يامتزوجات ممكن تردوا على صديقتي

عادي طمني صديقتك و ما فيه شي تحتار عليه
من ناحية اللبس يكون لبس مرتب مو عاري بس يبين جسمها ( لانه بيشوف مبدئيا جسم زوجته)
ومن ناحية المكياج تحط مكياج خفيف يبرز ملامحها مو يغير ملامحها !! ( لانه فيه كثير يقولون غشيتونا لانها كانت حاطه مكياج )
و العطر يكون عطر منعش مو صاخب ,,, يعني اذا طلعت من الترويشه تحط لوشنات جسم و عطر فريش و يكفي
و اذا دخلت تدخل و هي منزله راسها و تشوف دربها و لا تقعد كل شوي تشوفه خل تبين مستحيه
و سلامتك

اسمعي اختي قولي لهاتقراء المعوذات وتتوكل تحط بس كحل خفيف وجلوس بس هاذا اذا بغت وانا مايد ابدا ولاتحط الالوشنات بعد الترويشه بس وماازيد علي اختي الي ردت قبل شي وتنتبه لطريق لاتطيح ههه والله يوفقها

حبيبتي انا بعطيج قصتي يوم يا ريلي يشوفني اول ما خطبني
وزيدج من الشعر بيت انه ولد عمي يعني اعرفه
بس سبحان الله في هاليوم كل شي يتغير فاليوم الموعود انا استحيت البس بدلة كنت اخاف يقولون اتعدلت حقه ولا لبست هاللون علشانه
فتميت بيلابية النوم العادية
ويوم يت مرت ابوي عند امي قالتلها امي شوفيها شو لابسه اتقول شنه اليوم عزاها
المهم مرت ابوي مصريه بس فنانه يت عندي وتمت اتقولي
ليه كدا ياربي همه عملولك كدا ليه سكنهم مساكنهم
وتمت اتقولي
البسي حقه ملفته يعني لون ملفت مكياج ملفت علشان يبصلك ومينزلج عينه من عليكي
المهم خلص الموضوع ع تنوره فيروزيه وقميص ابيض عليه فيروزي وشحال ويا غلوس
ويوم قالي ابوي تعالي وياي المجلس علشان اتشوفين ولد عمج ويشوفج حسيت باحراج
ويوم دخلت الله اكبر
الجيش بكبره موجود عمومتي وعماتي وريلي وخواته وامه وامي وخواني
لدرجة اني ماقدرت ارفع عيني ابدا واحس انه الانظار كلها صوبي
لا والله ما احس بالفعل والثواني اللي دخلت فيها الميلس حسيتها دهر
بصراحة موقف عمره ما ينسى

عادي يالغاليه هي من خوفها مكبره الموضوع خليها تتوكل على الله ولاتبالغ في التجمل المساله شوفه لدقايق فقط لبس هادي وساتر ومكياج خفيف واذا دخلت تسمي بالله وترفع عينها شوي وبعدين تنزل راسها شكل البنت اروع وهي خجلانه

السلام عليكم
البنت من بداية الخطوبه لازم تخاف بس لازم قبل ما تخطي خطوه تعرف ذوق خطيبها من خلال انها تساله شنو يحب مثل ثحب يشوفش بملابس عاريه ولا ساتره يحب العطر الناعم او المزعج ونفس الشي بالنسبه الى الميك اب
تحياتي

هاي انا بقولك صديقتك نحيفه يعني لاتلبس بنطلون تلبس تنوره طويله ومرتبه علشان ماتبين انها نحيفه واجد والميك اذا كانت بشرتها بيضه تحط لها كريم اولاي علشان تبين ناعمه وتكحل عيونها تحط لها بودره خدود تكون بناتيه ورديه فاتحه اما اذا كانت بشرتها سمرا تحط لها كريم اساس يناسب بشرتها ويكون خفيف وتحط في شفايفها روج بناتي وانصحها انها لاتحط اي نوع من الظل لانه نظره مو حلو انه يشوفها بمكياج كامل
واذا بتدخل تكون عيونها بالارض لاسلمت عليه ترفع عيونها بس بشكل بسيط
وقولي لها انها تبتسم حلات البنت بابتسامتها يعني مثلي بشوشه====البنت ععارفه روحها
والعطر لايكون صاخب خليه منعش وناعم وترش في يدها
وهاذا كل الي عندي والله يوفقك انتي وصديقتك

حبيبتي قوليلها تحط عينه بعينه لاتستحي لاني بصراحه مااذكر نص كلام الرسول صلى الله عليه وسلم
بس مفهوم الحديث انه تناظر لعينه لانه هو الي يبين اذا كانت مرتاحه اولا وبرضوه هو كدا لان العيون تتكلم ههه
وبعدين لاتحط اساس لانه مايصير تخدعه بلون بشرتها بس كحل وبلاشر وكلهم على خفيف و جلوس والوان هاديه احلى وردي او خربزي والله كذا احلى والله يوفقه وعقبالك يارب

بسم الله الرحمن الرحيم
من وجهة نظري أنها تلبس لبس ساتر وماتبين مفاتنها وميك آب خفيف عشان تبين أنوثتها وعطرها يكون ناعم موصاخب
وتتوكل على الله والله يوفقها
وتحياتي
متلثمة بشماغ حبيبي

متلثمة بشماغ ..............
اظن ان الاسم مو لايق على وحده متربية و بنت ناس مثلك
عندي اقتراح
متلثمة بشماغ ابوها
وش رايك بها الاسم ؟؟؟
من ترك شيئا لله عوضه