ياناس زهقت من خطيبي والله العظيم

بصراحه ياقلبي التصرف اللي سواه معاك ابدا ملا داعي
واتخيل لو انا محلك كان مت من القهر
بس انا اقولك حطي له اكثر من عذر
يمكن يكون متهاوش مع احد ومتوهق بحاجه
مع انما لو انا محلك كان اقول ماله عذر لانه مواعدني ومتأخر علي ويزعل
بصراحه اهو غلطان ومليون غلطان ومعاك حق انك تنفعلين
بس انتي كلميه بهداوه وقوليله شوف انا مو في لغز لازم توضحلي شفيك؟
هل عندك مشكله؟
بس حاولي انك تكتمين غضبك وكلميه بهدوء
عشان ماتخسرين حياتك وتتطلقين وانتي على قولتك انك كنتي تحبينه
صدقيني شعورالكره هذا له فتره ويروح لاتستعجلين ياقلبي

تسلمين يا قلبي صدق انك قطعة سكر. بس قلبى فيه لهيب وينكم يابنات لي هذي الدرجه لا انا ولا موضوعي يهمكم 21 بس واحده هي اللي كسرت خطرها وردت علي معليش بصبر ما اعتقد انكم تخذلوني

حبيبتي انتي عطيتيني تصرف واحد لو انك عطيتيني مقتطفات يمكن البنات يقدرون يساعدونك اكثر هذا شي والشي الثاني انه اغلب الحريم يعانون من الشي هذا في رجالهم ان الرجال مايغلط والغلط على المراءه دايم بس انتي ياقلبي حبيتي انك تبدين صح وهذا شي احييه فيك
وانا اقول انك تاخذين الامور بهدوء مو بعصبيه لان الانسان اذا كان معصب يتخذ قرارت يندم عليها بعدين
اقول ليش ما تكلمينه بالتليفون او انك تتقابلين معاه برا البيت في مطعم وانتي مشخصه على الاخر في كامل اناقتك وتتفاهمون بهدوء وتبين له مدى حبك له وانك ماودك تخسرينه عشان كذا لازم انه يعرف غلط ويحسن من تصرفاته عشان تكون الحياه حلوه بينكم ولا تظهرين انه الغلط كله عليه لا بيني له انه انتي ممكن تكونين غلطانه بس ما انتبهتي لغلط وانك تبين منه يوضح لك غلطك عشان انك ما تكررينه وكل واحد فيكم يوعد الثاني انه ما يكرر غلطه في حق الثاني وهاذي المرحله اللي انتوا فيها ماهي الا عشان تفهمون بعض اكثر ولا تتسرعين في الزواج لين تشوفين الاوضاع تحسنت بينكم لانه هذا زواج
حسسيه انك مستعده انك تقدمين الكثير عشان ينجح الزواج هذا وانه يد واحده ما تصفق فأذا هو يحبك ويبي ينجح الزواج هذا لابد انه يقدم بعض التنازلات

انا رائي من راي اختي الشغوف
صح موقفه مو حلو
لكن اكيد له عذره انه سوى كذا
بعدين انتي الحين صرتي خطيبته وما يصلح تسوي كذا
مفروض تبيني له انك تحبيه وتتحملي اي شيء منه
لانه راح يكون زوجك
ومساله الطلاق احسه صعب اذا ما صبرتي وتحملي الحين متى راح تتحملي
والواحد يواجه مصاعب كثير في حياته
ومفروض يتغلب عليه مو هي اللي تتغلب عليه
عموما اتمنى لك حياة سعيدة والله يوفقك يا رب

بصراحة أنا أشوف لوتتصلين وتشوفين ردت فعله إذا شفتيه يكلمك وتحسين انه متحسف على إلي سواه وتحسين بصوته انه مشتاق تفاهموا لأنه أكيد كان متهاوش أو مشغول اعذريه بس عقب ما تتراضون طلعي الزعله من عينه وخليه يراضيك ويجيب لك هديه عدله مب ورد ..يعني كذا شي الماس ...
بس إذا شفتيه يكلمك من ورى خشمه ويبي يركبك الغلط خليه يولي لاتعطينه وجه وأنتي مب غلطانة لأنك بديتي بالصلح وردت فعله تلوع الكبد وخليه إنشاء الله شهر لين هو يجيك عشان ما تعودينه كله أنتي تراضين
ربي يوفقك وفكري أكثر من مره هذا إذا توك ماخذتيه ردت فعله كذيه إذا سكنتي معاه في بيت واحد وش بيسوي
لأنك تقولين هذي مب أول مره ويمكن يتغير ويمكن مايتغير ويزيد طبعه
الله يوفقك بس

