصه:الصراحه خالتك عبير طيبه وحكيمه...أكيد بتختار لك زين...
    تركي:يا هنيالك..
    حصه:مين هذي؟؟...
    تركي:عبير...بعد مين مادامك مدحتيها....
    حصه:عبير خالتك...عيب تقول اسمها حاف كذا...
    تركي:عادي أنا اناديها حاف هي كبر متعب يعني بسني وبعدين هي عادي عندها ماعندها مشكله من الناحيه...
    حصه:ياخوفي بعد تقول من وراي اسمي حاف كذا حصه....
    تركي:وانا اقدر؟؟؟.....إنتي بالذات اقول امي حصه...
    حصه:يا بعد قلبي والله...
    تركي:أنا جيت اقول لك يا يمه عن خطوبتي وأبي اسمع رايك فيها وأبي اسمع أخبارك وش مسويه...
    حصه:عن نفسي أنا الحمدلله بخير وماعلي خلاف..بس إنت قول اللي بخاطرك هذا انا اسمعك يا تركي...
    وقعد تركي يحكي لها...صار يقول كل اللي بخاطره لعمته...ياناس هالإنسانه مامثلها أمووت أنا عليها...وما ألقى الراحه إلا هنا عندها وبين يديها...
    قعد يقول لها وش خاطره فيه واللي خايف منه واللي يبيه من خطيبته....
    *******
    كان تعبان ويبي ينام وتوه راجع من سهره مع ربعه ولمن دخل البيت كان هادي ويدل إن سارا وبنته انجود نايمين فصعد لغرفته ولما دخل لقى سارا
    قاعده تقرا قرآن ولمن انتبهت على دخلته صكرت القرآن....
    متعب وهو يفصخ شماغه:وش فيك صكرتيه...كملي قرآئتك...
    سارا:قريت وقلت أوقف قرآئتي هنا....إلا وين كنت بسلامتك؟؟؟....
    متعب:وين كنت يعني...كنت معزوم....
    سارا:وليه ماقلت لي؟؟؟....مشالله عليك خليتني أطبخ وأنتظرك على العشا...
    متعب وهو رايح يغير ملابسه:أولا منت بأمي علشان أستأذن منك...ثانيا لا تكذبين متى عمرك طبختي العشا الشغاله هي اللي تسويه....
    سارا:زين وليه خليتني أنتظرك على العشا؟؟؟....
    متعب وقف قدامها:يعني تبين تقولين لي إنك ما أكلتي شي؟؟؟...
    سارا:إيه ما أكلت...
    متعب:زين حبيبتي تدلين المطبخ تحت؟؟...
    سارا:قصدك أنزل وأكل لي شي؟؟؟...
    متعب وهو رايح:حلو إنك فهمتيني...
    انقهرت منه سارا وقالت له تبي تقهره مثل ماقهرها:ارتاح ياعمري...أنا قد كليت وشبعت...
    متعب:بالعافيه....
    ودخل الحمام ياخذ له شاور ويغير ملابسه...
    انقهرت سارا من ردة فعله فخاطرها يقهر والله يقهر ويرفع الضغط....وانتظرته إلى ما طلع من الحمام وهي ناويه عليه...
    لمن طلع متعب من الحمام وشافها قدامه:خير إنشالله إيش فيك مانمتي؟؟؟...
    سارا بطنازة:لا والله؟؟؟...أنا أبي أتكلم معاك في سالفة السهر هذي اللي كنت أول ماتعرفها ولا تدل طريقها؟؟؟...
    انقهر من أسلوبها معاه فرد عليها بعصبيه:مالك شغل يا سوير...وإذا على السهر ماتغير شي إذا ماعندي شغل اليوم الثاني سهرت مع اخوياي...
    انبسطت سارا لمن شافته معصب ومابينت له هالشي فردت عليه:إيه ما اختلفنا إنك تسهر من اول...بس من متى تسهر من دون ماتقول لي؟؟؟....
    هنا متعب خلاص انقهر منها اللي يسمعها يقول من جدها تتكلم هذي ومااسهر إلا بشورها...
    فرد عليها بعصبيه:إنتي هيه؟؟؟...من هذا اللي يسهر بعد موافقتك الملكيه؟؟؟...
    سارا معصبه بعد:إنت مب عزابي مثل اخوك تركي...إنت متزوج وبنتك السنه الجايه خلاص بتدرس...
    متعب وصلت معاه:طالع من اللي تتكلم بس...سارا والله لو اشوفك تتكلمين هالكلام مرة ثانيه تدرين وش أسوي فيك؟؟؟...
    سارا وهي خايفه بس مو واضح عليها:وش بتسوي يعني بتطقني؟؟؟....
    متعب مقهور من أسلوب سارا اللي تكلمه فيه بصيغة الأمر:مو أطقك وبس...شفتي العقال لأقطعه على ظهرك فهمتي....
    هنا سارا زعلت وقعدت تبكي وتصيح:الله أكبر يا متعب وصلت فيك إنك تطقني....وش عليك عشان أمي وأبوي ميتين قمت تستقوي علي...
    وقعدت تبكي وتبكي...متعب حز بخاطره يشوفها تبكي هو صح المفروض مايقول لها كذا...من متى هو أصلا هددها بالطق...بس هي اليوم قهرته من متى
    وسارا تكلمه كذا وكأنه أصغر عيالها...بس عورته بقلبه لمن قالت إنها يستقوي عليها لأنها يتيمه...فراح يراضيها مع إنه تعبان ورجع وهو مو طايق
    هواش ومشاكل...
    كانت تبكي وهي قاعده على الكنب فراح وجلس جنبها وقال لها بهدوء:سارا وش فيك زعلتي؟؟؟...
    سارا:ما انت شايف نفسك تهددني إنك تطقني...
    متعب:وأنتي الله يهداك ما انتي شايفه نفسك بعد...من متى وأنتي تكلميني كذا؟؟؟...
    سارا وهي تمسح دموعها:وأنا إيش قلت؟؟...ماقلت إلا ليه تأخرت..وانت على طول عصبت؟؟؟...
    متعب:اللي يشوفك وأنتي تتكلمين معي يقول أصغر عيالك...تدرين أنا أتقبل أي شي منك إلا انك تستفزيني...
    سارا مستغربه:أنا استفزك؟؟؟....(حست إنه عرف إنها كانت تبي تستفزه بس مسويه بريئة)...
    متعب بنص عين:إي تستفزيني...أدري ليه؟؟؟...
    سارا:ليه؟؟؟....
    متعب:لأنك تبيني أقعد معك وأنا هالأيام مشغول ومب فاضي خاصه من رجعت من الشرقيه مع ابوي وتركي....
    سارا تحاول تلقى حجه لأنه صادها:مين قال...
    يقاطعها متعب:كلامي صح أو لأ؟؟؟....
    سارا باستسلام:يعني....
    متعب ابتسم لها وقال:ياحياتي والله ياسارا...وبعدين لا عاد تقولين عن إن امك وابوك إنهم ميتين...وبعدين أنا امك وأبوك وزوجك واخوك وكل شي...
    ولا أنتي شاكه في كلامي...
    سارا وهي خلاص متقطعه من الحيا من كلام متعب وماقدرت تعلق إلا بابتسامه رسمتها على ووجهها....
    وبعدها قال متعب:ألحين راضيه ولا زعلانه؟؟؟....
    سارا:راضيه...
    طبع متعب على خد سارا بوسه وقال لها:تصبحين على خير....
    سارا بابتسامه:وأنت من أهله...
    وراح متعب ودخل فراشه هو وسارا وناموا بعد مابغت تشتعل مشكله بس متعب لحق عليها وطفاها وهدت الانفس من بعدها ورضت....
