يالسنعات الحلوات علموني كيف احط المكياج شوي وابكي

حبيبتي أنا مو خبيرة تجميل
بس نصيحة أذا بغيتي تتعلمين
كل ما فضيتي جربي تحطين مكياج لين ما تأخذ يدك على الرسم
بعدين حطي حطي لظلال العيون ألوان هادية لين ملتتمكنين من الأتقان
أما بالنسبة للمكياج يمكن تكون بشرتك جافة علشان كذا يطلع باهت أو المكياج ما يناسبك
بالنسبة لي ما يضبط معي علشان كذا أستخدم أولاي يعطي أشراقة وخفيف يعجبني
وبس
أتمنى أني ما طولت عليك
وأنك أستفتي

نصيحه يا قلبي ..
روحي قسم الموآضيع المميزه
وآبحثي عن موآضيع نينا2007 و
الآبتس: )آمه .. بتتعلمين من موآضيعهم
الشئ الكثير ..
موفقه يا روحي ,,
سبحان الله وبحمده ** سبحان الله العظيم

امم
بسم الله الرحمن الرحيم
انا يا قلبي دحين احكي لي معاناتي و قصة حياتي
انا الاخت الصغيره و عندي اخوات اكبر مني
خلاص مو مره من البدايه كده احكي
المهم
كنت بدي اتعلم كده زيك ابين ملامحي النعومة
مع التجارب الكتيره عرفت ايه المناسب لي
بالارقام:
1- بودرة الوجه اللي من جيرلان مضغوطة الكل في واحد
2- مكياج اساس سائل ما احط فوقه بودرة من بنفت
3- مسكارا ميبيلين لو تعرفي تحطي بها انا لما عرفت حبيتها قبل كده حسيت انها هم ع القلب ههه
اللي من جهة ابيض و من جهة اسود
و ناس يقولوا لا بديل للانكوم
و عندي طالباتي يقولوا افون
و فيه كمان جفنشي القديمة
4- كحل اسود
( فيه ماركة ايف روشيه حسيت اني ارتحت عليها لانها طبيعيه ما تتعب العيون كنت آخد منها الكحل و المسكره بس صعبه عليا اروح جده كل كم يوم لاني في مكة )
5-و بودرة الالوان الفاتحه اللي تحبيها من بنفت
6- كحل ملون و لو ايدك قابله للتطويع و عينك ما شاء الله مو حساسه خدي من جيرلان الكحل اللي بالمرود اللي زي العربي اللون التركوازي بس لما تخلصي شيلي بقاياه من جوة العين بره تحسيه يعمل خط غريب ههه
اوكي؟
7- و من بينفت خدي المرسمة التخينة اللي تنحط تحت الحاجب ارسمي خط و مسحيه بيدك يصير شي ناعم كده و لطيف لو ملامحك نعومة
اسمه high BROW و جربيه في المحل
8- و لو حابه شدوهات او ظلال شكلها طبيعي خدي الدرجه البني الخفيفه و البمبي اللحمي من كلارينس لانها يصير شكلها مخملي ناعم طبيعي
9- من ماك درجة الروج اللي لسترنغ- لونها بطيخي ناعم و كتكوت
انا يا قلبي هو دا مكياجي الخفيف اليومي للشغل
اول شي قولي بسم الله الرحمن الرحيم
الارقام من جديد :
1- بعد البودرة او المكياج السائل ( و لا تنسى تحطي ع الخفون و الرموش ) ارسمي بالكحل الاسود على خط الرموش من بره من تحت و فوق لكن لا تخرجي عن حدود العين و لا ترسمي في الداخل لانه مكان الملون0 و لا تتخني الخط0
2- خدي الكحل الملون او المرود من جيرلان و ارسمي من جوه يا حياتي0
3- برضه بالملون ارسمي خط خفيف فوق الخط الاسود القديم ( يعني علطول بعده ) و اذا حسيتي بشي غلط لا تخافي لانه المسكرا حتغطي0
4- المسكرا الابيض بعدين الاسود0
5- تحت الحاجب ارسمي بقلم بنفت0 و امسحيه باصباعينك0
6- البلشر اللون البمبي اللي تحبيه0
و اذا حابه يكون باستعمال الظلال شي مره سهل ان شاء الله
بدل ما ترسمي بالملون جوه و بره اكتفي بالاسود بس
- ممكن تحطي بني جوه و مو مره حلو يمكن الاسود احلى او ازرق فاتح
- ارسمي الجفن كله بالبمبي مو لازم رسمه حلوة لانه اصلا يبان ان جلدك فاتح ناعم مو ظل
- جيبي اللون البني و حطي على التنيه اللي بين الجفن المتحرك و الثابت- مره سهل - بس حطي السفنجه في اللون- حطيها على الخط - افتحي عينك بالقوي- مرري يدك يمين يسار- بعدين تلقائيا حتعرفي كيف تعملي الرتوش الاخيره
- البلشر لما تحطيه مو بس ع الخدود اعملي هلالين خفيفه من الجبين لدقن لكن ركزي ع الخدود و انتي نازله ( كلام خبير جيرلان مالي شغل ) ههه و انا انفذها بس انا وجهي طويل
- الروج و لو حابه محدد انا استعمل من جفنشي لونه لحمي رقم 5
انا عارفه انك حسيتيه وصف طفولي بس انا كده بصراحه اعمله في الصباح لان قدامي بالكتير عشره دقايق و اكون في السياره لكنه بسيط
- في الحفلات و المناسبات كلام تاني لكن لو دا عجبك احطه يا قلبو
و سوري لو كان كلامي طويل و مكركب
ههه
و الكلونيا طبعا و الشعر الحلو و تصيري انت انا
ههه
تسلمي حياتي

انا قصدي فوق يا اما تحطي بودرة او اساس سائل على حسب اللي تحبيه او نوع بشرتك - مو الاتنين سوا يا قلبي

أدخلي دوره مكياج
أنا أحب الميكب من كنت صعنونه ولين الحين
فعشان كيذا مايشكل لي مشكله
وأحس المكياج فنن سهل ..
يعني خليني أقولك لما تجي تحطي مكياج ..
لازم تحددي الألوان الي تبيها ..
يعني إذا كنتي بتحطين روج أحمر قاني ..
لآزم الشدو يكوون فاتح عشان يبرز الروج ..
ولا بتحطي رووج فاتح لحممي أو بنكي باهت..
تحطين ألوان الشدوو غامقه ومدموجه..
انا أكثر شي أحبه بالمكياج الستروبري (الإضااءه) والمسكارا والروج والبلاشر هم أهم شي
وجربي الميكب البرونز راايق ويعطي شكل جذااب