ياليت اسوي حفله

السلام عليكم يابنات
صبحكم الله بالخير
يابنات انا ساكنه في جده ماني عند اهلي اهلي بمدينه ثانيه
ودايم يبشرني زوجي وتصادفنا افراح وبشائر واسوي حفلات لكل حفله مناسبتها
بس دايم تجي هذه الافراح وانا عند اهلي وفي ديرتي اعرف كل شي
انا الان في جده ويمكن سمعتوا بتحسين الامستويات للمعلمين زوجي مره فرحان وانا بعد فرحتله
بس ودي اسويله حفله والمشكله ان مافيه احد يساعدني مثل يوم كنت عند اهلي كنت اوصي اخواني
ماكان يشوف زوجي ولا شي يدخل يستغرب ويتفاجاء ويستانس منها مره
ياخذ ايام يقول يالله مره حلوه حفلتك وهديتك
هالحين بروح اشتريله هديه وابي احجز كيكه وخليهم يكتبون عليها حركات وابي وابي وابي......
بس ماعندي احد لو اوقول لزوجي ماتصير حفله ولاهي حلوه يروح يجيب الكيك ويروح
يشتري هديه حتى لو كنت معه وما ينزل انا انزل
بعد مو حلوه ولا في احد اعرفه عشان اقول ودني عند الناس الفلانيه
واروح معهم ولو سويتها مافيه احد اعرفه ثقه
اهلي يقولون اصبري لين تجين بالتاسع للولاده وتسويله قبل الولاده وتقوليله انك مانسيته وتهديله ولا راح انقصر عليك بشي
فديتهم
ولا ادري احسها تبرد ماهي حلاوتها من الاول هالحين البشاره جات يوم السبت واليوم الاثنين
قلت مدري لو تقولولي على شي اسويه لان ابي الحفله لو اسويها يوم الخميس
يمكن فيه مثل الحريم الي يطبخون ويسون كل شي وتجي عند الباب تاخذ فلوسها
واجيب الاغراض معها بس ماعرفهم والظاهر انهم بس في رمضان
يالله اهم شي اني فتحت قلبي وقلت الي عندي احس اني ارتحت شوي
والله على كل شي قدير