    *******
    بالصباح...
    كانت بالكليه مع صديقتها ريم يتمشون على بال ما تبتدي المحاظرة الثانيه...
    ريم:زين ألحين انتي ليش زعلانه...عادي ياشيخه يمديك تفصلين وتجهزين حالك؟؟؟....
    شذى وهي تلعب بأطراف شعرها:مو زعلانه...بس متوترة وأنا إنشالله بروح اليوم الخبر مول عشان أشتري لي قماش للفستان...
    ريم:عاد خذي لك ألوان حلوة وزاهيه مثل الفوشي او الأحمر او الوردي او الفيروزي ....
    شذى:إي أكيد إنشالله...
    ريم:ولمن تروحين للخياطه تفصلينه خذيني معك...
    شذى:خير إنشالله...بس افكر اشتري لي فستان جاهز للخطوبه من هنا او من البحرين...
    ريم بقرف:جاهز؟؟؟....لا وع تفصيل أحسن في المناسبات اللي زي كذا....
    شذى:أنا وش قلت؟؟؟....بفصل أحسن ...بس اقول افكر...
    ريم:إلا ماقلتي لي وين رح تسوين الخطوبه؟؟؟....
    شذى بحسره:كيف.... وأبوي قال يبيها عائليه أحسن ببيتنا....
    ريم تخفف عنها:ياشيخه مو مهم الخطوبه...المهم الزواج...
    شذى:هذي انتي قلتيها...بس لازم تكونين موجوده يا ريم....
    ريم بثقه:لا تخافين...بكل المحافل بكون معك حتى بالخطوبه....إحنا كم شذى عندنا....
    شذى بدلع:وحده اللي هي انا....
    ريم:جب وانتي على طول تصدقين..ترى نمزح معك من زينك عشان نتغزل فيك....
    شذى بغرور:توصلين لي أنتي؟؟؟....بس ماعلينا بتجين الخطوبه اوكيه؟؟؟...
    ريم:اوكيه...ومره وحده نشوف توم كروز أقصد تركي اللي منهبله عليه وعلى وسامته....
    شذى:قصدك خطيبي تركي....وبعدين يخسي توم كروز جنب تركي....
    ريم بنظرة حالمه:أموت باللي يدافعون عن حبيبهم انا....
    وقعدوا يضحكون ويسولفون ويخططون للخطوبه إلى ما ابتدت محاظرتهم وراحوا لها....
    *******
    مرّت الأيام بسرعه وكانت شذى مشغوله في فستانها وعمرها تعدل وتضبط حالها وريم صديقتها معها ماتفارقها تروح معها للخياطه و للصالون وللسوق
    وطبعا الكل ينتظر هالخطوبه عشان يحظرون ويجون...بشاير كانت متشوقه للخطوبه وتنتظرها بفارغ الصبر وطبعا معها سارا عشان يتعرفون على خطيبة
    تركي...وام بندر فرحانه لولدها وإنه كبر وبتزوجه...فاطمه ماعجبها الوضع إن أخوها ياخذ غير سلمى بنت عمه بس ساكته و
    تراقب أهلها وهم مبسوطين بتركي...عايشه مقهووره لأنها ماتوقعت بيوم إن تركي ياخذ غير أختها سلمى وكانت تظن إن تركي ينتظر أختها ترجع من
    الأردن وماكانت تدري إنه صرف النظر عنها مرة وحده....ومتعب وبندر فرحانين لأخوهم وينتظرونه يدخل القفص الذهبي على قولة متعب ويترك الحريه
    ويودع العزوبيه اللي رح يحن لها كثير ههه....
    ومن الجهه الثانيه كانوا أهل شذى مابين حالة فرح وسعادة بمناسبة زواج بنتهم الوحيده...ام محمد مبسوطه هي ومها...أما خالد وابومحمد مايتمنون غير
    السعادة لشذى وإن الله يوفقها في زواجها...ومريم مو مصدقه إن شذى بتتزوج وتفكها وتذلف عنهم...ومحمد مو مرتاح من هالزواج ومايبي تركي و ماخذ
    موقف المتفرج يعني ماله فيهم مادامهم موافقين وماعندهم مانع...وسعود مبسوط على الأخر ويتمنى كل الخير لشذى....
    *******

    • shosho21
    shosho21
    29-01-2022 - 09:39 pm

    بيوم الخطوبه كان الكل مجتمع في بيت أهل شذى...أهل شذى كلهم...,اهل تركي كلهم وجات معه عمته حصه اللي ما رضى إلا إنها تجي معهم...وعبير
    اللي كانت أول الحاظرات...وكانت هذيك الليله من أحلى الليالي لتركي اللي كان بالمجلس مع الرجال اللي ماليينه....
    .
    .
    .
    .
    .
    كانت شذى قاعده بغرفتها ومعها ريم والكوافير عندهم عشان تعدل شذى...
    شذى وهي قاعده على كرسي التسريحه وتهز رجولها بقوة من كثر التوتر وكانت ماتزال لابسه بيجامتها البرمودا والكوافير عندها قاعده تسوي شعرها
    نادت ريم اللي كانت تكلم جوال بزاوية الغرفه:ريم؟؟؟...ياللا عاد صكري وتعالي اقعدي معي...
    ريم وهي تكلم جوال:ياللا باي...اوكيه باقولها إنك مارح تجين...سي يو...((ولفت ريم عليها))...نعم وش فيك تصرخين كذا؟؟؟...
    شذى:لأنك ماشالله عليك تكلمين ولا كأنك هنا....وهذا بدل ماتقعدين معي؟؟؟....((سألتها))ومين كنت تكلمين؟؟؟...
    ريم تبتسم:يااللقافه اللي شغاله عندك ولا توقف حتى بيوم خطبتك هذي ضحى تعتذر إنها ماراح تجي وتقول((تقلد ريم صوتها))مشغوله وعندنا ضيوف...
    شذى بدون اهتمام:أحسن فكه منها إنها ماجات أصلا تفشل وماأبي اهل تركي يشوفونها...
    ريم:على قولتك فكه...بس تعالي أهل تركي كلهم بيجون؟؟؟...
    شذى:كلهم من أكبرهم إلى أصغرهم ولا أحد قعد....
    ريم:زين تعرفينهم؟؟؟...
    شذى:لأ...تصدقين لو أشوف أمه مابعرفها....
    ريم بحياء مصطنع وتحط يدها على وجهها:وافشيلتاه؟؟؟....ماتعرفين ام رجلك؟؟؟....
    شذى قعدت تضحك:ههه جب عاد وأنا وش يدريني فيها...
    هنا تنرفزت الكوافير من شذى اللي ماتسكت وتتحرك وكل شوي تخترب التسريحه...
    جوزيل اللبنانيه:خلاص شزى شو بيك حركتك كتيره هيك...لي أكتر من ساعه وباإي ماعملت شي...
    شذى انقهرت منها وقعدت تقلد لهجتها اللبنانيه:بالله؟؟...وشو بدك أعمل آنسه جوزيل؟؟؟...
    جوزيل:بدي كفّي التسريحه مشان نبلش بالميك آب حياتي...الليل بيمشي وباقي ماعملنا شي...
    شذى وما تزال تقلدها:أوكيه وإحنا شو عملنا...
    جوزيل:أاعده عم تضّحكي إنتي ورفيئتيك ريم ...وما أنا باقي مابلشت في شي.... خلاص يا صبايا بدي أكمل شغلي...
    ريم تدخلت وهي قاهرتها:أكرمينا بسكاتك الله يخليك...والله تبينا نسكت كان إحنا بمدرسه...
    شذى:إي والله ذكرتني بأيام الثانوي...أقول جوزيل...
