يالله محتارة مدري وش أتخصص

السلام عليكم ورحمة الله وبركاته
أول شي أبارك للمتخرجات كلهم
وأقولهم ألف ألف ألف مبروك
واللي ماحالفها الحظ هارد لك وحظ أوفر
واللي ماقدرت تجيب نسبة مع إنها بذلت جهدها فلا تحزن فإن هذا إبتلاء من ربها فلتصبر فربها لن يضيع أجرها
طبعا من العنوان راح تفكرون إني توني متخرجة من ثالث ثانوي ولا أدري وش أتخصص طبعا لا غلط
أنا أدرس في الكلية ورايحة لثاني سنة
أنا راح أقولكم كيف تخصصت في تخصصي
أنا من لما كنت صغيرةوأنا مزعجة العالم تراني بدخل إنجليزي
وإستمر هالحلم لين أخذت شهادتي في ثالث ثانوي
وقبل بدء التسجيل في الكليات العام الماضي
قلت يابنت
مابدهاش النسبة تدخلك اللي تبين لا تضيعينها على إنجليزي
وأنا اللي أقعد أعصر مخي وأفكر وأستخير
كذا مرة
لين ثبت خلاص بدخل إنجليزي لا أحد يكلمني
المهم مالكم بالطويلة قبل التسجيل بكم يوم
قلت يمه تراني قررت أدخل حاسب
ماعلي من أحد
قالت أمي وأحد غاصبك على شي عشان تقولين ماعلي من أحد<< أحس تفشلت
المهم دخلت حاسب والكل إستغرب كيف دخلته وأنا ولا حتى قد فكرت فيه
طبعا الحمدلله أنا مرتاحة ألحين في القسم ولله الحمد البنات ولا أحلى والقسم هه شوي يبيله لأنه صعب
بس البنات زي العسل<< ياساتر قصة حياتي
المهم اللي أبي أقوله هو كيف تقررين التخصص اللي تبينه
أولا وقبل كل شي ماعليك من الناس وش رايهم لأنه أنتي اللي بتدرسين وبتتعبين هم لا هم بيدرسون ولاشي
ثانيا شوفي إنتي وش ميولك وش تحبين وش تفضلين لأنه أعرف معنا وحدة ماتحب الحاسب وندمانه إنه دخلته تقول ما أحبه بس دخلته لأنهم قالوا لي إدخليه<< مو قلت لكم لا تسمعون كلام الناس
ثالثا إختاري تخصصك حسب ميولك عشان ترتاحين فيه يعني مثلي أنا إخترت حاسب لأني أموت بشي إسمه حاسب
رابعا يمكن تحتارين تقولين أدخل جامعة وإلا كلية وياويل اللي تسب الكلية ترا بجلدها أنا أكره مالي اللي تقول وع أدخل كلية ليش وش فيها الكلية ماملت عينكم؟!!!!!!!!!!!!! << هدي أعصابك شوية ههه
أنا بقولك شي إذا إنتي من النوع اللي ماتهمه الصداقات وتحب التغيير إدخلي جامعة
لكن إن كنتي مثلي
ماتحبين تكونين كل سنة مع ناس جدد وتحبين تكونين صداقات فإدخلي الكلية
أنا دخلت كلية لأني مابي كل ترم أكون مع ناس أبي اللي معي بأولى أتخرج معهم لأنه بكون أعرفهم زين لأنه بيكون لنا أربع سنوات مع بعض
طبعا أنا لما دخلت الكلية كنت خايفة ما أكون صداقات خاصة إني دخلت الكلية بدون صديقاتي
لكن الحمدلله الآن الفرقة كلها تعرفني وأعرفها ولا يخفى عليهم من أنا وإذا تبون تتأكدون إسألوا بنات الحاسب في الرياض عني << أقول وش تبين أنت يكفي غرور
فياحلوات
خامسا بعد ماتقررين التخصص اللي تبينه إستخيري أهم شي تستخيرين عشان يوفقك ربي ويسهل عليك
وتحياتي لكل المتخرجات