يافراشات ساعدوني بأفكاركم الحلوة

في زفه حلوه توني سامعه عنها
ان بنتين صغار يتمشون على الجسر وحده ماسكه اوراق ووحده ماسكه جره على مسيقه هاديه وبعدين يتصادمون بطريقه خفيفه وهم يمشون بعدين تجي البنت تبكي وتقول لصديقتها انكسرت جرتي وشوي يطلع صوت مارد ويقول لها ليش تبكين تقوله الصغيره انكسرت جرتي يقول لها المارد طيب اطلبي اي امنيه تبينها بس لاتبكين تقول البنت الصغيره انا اتمنى اصير عروسه يقول المارد ان شاء الله انتي بس اطلعي من هالباب وباذن الله بتشوفين روحك عروسه وتركض البنت الين الباب واذا دخلت على طول ينفتح الباب وتطلع العروسه والبنت الثانيه بدل ماتمسك اوراق مسكيها سله فيها ورد علشان لمى تطلع العروس ترمي عليه الورد
تعبت وانا اكتب
اتمنى تعجبك ياقلبي وماعندي الا هالفكره لزواجي بس تنازلت لك عنها

اختي بكتبلج بعض الافكار الي شفتها بالاعراس
اول مايدشون الناس من الباب
خلوو يم الباب طاولات كبار
وحطو عليهم فضيات حلو مع مباخر نفس الشكل
وحطو في الفضيات علج وككاو
وبعد حطو بطاوله توزيعات
واهيا عباره عن
منظره صغيره فضيه وتلفونها بشرايط او تسولها كيسه من خامة الاورنقزا مثلا بنفس لون نفنوف اختج واذا كان فيه لون ثاني حطوهم نفس اللون
وحطو عند الباب نفس شيره(شجره)من لبلاستك وعلقو فيها كلها فراوله وعنب والي يدخل ممكن ياخذله حبه
وهذا الي اذكره الحين
وبس اذكر شي برجع انشالله

الف مبروك حبيبتي و الله يوفق اختج و يوفق الجميع ان شاء الله ...
ترا فكرة المارد الي قالتها اختي دمعه وايد حلوه الصراحه اول مره اسمعها ...
و انا عندي شي ثاني يمكن بسيط او عاديه بس يمكن فكره على فكره يطلع شي حلو و لا شرايكم ؟!!
تكون في بنت صغيره لابسه نفس تصميم نفنوفها بالضبط عروس صغيره ...
تدخل قبلها بصوت عصافير و او اي شي يكون مثل تمويه و الاضاءه تكون على الطفله ... بعدين الاضائه تطفي مره وحده و و الصاله تكون مظلمه حيل و فجاءة تفتح الاضاءة و العروس تكون بنص الصاله شوفي شلون راح تكون المفاجئة ...
بس يبيله صاله وسيعه و مشرف اضاءه شاطر ...
هذا الي حاضرني حاليا عزيزتي ...

تسلموا أخواتي دمعة وأحلى كويتية وakona على الأفكار الحلوة واللة يوفقكم