    جوزيل:ها حياتي شو بدك؟؟؟..
    شذى:إخلصي بسرعه...وبلا هذرة زايده...
    ريم تطالع ساعتها:إي والله بسرعه جوزيل خفي يدك...ترى تاخرنا عن المعازيم تحت...
    وبهالوقت يدق باب حجرة شذى...
    ريم:مين؟؟؟...
    مها:أنا مها....
    ريم قامت تفتح الباب وتسلم على مها...ريم:هلا والله بمهاوي شخبارك؟؟؟...
    مها:بخير...وأنتي؟؟؟...
    ريم:تمام...
    مها وهي تطالع شذى وهي متفاجأة:شذى يا الخايسه للحين ما لبستي؟؟؟...والله لو تشوفك أمك تعصب عاد ارسلتني تشوف إذا قضيت ولا لأ....
    جوزيل وهي تتدخل:الله وكيلك يا مها((قاطه أذنها معهم وعرفت اسمها)) ما بتخليني أخلص معها ولا هي... تأبرني بتجنن بس
    شذى تتدخل:بس جب إنتي من كلمك...أقول مها جو الضيوف؟؟؟...
    مها وهي تقعد على طرف السرير بقرب شذى:إي كلهم جو وما بقى أحد من أقاربنا إلا جو...
    شذى وهي تسأل:أهله كشخه؟؟؟...
    مها:كشخه بالحيل...وشفتي عمي سعد بالرياض جو وهم تحت...
    شذى بفرح: هديل وهدى تحت؟؟؟....خل يجون اسلم عليهم....
    مها:يقولون لأ خل تجهز وتعدل نفسها وبعد مايروحون الناس بيستلمونك....
    قعدت شذى تضحك وهي تقول:ههه الله يعيني الليله عليهم هذرتهم واجد...(وتلف على ريم)أقول ريم أهله تحت كلهم خايفه؟؟؟...
    ريم:ورجعت عقدة الخوف عندك...يا شيخه عادي...
    شذى تسأل مها:أهلك جو من الجبيل يا مها؟؟؟...
    مها:إيه وهم ألحين تحت...
    شذى وهي تبتسم بخبث:وأختك منال جات؟؟؟....
    مها:إيه جات...بس وش فيك تبتسمين كذا؟؟؟...
    شذى:ماشي...بس أسأل...
    مها:ياللا أنا الحين بنزل تحت عند الضيوف...بس اليوم مريم فاتتك؟؟؟...
    شذى:ليه؟؟؟...أكيد قاعده تسوي حركاتها المعروفه...
    مها:بالعكس...شايله الدنيا شيل من افرح...والله لو أنتي أختها ماسوت كذا...
    شذى:أكيد تبي الفكه مني...
    مها:بالعكس حرام عليك لا تظلمينها...
    شذى:ليش تدافعين عنها كذا؟؟؟...
    مها:لا مو عن كذا...بس صدق يمكن بينكم باستمرار مشاكل بس...ترى المناسبات اللي زي كذا تبين وتطلع المحبه اللي مومبينه بينكم مع الأيام...
    ريم تتدخل:إي والله صح يا شذى مها معها حق....
    شذى وهي تحاول تقتنع:يمكن...ليه لأ...((بس في بالها هذي هي مريم مرة عسل...ومرة بصل ما يدوم حالها على شي))...
    مها وهي تطالع نفسها في المرايه وتعدل عمرها:ياللا يابنات نازله تبون شي...
    شذى وريم:سلامتك....
    وطلعت مها....
    فقربت ريم من عند شذى وسألتها:شذى وش فيك؟؟؟...
    شذى باستغراب:أنا؟؟؟....ليه وش فيني....
    ريم:لما سألت مها عن أختها منال قعدت تبتسمين ابتسامه شيطانيه....
    شذى:بسم الله منك وأنتي قاعده تراقبيني؟؟؟...
    ريم بضيق:يالله عاد قولي وش فيك...
    شذى:وشو اللي ايش فيني....عادي بنت عمي وأسأل عنها فيها شي....
    ريم:مهوب علي أنا تخشين السالفه قولي....
    شذى:اف منك...مايفوتك شي...
    ريم:أها أجل حدسي في محله في سالفه... إلا قصه قولي يا شذى وبالتفصيل الممل لدرجة الموت...
    شذى:بأقولك...بس موجز تعرفين ماعندي تفاصيل ممله عندي تفاصيل مفرحه...هذي منال الله يسلمك...
    ريم بضيق:إيه وش فيها...
    شذى:وجع خليني اكمل لا تقاطعيني...
    ريم وهي تحط يدها على فمها:سكتنا....
    شذى:هذي منال بنت عمي في عمري...وهي تحب سعود أخوي موت من يوم حنا صغار وبس سلامتك....
    ريم:بس هذي هي السالفه؟؟؟....
    شذى:من طقطق للسلام عليكم....
    ريم:عمى...وانا على بالي فيه سالفه كبيرة....
    شذى:بس ترى منال تحب اخوي سعود موت...والبيت كله يدري ماتستحي هالمنال عادي عندها والمشكله إن سعود حتى التفكير مايفكر فيها...
    ريم بحسره:تصدقين هالفئه تعورني في قلبي...اللي يحبونهم ويموتون عليهم مايفكرون فيهم...بس من هي ذكريني فيها؟؟؟...
    شذى وهي تحاول تذكرها:تذكرين بحفلة تخرجي من ثالث ثانوي.....
    ريم وهي تحاول تتذكر وتمسح على جبهتها:إيه كأني أتذكر..... ليه كانت موجودة؟؟؟...
    شذى:إيه اللي كانت لابسه فستان جينز قصير ومليانه....
    ريم وهي منصدمه:إنتظري لايكون؟؟؟....لا تكون هي الدبه وشعرها بوي ولابسه صندل زهري وشوي جريئه....
    شذى:أها هذي هي براسها....لقيتيها....
    ريم متقرفه:وع...من جدك تبين اخوك المزيون سعود ياخذ المفعوصه هذيك او حتى يحبها او يفكر فيها؟؟؟؟....
    شذى قعدت تضحك وقالت:ليه مب حلوة؟؟؟...
    ريم:لا تذكريني فيها....ما أصدق إن هذي اخت مها الحلوة النعومه اللي تستحي...
    شذى:إي صح بس لا تقارنين مها بمنال.... مها احسن بمليون مرة ولا كيف زوجناها اخوي....
    ريم:مالت عليها مالقت تحب إلا سعود....
    شذى بمكر:وش رايك نزوجك سعود ياريم مادامه كذا عاجبك وتدافعين عنه....تراك مابتلقين أحسن من أخوي....
    تتدخل جوزيل:ليه كام عمره خّيك سعود تأبريني؟؟؟...((قاعده تتسمع لهم))...
    شذى انقهرت منها فقعدت تكذب عليها:عمره 45سنه ومتزوج ثنتين...وانا ابي ريم الثالثه....
    تغيرت ملامح جوزيل لمن سمعت عمره....اما ريم وشذى ميتين ضحك....
    ريم وهي تضحك:حسبي الله على ابليسك يا شذى...
    شذى وهي تضحك:جننتني يا شيخه كل شوي وهي قاطه اذنها علينا وتتسمع سوالفنا...افتكيت من مريم جات جوزيل...
    وقعدوا يضحكون...أما جوزيل فتفشلت وكملت شغلها وهي ساكته....
    ريم:الصراحه ياشذى إني اتزوج اخوك ما اقدر وماأبي لأني مااحبه....
    شذى:يعني لازم تحبينه قبل الزواج؟؟؟....
    ريم بثقه:أكيد...ولا على بالك مثلك انا اتزوج واحد ما عرفته إلا لمن خطبني...وبعدين لا تنسين حبيب الروح...عبد العزيز
    شذى:جب زين...وأتحداك تلقين مثل أخوي....
    وتموا يسولفون....وبعدها سوت جوزيل الميك آب للشذى وعدلت مكياج ريم...وراحت شذى تلبس وتتعدل لأنه خلاص مابقى شي وتنزل عند المعازيم...
    .
    .
    .
    وتحت كانت بشاير وسارا وعبير جنب بعض...وفاطمه وعايشه جنب بعض...وام بندر وحصه عمة تركي جنب بعض..وباقي الحضور منتشرين بالمجلس
    وكانوا مشغلين الدي جيه أغاني ووناسه ورقص......
    بشاير تكلم خالتها عبير اللي كانت جالسه بجنبها:أقول عبير...وينها شذى ماشفتها من دخلت...
    عبير:أولا قولي خالتي تخلخلت ضلوعك....ثانيا أكيد قاعده تعدل نفسها ولا على بالك مطيورة بتنتظرنا عند الباب....
    بشاير:ليه اقول خالتي...هذا تركي ومتعب وبندر وفاطمه يقولون لك عبير....
    عبير:لأن بندر وفاطمه اكبر مني مو معقوله يقولون لي خالتي...أما متعب وتركي تقريبا كبري...بس أنتي اضغر مني ب12سنه فلازم تقولين خالتي مو كل
    ما أشوفك لازم أفهمك....
    بشاير بتأفف:ماعلينا...بس من هذي اللي لابسه بدله بحريه؟؟؟...((تقصد مها))...
    عبير:وأنتي على بالك إني عايشه معهم....لأ ما أعرفها بس كأنها مرة ولدهم...يعني ماخذة اخو شذى...
    بشاير:صح يمكن...
    عبير:وأنتي ليش تسألين عنها؟؟؟...
    بشاير:لا بس أسأل لأنها تشبه وحده معنا بالمدرسه يمكن تقرب لها...بس هذي أحلى وأملح منها...(تقصد مها)...
    عبير:زين ماقلتي لي...تركي وش علومه...أسود الوجه مامر علي ولا جاني ما كأني خالته وانا ملزمه عليه إنه يمر....
    ضحكت بشاير من خالتها وقالت:ههه إيش عليه اليوم يومه....عقبالي...
    لكزتها عبير:عيب يابنت...
    بشاير وهي ترجع شعرها لورى:عادي انا قلت شي غلط....قلت عقبالي إني اتزوج ياه حراام يعني؟؟؟....
    ضحكت عبير من كلام بشاير....
    عبير وهي تكلم سارا:ماعلينا من هالهبله المراهقه....سارا وش فيك ساكته...
    سارا بابتسامه:أبد مافي شي....بس كنت اطالع البنات يونسون شكلهم...
    عبير:إيه شعليهم بنات ما وراهم لا زواج ولا عيال ولا مسؤليه...
    سارا:وأنتي صادقه...بس كلن لاحق على شقاه...
    .
    .
    .
    وبالجهه الثانيه اللي بنفس المجلس عايشه مرة بندر وفاطمه يسولفون...
    فاطمه:اقول عايشه،كيف تتوقعين مرة اخوي؟؟؟...
    عايشه:مين تركي؟؟؟....اتوقعها عاديه...
    كانت فاطمه مب راضيه على زواج تركي بوحده من برى العايله او من دائرة معارفهم وكانت رافضته للحظتها هذي،وما تأكدت إن كل شي صار رسمي
    إلا لمن جو الشرقيه وحظرت الخطبه وصارت أمام الأمر الواقع...وكانت عايشه صديقتها ومثل مايقولون توأم روحها وتقول اللي بخاطرها لها...
    فاطمه بزعل مو ظاهر:أنا تكلمت مع امي مليون مرة بلاها زواج من هالبنت...بس كانت تقول أهم شي تركي ورايه...
    عايشه:الصراحه الكل استغرب لمن درى إن تركي بياخذ من برى...يعني إحنا عايله كبيرة ومعروفه وامفروض ما ندخل نسبنا مع احد....
    فاطمه تكلمت بحقيقه:إي صح كلامك...بس ترى البنت وهذي العايله نسبهم عالي وأصيل يعتبرون شيوخ يا عايشه...بس تقريبا إحنا اغنى منهم
    عايشه:إي كلامك صح ومبين كرمهم وطيبهم...بس ثوبنا مو من ثوبهم...وشجرتنا غير شجرتهم...
    فاطمه حست بغصه من كلام بنت عمها اللي تزيد النار حطب وإن اخوها المفروض ما ياخذ شذى و إن اهلها استعجلوا بوافقتهم على زواج تركي المتهور بنظرها
    وبعد فترة صمت قصيرة تكلمت فاطمه:لو علي انا ما زوجته...والله ما كان اعطيه غير سلمى اختك لو شيصير...
    عايشه بحسره مو ظاهره:وانا كان خاطري ماتاخذ سلمى غير اخوك بس....إذا فات الفوت ماعاد ينفع الصوت...
    فاطمه انتبهت بعدها على المستخدمه وهي توزع العصير وموقفه عندها...أخذت كاس عصير وراحت بعدها في عالم ثاني بعد ماسمعت كلام عايشه....
    .
    .
    .
    ام بندر كانت مبسوطه على الآخر وحست إن هالناس اهل خير وخاصه بعد مالمست التعامل مع ام محمد...وماكان ناقصها غير شوفة مرة ولدها...
    حصه:اقول يا ام بندر...وراك كذا ساكته وماتطلبين تشوفين مرة ولدك؟؟؟...
    ام بندر :والله الود ودي إني اروح اشوفها هاللحين...بس فشله يا وخيتي اخاف البنت مااستعدت...
    حصه:ما علينا عادي نطلب نشوفها أكيد يمديها تخلص وتستعد...
    ام بندر تستفسر:وأنتي تبين تجين معي؟؟؟...
    حصه:وش عندي ما أجي معك....إلا بجي...بس نادي على ام محمد تاخذنا لعندها...
    وسمعت الكلام ام بندر اللي تنقاد بسرعه للأمور...ونادت على ام محمد وكلمتها ومالقت من أم محمد إلا قبول وفرح واخذتهم معها لفوق وكانت تدعي
    بخاطرها إن شذى خلصت وجهزت....
    .
    .
    .
    منال اخت مها...وهدى وهديل كانوا مبسوطين موت وعاجبهم الجو....
    هديل اللي كانت أكبر من شذى بثلاث سنين ومخطوبه لولد خالها وهذي السنه آخر سنه لها بالجامعه بعد ما عادت سنه فيها تحب شذى وقلبها يبي لها
    الخير...وفرحت لها حيل لما عرفت من خطبها وتمنت لها السعاده...
    هدى...تقريبا أصغر من شذى بسنتين وتدرس بالثانوي تحب شذى وتتميز هي وأختها بطيبتهم وإنهم مايشيلون على قلبهم من أحد فرحت لشذى وكانت
    سعيده بعد إنهم بالشرقيه اللي تحبها وتحب اهلها أكثر من الرياض...وكانت مشعله الليله فرح وطرب ورقص...
    ومنال اللي كانت مبسوطه...ومستانسه أكثر لأنها ببيت سعود...فديته والله سعود من مثله يا قلبي....منال طيبه بس جرأتها الزايده وطولة لسانها مخربتها
    وكانت تتحين الفرص عشان تبي تشوف سعود...وكانت كاشخه ولا كأنها بزواج عشان لمن يشوفها سعود ينبهر فيها(مسكينه؟)...وهو أصلا ما يذكرها....
    ومنال كبر هديل...وهي ترد الخطاب لأنها تنتظر سعود المسكينه يخطبها...واللي على بالها إنه يحبها ويموت عليها....وهي عاديه مب حلوة ولا خايسه بس متينه
    هديل:اقول منّول...طالعه اليوم أكشخ وحده فينا؟؟؟...
    منال بفخر:من يومي أكشخ وحده فيكم وانتي توك تنتبهين....
    هديل:أقول جب بس....تراني اعرف عشان سعود المطيور هالكشخه...
    منال:إنتي المطيورة...ترى ما اسمح لك تتكلمين فيه...والله إنه يسواكم كلكم...((وبنظره حالمه)) يا بعد قلبي واهلي وناسي وربعي ياسعود....
    هديل وهي تبتسم:إلى هنا وامسك بريك...إذا سعود كل هذول ما اقدر اتكلم فيه...والله يوفقك وتاخذينه...
    منال بدعاء وباقي شوي وتبكي:آآآآآآآآآمين....
    هديل:ما علينا من سعود الحين....وش رايك نروح لشذى ما زمان هعنها الخايسه...
    منال:إذا ما علينا من سعود....أجل من لنا عليه؟؟؟....
    هديل:اقول شكل سعود ماكل عقلك حلاوة....
    منال تعدي كلام بنت عمها:اقول هديل وش رايك نطلع بالحوش...ونشم هوى شوي الحين الجو حلو...
    هديل:اقول انثبري هنا ولا تظحكين علي...ادري إنك تبين تشوفين سعود بس حامض على بوزك لأنه لو شافوني اهلي واهلك بيذبحونا فاهمه...
    وما قالت منال شي غير نظرة عتاب ووجهتها لهديل وبعدها التهت بالحفل والناس....
    .
    .
    .
    .....واو طالع شكلك يهبل بس تعالي ابخرك من العين والحسد...
    ما علقت شذى على كلام ريم خويتها اللي انبهرت لمن شافت شكل شذي النهائي بعد ما لبست الفستان وخلصت الميك آب والتسريحه وتطالع نفسها
    بالمنظرة اللي بغرفتها طويله على طول جسمها...
    كانت مسويه ميك آب نااعم ومبين براءة وجهها ومبرز جمال عيونها...طبعا خدودها المدورة والمنثور عليها بلاش بلون الزهر معطيها جمال ومنظر طفولي اكثر
    واللي مزود حلاوتها غمازتها الوحيده بخدها الأيمن صاير شكلها حلو بالذات لمن تظحك...
    وشعرها اللي مرفوع بطريقه غجريه بورود صغار لماعه...خصل مفلوته بحريه من الامام والخلف ومبين طول شعرها وجماله...
    كان فستانها لونه وردي متدرج مع الأبيض النقي...كان فستانها مبين حلاوة جسمها كان خيوط وعاري من عند الصدر كان مشدود بفيونكا لونها وردي
    وكان منثور على خصرها إلى اسفل الفستان من جهة اليمين ورود مثبته بالفستان مع ستراتس لماعه مع الورد وفستانها كان من الموسلين والحرير الناعم واللاصق
    بالجسم...وكان جيبها من عند الصدر مفتوح وواسع وطبعا مع الفستان شال حريري وشفاف مثبت فيه اللي بنفس الفستان لأنه مستحيل تطلع عند تركي كذا
    وحتى اخوانها وابوها بالذات مارح يرضى بكذا...وهي رح تطلع عند الحريم بدون شال...والشال اكثر ماتنازعت مع ريم عشانه لأن ريم تقولها اطلعي كذا عند
    خطيبك بدون شال خليه يتسدح من جمالك...وشذى طبعا حيائها يمنعها إنها تلبس كذا....
    جوزيل:ياألله...شو هيدا الجمل كلو...عأبال ما اشوفك عروسه بتجنني العالم من هيدا الجمال والسحر...
    ريم ما تطيق جوزيل فردت عليها نيابة عن شذى:زين يا حلوة...مشكورة على هالإطراء...ترى تقدرين تفارقيننا الحين؟؟؟..
    جوزيل وهي تلبس عبايتها:على العموم السيارة بتنزرني عند الباب...إنشاللهتعزمينا بجوازتك يا شزى...

    • shosho21
    shosho21
    29-01-2022 - 10:40 pm

    ريم من غير نفس:نعزمك؟؟؟....خير إنشالله...
    جوزيل وهي طالعه:ياللا مع السلامه صبايا...والفال إلك يا ريم...
    ريم:الله يفتح...مع السلامه...
    وطلعت جوزيل وبعدها ضحكت شذى وقالت لريم:احس يا ريم لو قعدت دقيقه زيادة بتطردينها بالقوة...
    ريم:خليها تذلف هاللبنانيه لوعت كبدي......بس الصراحه شغلها حلوة مرة مطلعتك تهبلين يا شذى...
    شذى ضحكت:ههه...من يومي حلوة بس ما ادري وين كانت عيونك....
    ريم بضحك:مقبوله منك...بس عيديها بيوم ثاني انتفك...
    دق باب غرفة شذى وفتحت الباب ريم اللي كانت شذى بهاللحظه توها تقعد على وحده من الكنبتين اللي بغرفتها تبي تستريح....
    ريم فاتحه عيونها على الآخر:هلا خالتي...حياكم حياكم...
    انتبهت شذى وتبي تشوف من اللي عند الباب...إلا تدخل أمها ومعها حرمتين كبار بالسن...بس مبين فيهم العز انقبض قلبها وحست إنهم اهل تركي...
    ام محمد تاشر لبنتها تقوم تسلم...
    ام بندر وهي مانزلت عينها من شذى:هذي شذى مرة ولدي؟؟؟....مشالله وش هالزين....وش هالحلاة
    عرفت شذى وتأكدت إنهم جد أهل تركي...وهذي اللي تكلمت أمه...بس كانت تبي تعرف من هي اللي معها
    ام محمد:تسلمين والله يا ام بندر وهذي بنتي شذى...واللي معها صديقتها ريم....
    سلمت شذى بالأول عليهم وبعدها ريم...وقعدتهم على الكنبتين وشذى وأمها قبالهم على السرير...أما ريم فتمت واقفه...
    ام بندر:مبروك يا شذى يا بنتي...وعقبال ما اشوفك بليلة العرس عروس واخذك معي بالرياض...
    حصه بابتسامتها الحنونه:خلاص يا أم محمد بنتك...بنتنا وصارت منّا وفينا ماخذه أعز عيالنا...
    طبعا هنا شذى لو كان بيدها شي كان قطعته من من الحيا....يا ناس البنت ماتحب المواقف اللي زي كذا....
    أم محمد:شذى بنتكم من الأول...وألحين إحنا اهل يا ام بندر....
    حصه:وأنتي الصادقه...إلا ما سمعنا صوت شذى شخبارك يا بنتي؟؟؟...
    شذى:الحمدلله بخير...
    حصه :مبروك لك....ولنا...والله إنك تهبلين ويا حظك فيها يا تركي...
    هنا ريم ابتسمت لأنها توقعت إن شذى ألحين يمكن تموت من الحيا...وطبعا توقعها ماخاب لأن وجه شذى انقلب من أبيض إلى أحمر من الحيا...
    ام بندر بخاطرها"يا حلاتها...والله إنها تهبل وتدخل القلب بسرعه حلوة وناعمة وخجوله وشكلها راعية خير"....
    وبعدها تموا الحريم يسولفون مع شذى وهي تجاوب بس على قد السؤال....وبعد مرور ربع ساعه نزلت شذى تسلم على الحريم بالمجلس ومعها امها وام بندر
    وحصه عمة تركي....وطبعا ريم...
    .
    .
    .
    بالمجلس عند الرجاجيل كان ابو محمد وابو بندر بصدر المجلس وطبعا معهم تركي والكل كان سعيد بالخطبه إلا محمد اخو شذى كان
    شعوره غريب...شعور بعدم الإرتياح بس على كذا داس على عمره ومسوي نفسه فرحان لأخته...
    طلال صديق تركي حضر الخطبه لأنها لخوي عمره تركي وهو ظابط بعد مع تركي وينتمي لعائله لها مركزها بالمجتمع ومماثلة لعائلة تركي...
    طلال كان جالس بجنب تركي وكان متوسط بين تركي ومتعب ...
    طلال بابتسامه:مبروك يا تركي...
    تركي:الله يبارك فيك يا طلال....زين إنك حظرت وجيت...
    طلال:تدري والله اليوم عندي دوام....والله بس طلعت من الدوام ومسكت لك خط الشرقيه وجيت تقريبا الساعه سبع العشا وصلت وأخذت لي غرفة ضبطت حالي
    وجيتك....
    تركي:والله لو ما جيت كان زعلت....تدري يوم خطوبتك وزواجك محد موقف معك إلا أنا....
    طلال:خلاص ياخي هذا إحنا حظرنا....ولا تقعد تمنن علينا وتقولي وقفت معي كل الي تسويه إنك تجلس جنبي...
    تركي ضحك من كلام طلال وقال له:أفا يا طلال بس كذا؟؟؟...
    طلال ابتسم لأنه كان يمزح وتركي من جد ماقصر معه ولا كأنه والله واحد من أخوانه فرد عليه وقال:ياخي امزح معك...بس تدري اليوم وجهك منور....
    تركي:أكيد منور بوجودك...
    طلال ابتسم من تعليق تركي:تركي الصراحه مبين إنك مستانس...بس مو مبين لدرجة إن اليوم خطبتك...
    تركي:أنا مبسوط ومستانس...بس بثقل ما أحب ابين كأني مو مصدق عمري إني ابتزوج....
    يدخل متعب ويقول:أحلى يا الثقل....بس ترى اليوم مسموح لك إنك تفرح بأي طريقه لأنه يوم خطبتك....
    تركي:ليه قالوا لك متعب....مشفوح على الزواج...
    طلال قعد يضحك وبعدها ظحك تركي معاه....
    متعب:أقول يا حضرة الضباط؟؟؟....
    طلال:نعم إيش عندك؟؟؟...
    متعب:يا شينكم وانتوا تستخفون دمكم....ما ادري احس دمكم اسمنت ثقيل....مب لايق عليكم إنكم تصيرون خفيفين دم...
    تركي وهو يضحك:اقول...اسكت واللي يرحم والديك يابو دم خفيف...أبد عادل إمام...أو طارق العلي...
    متعب ما علق على كلامهم ولف على جهة خالد اخو شذى اللي كان يسولف مع يوسف خويه واللي كان مع تركي وقعد متعب يسولف معهم.....
    وكان سعود ومعه صالح ولد صديقة امه يسولفون وضحك ووناسه...
    .
    .
    .
    نرجع للحريم واللي كانت شذى جالسه وجنبها ريم...
    بشاير لعبير:اقول عبير...الصراحه شى ناعمه ومملوحه تهبل وما توقعتها ناعمه كذا وفيها براءة...
    سارا:إي والله يا عبير حلوة مشالله عليها...عرفت تختارين لتركي..
    عبير بثقه:عشان تعرفون إن ذوقي حلو واعرف اختار....
    أما فاطمه وعايشه اللي كانوا جالسين بالطرف الثاني...
    عايشه مقهورة:وع....اسمحي لي يا فاطمه مرة اخوك عاديه ومافيها شي زايد عن البنات الثانيات...
    فاطمه كانت تحس إنها حلوة بس عايشه كانت كل شوي تقول إنها خايسه ومب حلوة وعاديه إلى درجة حست إن كلامها صح...
    فاطمه:صح كلامك....بس والله إنها حليوه...
    عايشه:لا والله مب حلوة ولا شي....وسلمى اختي احلى منها بالف مليون مرة....
    فاطمه:حرام عليك لا تقارنينها بسلمى يا بعد قلبي....اصلا من فيه احلى من سلمى بنت عمي...
    شذى جمالها من النوع الناعم وكانت مملوحة وجذابه أكثر مماهي جميله...أما سلمى فكان جمالها من النوع الشرس((بعدين نتكلم عنها لمن يجي دورها خ))..
    وقعدت فاطمه تطالع وتتأمل شذى اللي كانت مطيحه سوالف مع ريم وبعدها جو بنات عمها هديل وهدى ومنال وقعدوا معها وسوالف وخرابيط بنات...
    فاطمه تحس إنها حبوبه ومحبوبة من اللي حواليها من اهلها وأقاربها وصديقاتها وحتى عبير اللي جات وسلمت عليها اول مانزلت وقعدت تسولف معها تقريبا
    ربع ساعه وبعدها رجعت لمكانها....
    وبعدها قاموا الحريم للعشى اللي كان بالصاله الثانيه...وبنفس الوقت قاموا الرجاجيل للعشى...
    .
    .
    .
    بعد العشا كانت شذى خايفه ومرتبكه خلاص لأنه الحين بيدخل تركي يلبسها دبلتها ويشوفها....
    كانت جالسه بصالون منعزل شوي عن الرجال وقريب من عند الحريم ومعها امها لأن اخوانها وابوها بعد بيدخلون...
    دخل تركي ومعاه سعود وخالد واول ما دخل تركي سلم على شذى وقعد جنبها...هي حست بمويه مثلجه انكبت عليها...وبقشعريرة بجسمها ياويل حالي من
    هالرجال...كان تركي يناظرها بنظرات متفحصه...طالعه تهبل كأنها القمر وكانت أحلى من أول ماشافها...ناعمه ومملوحه...أما شذى اللي ما قدرت ترفع عينها
    من الحيا...كانت تحس فيه ...كفايه إنه جالس ولاصق بجنبها...يعني ضاق المجلس عليه يجلس جنبها....كان ريحة عطره روعه عجبها مرة...
    اول ما جلس عدلت شالها وشعرها ... كانت مستحيه وماتدري شتسوي....
    خالد بابتسامه:مبروك يا شذى....مبروك ياتركي...
    تركي:الله يبارك فيك ياخالد....
    ام محمد:مبروك لكم كلكم...
    تركي:الله يبارك فيك يا خالتي...والفال لسعود إنشالله...
    سعود:تو الناس....بس إذا الوالده بتزوجني ماعندي مانع...
    ولف تركي على شذى وابتسم لها بعذوبه وقال لها:شخبارك يا شذى؟؟؟...
    شذى:بخير......((وبتردد))وانت؟؟؟...
    تركي:أنا؟؟؟....من شفتك وانا بخير وصحه...
    شذى هنا دوروها ضاعت من الحيا ما تدري وش تسوي بعمرها مستحيه وقاعده تلعب بطرف الشال بتوتر لدرجة إنها شالت منه كذا فص ترتر من التوتر شافها
    تركي وقال لها:حرام لا تقطعينه حلو عليك.... لا تخربينه....((هو يدري إنها متوترة بس يبي يحرجها))...
    سعود وهو يضحك:لا عادي المفروض تتعود على هالشي...شذي أي شي يطيح بيدها تقطعه وتخربه حتى لو يكون فستانها...
    هنا الكل ضحك...أما شذى حاسه باحراج"حسبي الله على إبليسك يا سعود زين إذا هالليله عدت على خير"....سعود داري فيها بس يحب إحراج البنات بشكل عام
    وأخته شذى بشكل خاص فلازم تعذره هذي هي هوايته المفضله....
    تركي حس باحراجها وتوترها فحب يخفف عنها قال:لا....أكيد متوترة ومهيب عارفه شتسوي انا عاذرها.....
    هنا قالت شذى بخاطرها((يا حبي والله لخطيبي وحبيبي يدافع عني يالله إنك تخليه لي))...
    وابتسمت شذى ابتسامه فاتنه لاحظها تركي وشاف غمزتها فقال لها:الله يا حلاتك وانتي تبتسمين...خليك انسانه مبتسمه دائما...
    هي مبسوطه ومستانسه ومستحيه وكل مشاعر الكون الحلوة مجتمعه في قلبها...وقعدوا يسولفون وضحك وبعدها طلع تركي الدبل عشان يلبسونها....
    مدت شذى يدها بارتجاف ولما مسكها تركي خلاص حست بمويه باردة مكبوبه عليها وحست برجفه لا حظ تركي هالشي قرب منها إلى ما صار وجهه عند أذنها
    وقال لها بصوت واطي محد يسمعه:لا تخافين ولا تنحرجين....أنا خطيبك وزوجك مستقبلا...وصدقني إنك موت حلوة...
    وبعدها لبسها الدبله وهي مذهوله من اللي قال لها إنها موت حلوة بعد مالبسها الدبله قعد ماسك يدها وقابض عليها جاها إحساس غريب مع هالإنسان وبعدها
    أعطوها الدبله عشان تلبسها تركي مد يده لها هي أخذت الدبله وكانت مرتجفه دخلت الدبله بإصبعه بس مو للنهايه بغت تتراجع بس مسك يدها وساعدها
    في إنها تلبسه دبلته و بعد مالبسها سحبت يدها هنا تكلم خالد:مبروك يا شذى ويا تركي....وعقبال الزواج...
    سعود:مبروك لكم.....
    ام محمد وهي تحس بالدموع تتجمع في محاجر عيونها:مبروك....مبروك يا شذى ويا تركي....هالله هالله في شذى تراها وحيدتي...
    تركي:لا توصين ياخالتي...شذى بعيوني....بس انا بخليها وبروح بس بيوم العرس خير إنشالله...
    وبعدها جا محمد وابو محمد ودخلوا عليهم بالمجلس....
    قامت شذى تسلم على ابوها واخوها الكبير اللي تحترمه بالحيل ....
    بعد ما سلمت عليهم...قال ابو محمد:مبروك يا تركي....مبروك ياشذى وعقبال العرس إنشالله...
    تركي:الله يبارك فيك....
    شذى:الله يبارك فيك يا يبه...
    محمد:مبروك....وإن شالله مانجتمع إلا في الأفراح...
    الكل: آمين....
    شذى قبل لا يدخل أبوها عدلت عمرها لإنه ما يحب ولا يطيق العاري.....وبعد كذا قاموا اخوانها وأبوها يطلعون لأن أهل تركي بيدخلون...
    وبعد ما طلعوا اهلها....راحت أمها تنادي اهله الحريم عشان يجون...وبعدها صار المجلس فاضي مافيه حد غير تركي وشذى....
    هنا شذى بغت تنادي أمها ماتبي تقعد معه لوحدهم....وهو ماصدق إن هالفرصه جات من السما يقعدون لوحدهم...بعد فترة صمت تكلم تركي
    تركي:حبيبتي...وش فيك ساكته...تراني ما احب خطيبتي تكون تستحي مني...
    شذى وهي ترفع عيونها تطالع فيه لأول مرة تلتقي عيونهم وقالت:شسوي مستحيه؟؟؟...
    تركي بابتسامة مكر:وأنا أبيك تكونين معي جريئة.....أنا مااحب الخجولات .....أنا موتي اللجريئات؟؟؟....
    شذى انقهرت واستغربت منه بنفس الوقت و ماردت عليه لأنها اول مرة تطالع فيه عن قرب كذا كان أحلى من يوم شوفتها بكثير....يمكن لأنه كان قريب منها
    كانت عيونه فيها جرأه وتحدي...
    تركي قطع عليها حبل افكارها:وش فيك مارديتي علي....أبيك تكونين جريئة وماتستحين معي...
    شذى وهي بنظرة تحدي:وأنا ما أحب الجريئات....
    حط تركي يده على خصرها وشد عليها....حركته هذي مع شذى تمنت وقتها إن الأرض تنشق وتبلعها....تركي قربها له وقال لها بصوت هامس
    تركي بهمس:أنا جريء....الجرأة غير الوقاحه....صدقني يا شذى إني حبيتك من أول ما شفتك وأتمنى إني أشوفك زي ما أتمنى...وأتمنى إني اكون زي ما أنتي
    ببالي...وإن شالله أعيشك بسعادة وأيام أحسن من اللي تتمنينها....
    شذى تمت تطالع تركي من دون ما تشيل عينها بعد ما كانت عينها لاصقه بالأرض كانت تقول بخاطرها..."لا مو لهالدرجه يا تركي...ما توقعت إنك حبيتني
    أصلا إنت في مركزك ومكانتك وشخصيتك أقصى أحلامي....أنا؟؟؟...أموت فيك وعليك"....
    بعدها قالت له شذى بابتسامه:الله يكتب لي الخير....
    تركي:لحالك؟؟؟....
    شذى ماتت من الحيا...وش يبي ذا...صدق جريء ومايستحي وبعد يبيني أصير مثله...أول مرة اشوف رجال يكره اللي يستحون ويحب الجريئات...
    بعدها ردت شذى بدبلوماسيه وهي تبعد عنه شوي وتوخر يده:الله يكتب الخير لجميع المسلمين...
    هنا دخلت ام بندر وحصه عمة تركي...وفاطمه وبشاير أخوات تركي....وعبير طبعا...ومعهم ام محمد...((خربوا الجو على تركي...))...
    ام بندر وهي فرحانه على الآخر:مبروك يا وليدي يا عمري...
    قام تركي بقامته الرياضيه العسكريه...وكان تركي مرة طويل...راح لأمه وسلم عليها اللي ما تحملت وقامت تصيح و لمت أصغر اولادها....تركي كان اطول
    منها بكثير كانت واصله أقل من كتفه...ابتسم تركي لأمه بحنان وقعد يهديها ويقول لها...
    تركي:الله يهداك يمه...تبكين؟؟؟ وهذا بدل ماتضحكين...اليوم المفروض اشوف الضحكه شاقه وجهك...مو تبكين وتقلبينها حزن...
    امه من بين دموعها:هذي دموع فرحتي يا يمه....عمري ماتمنيت مثل هاليوم...اليوم اللي أشوفك قاعد مع عروسك....
    تركي وهو يناظر شذى اللي كانت جالسه بجنب امها ويقول:باقي يمه هذا الكلام بالعرس...اليوم بس خطبه ماصار شي(وغمز لشذى)...
    شذى انصفق وجهها من حركته خاصه امها وعبير وبشاير شافوها وشافوه بعد وهو يغمز لها...بخاطرها تقول"تركي مو قدام اهلك...من جد انت جرئ"....
    حصه:مبروك يا تركي...جعله إنشالله زواج سعاده وفرح...
    راح تركي لعمته اللي يغليها وسلم عليها وشاورها بصوت واطي وقالها:هاه يمه وش رايك بالخطيبه؟؟؟...
    عمته حصه لكزته بخفيف وقالت له:مشالله عليها...الله يهنيك فيها ويهنيها فيك....
    ابتسم تركي لها وارتاح من ردها اللي كان يهمه بالحيل وردت له ابتسامه تريح القلب من انسانه حبيبه مثل حصه...
    بشاير بفرح:مبروك تركي....
    تركي بابتسامه:اوكيه مشكورة على المباركه...بس تعالي سلمي علي ولا مايصير؟؟؟...
    بشاير وهي تضحك:لا وش دعوة يصير.....وراحت لأخوها وسلمت عليه وباسته على خده الأيمن والأيسر...
    هنا شذى حست بالغيرة....ماقدرت تقاوم هالشعور ماتدري ليش مع إنها أخته وهو خطيبها وباقي ما تزوجها...بس ماحبت تبين هالشعور أبد....
    وبعدها جات فاطمه وسلمت على أخوها وباركت له...حس تركي من طريقة فاطمه وسلامها برود مع إنها تحاول تخفيه...بس تركي ذكي وفاهم أخته فتجاهل
    الموضوع إلى ما يرجعون الرياض ويكلمها...
    باركوا أهله له....وقعد هو جنب شذى وأمه جنبه وشذى جلست جنبها أمها أما باقي أهله فتفرقوا على باقي المجلس وقعدوا يسولفون شوي....مثل أخوان شذى
    ...وبعدها سلم تركي على أهله وسلم على شذى بس مصافحه لأنها ما أعطته مجال يسلم خد عليها...وراح للمجلس أما شذى وأهله رجعوا للحريم وهي خلاص
    سعيده ومنحرجه و كان ودها ترجع وتلقى رفيقتها ريم موجودة....
    .
    .
    .
    ...بس للأسف قد راحت فاضطرت إنها تقعد مع الحريم شوي وبعدها تطلع غرفتها تريح وتكلم
    ريم...وجد بعدها بربع ساعه طلعت غرفتها ومالقت التليفون...دورت عليه ولا لقته...تذكرت إن أمها أخذت جهاز غرفتها ونزلته تحت بغرفه التلفزيون...
    دقت جوال على ريم لقته مقفل بعدها نزلت تكلم من تليفون البيت على بيت ريم...نزلت بدون محد ينتبه لها لأنه قالت لأمها إنها تعبانه وخاطرها تطلع تريح
    في غرفتها...فما تبيها تشوفها...طبعا نزلت حافيه من دون الكعب لأنه عورها مرة برجولها وهي ماتزال بفستانها...وراحت ودخلت غرفة التلفزيون اللي كانت
    جنب باب الخروج للحريم من البيت وقفلت الباب بالمفتاح عليها وطفت النور وشغلت الأباجورة ودقت تليفون على ريم اللي كانت تبي تقول لها كل شي بخاطرها
    ......:ألو....
    شذى:ألو....
    أم ريم:مين معي؟؟؟...
    شذى بتردد:أنا...شذى....ممكن ريم....
    ام ريم:هلا شذى شخبارك؟؟...
    شذى:تمام....
    ام ريم:مبروك والله يا بنتي....
    شذى بابتسامه:الله يبارك فيك....مع إني عاتبه عليك ليه ماجيتي...
    ام ريم:معك حق...بس والله كنت مشغوله شوي ولا قدرت أجي بس إنشالله بالعرس نكون أول الحاظرين...
    شذى:إنشالله.........إلا وينها ريم؟؟؟...
    ام ريم:والله إنها تتروش....بس ألحين طالعه...
    شذى بقلة حيله:زين خالتي....إذا طلعت خليها تكلمني ظروري على البيت تراني أنتظرها عند التليفون...
    ام ريم:ليه عسى ماشر؟؟؟...
    شذى:لا أبد الشر ما يجيك....بس حبيت أسولف شوي معها وفي خاطري شي ودي أقوله لها...
    ام ريم:خير إنشالله...أول ماتطلع اقول لها...
    شذى:أجل ياللا...في أمان الله...
    ام ريم:مع السلامه...وفي حفظ الله....
    وسكرت شذى من أم ريم وتمددت على الكنبه وعلى نور الأباجورة وقعدت تتأمل في دبلتها بيدها كانت شوي وسيعه عليها...بس قالت ياللا أظيقها عند الصايغ
    بعدين...
    .
    .
    .
    سارا:إلا وين شذى يا بشاير ما شفتها من دخلت...بس قعدت شوي واختفت...
    بشاير وهي رافعه حواجبها: ما أدري...بس يمكن طلعت تريح شوي....بس فاتك ماشفتيها مع تركي شي....
    سارا بقهر:لا تقولين لي....مقهورة لأني مارحت معكم وشفتها....
    بشاير:أنتي ووجهك تبين تدخلين معنا بصفتك إيش؟؟؟؟...
    سارا:بعد وشو ...عرس أخو زوجي وولد خالي ما فيها شي....
    بشاير:اقول خلاص فاتك لا تحاولين....
    سارا بنص عين:لا أحاول...أقول يقول متعب ربع ساعه وتطلعون...
    بشاير:ليه؟؟؟...تو الناس...
    سارا:وين تو الناس الساعه 12....
    بشاير:12؟؟؟؟....على بالي بتقولين وحده...
    سارا:يا حبيبتي حنا خطوبه مو زواج....ثانيا الخطوبه هاذي صايرة في بيت يعني خلاص...تخلص مبكر ما تشوفين الناس خفوا....
    بشاير:اوكيه....زين أمي تدري؟؟؟...
    سارا:إيه داق عليها ابوك وبنطلع كلنا مع بعض....
    بشاير:أنا بروح اليوم أنام ببيت خالتي عبير....
    سارا: ما أدري.....بس أمك بتوافق؟؟؟؟....
    بشاير بعناد:بروح...والله مالي شغل فيهم....بس والله اليوم وناسه وفله...
    سارا:إي والله وناسه ماتوقعتهم كذا....
    بشاير وهي تطالع أمها اللي أشرت لها :سارا قومي...شكل أهلي يقولون ياللا... هذي أمي تأشر لي...
    سارا:ليه مارح تروحين مع خالتك؟؟؟؟....
    بشاير:لا هونت....ماني ناقصه أروح أكلم امي قدام الحريم وتفشلني....عاد احلى هوايه عند امي إنها تفشلني قدام الناس....
    سارا وهي تضحك:لا عاد ههه مو لهالدرجه...
    بشاير:تضحكين إنتي ووجهك....بس ياللا قومي خل نلبس عباياتنا...هذي أمي تلبس عباتها هي وعمتي...يوه حتى عبير شكل العايله كلها بتروح...
    سارا:مو اقولك....كلنا بنروح والخطوبه مو مثل الزواج يا حلوة....
    ماقدرت تقول شي ريم غير إنها تتأفف...خاصه إن الليله عندها بدت تحلو....
    راحوا ولبسو عبايتهم وسلموا على ام محمد ووصوها توصل سلاهم لشذى كل هذا وهم عند الاب بيطلعون وشذى كانت بالغرفه اللي جنبهم تسمعهم وتضحك وهي تخبي
    ظحكها بين يدينها عشان مايسمعونها....يا حليلهم ما يدرون إني جنبهم واسمعهم....كانت هذي الدفعه الأولى اللي راحت وكانت ام بندر وحصه وبشاير وسارا وعبير...
    أما فاطمه وعايشه بيقعدون شوي لأن بندر باقي بالمجلس ماطلع....وزوج فاطمه معه...
    .
    .
    .

    • shosho21
    shosho21
    29-01-2022 - 11:42 pm

    ها ايش رايكم اكمل ولا مو لازم
    انتظر ردكم

    قصة محرجة للغاية←
    شاب يغتصب امه وخالته واخته ياليت نصير مثله→

    فتيات Ftayat اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.

    © فتيات Ftayat 2024