اهلا اختى الغالية ...
كلنا معك وسنحاول مساعدتك ان شاء الله ...
اجد ان العلاقة يفتقد فيها عنصر الاحترام المتبادل وهذة هى مشكلتك وزوجك !! اولا هو لا يحترم مواعيده معك بحيث اتى له شخص ( على حسب فهمى ) وجلس معه وهو ما جعلك تنتظريه دون جدوى ثم تاخر عليك هنا كان الخطأ منك لانك كان المفروض بكل بساطة ان تقولى له اذا لم تستطع ان تأتى لى فى ميعادك اتصل واعتذر لى ونرتب سويا موعد اخر للنزول لكن المماطله والاخذ والشد والجذب والاتصال اكثر من مرة منك والسؤال بالاحاح ..الخ من تصرفات تربك الفرد وتجعله عاجز عن الاتصال والاعتذار لانه يشعر انه لو قال لك هذا ستتعصبى اكثر وتغضبى منه فيفضل مجاراتك الى ان ينتهى مما يعمله !! وهذة تصرفات صدقينى حبيبتى ليست فى صالحك ابدا وفى صالح حياتك الزوجية ...
المشكلة الثانية هى عصبيتك الشديدة !!! فيجب ان تتسم الزوجة بالهدوء والعقلانية ومحاولة معالجة الامر بشكل اقل حده !! انتى ذكرتى حوارك معه وانك تقولى له " ممكن اسئلك سؤال ؟" لكن لم توضحى لنا طريقتك فى الكلام وان كان واضح منه ان صوتك كان عالى وكنتى متحفظه وعينك تطلق شرارات كهربائية وعصبية و و الخ ... وهو ما جعله يزداد توتر واحراج خاصة ان التأخر لم يكن منه بل بسبب الشخص الذى حضر له وأخر نزوله ووصوله لك ....
الحل اذن المصارحة الهادئة....
اطلبى منه ان يحضر لكى واجلسى معه ضعى النقط فوق الحروف بهدوء وتعقل عرفيه ما يغضبك واجعليه يقول ما يغضبه منك علما ان ردة فعله بغلق الباب خلفه هو( ما يشعر به من غضب ) اذن هو غضبان مثلك تماما لكن الفرق بينكما انه سكت ولم يتكلم وانتى تكلمتى فزادت المشكلة بينكما وتصرف زوجك هكذا يعنى انه كتوم ولا يعرف ان يعبر عن غضبه بالصوت العالى والخناق الذى يجعلك تقولى عليه انه ليس بارد ؟؟!!! بل تصرفه اراه تصرف سليم ليس فى كسر باب بيتكم ؟!! لكن فى تركه لك وخروجه لان الاستمرار فى الجلوس كان سيزيد الموضوع اكثر واكثر ...
اذن الان هو زعلان وانتى ايضا لكن الافضل لك ان تكون هذة الجلسة هى للمصارحة ووضع النقط فوق الحروف خاصة ان ( شبح الطلاق ) بدأ يظهر واعلنتى رغبتك فيه حتى لو كان من وراء قلبك !! اجلسى معه وقولى حالنا لا يعجبنى نريد ان نحل خلافاتنا خوفا من ان تكبر بعد الدخول وتصبح مشكلات تنتهى بالطلاق!! ما هى مشكلتك ؟؟ ما هو ما يعجبنى فيك ولا يعجبنى فيك ؟؟ وهو ايضا يقول يفرغ ما فى قلبه و تتفقوا على طريقة فى التعامل ...
نعم للاحترام المتبادل لا للعصبية الزائدة
نعم لاحترام المواعيد لا للاستهتار والا مبالاه
نعم للمصارحة لا للشد والجذب ورمى الكلمات والحركات!!
نعم للحنان والحب لا للمشاكسة والعنف
تتفقوا اذا غضبتى ان يحاول هو امتصاص غضبك وهو اذا غضب تحاولى امتصاص غضبه بالسكوت لتدارك الموقف ثم الجلوس والكلام فى المشكلة بعد ان تهدئا..وهكذا تضعى اسس التعامل فيما بينكما لكن بالشكل الذى اراه واستشفه فى حياتك انك ستكونى وزوجك كالزيت والماء او البنزين والكبريت ولن تنتهى مشاكلكما ابدا ....
كونى عاقلة غاليتى الحبيبة وربنا يوفقك ان شاء الله ...
تحياتى لك ....

تحياتي لبنت النيل التى يعجبنى كثيراً رأيها في أى مشكلة وأنصحك صديقتى بالتفاهم ولكن لا تبدئى بالصلح حفاظاً على كرامتك

انا ما راح ازيد على كلام بنت النيل
الاحترام هو الأساس
انتي دزي له مسج حلو دلوع نعوم ...
اذا رد عليج ابمسج (مو بتلفون) لا تردين عليه ...
وخليه وانطريه يدق عليج أو يمرج البيت ...
وإلا ... قعدي معاه قعده عدله ... وقولي له بكل هدوء كل اللي فخاطرج ...
لا تسكتين ... ترى كثرة الكبت اتولد الانفجار ...
اوجدي له 70 عذر عن ذاك اليوم ... هو أكيد عليه ضغط شغل .. وبعدين فهمت من كلامج انه يدخن ... ترى المدخنين مزاجيين ..
مو دايمن ايي على كيفج ... وهالنقطه خليها في اعتبارج .. المدخن عصبي وايد ... وانتي شكلج بعد عصبيه ... وهالشي يسوي مشاكل وايد ..
امسكي اعصابج .... وامسكي نفسج جدامه عن العصبيه .... لأنه النار لازم ماتقرب من الزيت ... وانتو الاثنين جذي ....
لا تعصبين جدامه .... الريال يحب الهدوء والمره الهاديه الراكزه اللي اتحل المشاكل ابهدوء ... مو بعصبيه ...
لأن الريال عصبي .... ف يحتاج شي يهديه مو يفوره زياده ...
انتي تغلي عليه الحين ...
وبعين سوي اللي قلت لج ... ولا تستعجلين بالزواج والعرس ... صبري على نفسج وعليه ...

شوفى حبيبتى بصراحة البنات ماقصروا بس انا اقول ترى ماهو بس بالحالة غلطان انتى بعد غلطانة ماهى بالطريقة هذى تنحل المشاكل وفية عند الرجال ضروف تخليهم يتاخرون ممكن شخص وقفة يكلمة بموضوع او شى وانشغل وماهو ضرورى يتصل عليك يقولك قدام الرجال انى بتاخر انحرج يكلمك ومافيها شى انتى خليك العاقلة واتصلى علية وصالحية وبعدين ما حنا فى حرب كرامتى ومن ها الكلام يا اختى الزواج محبة وتفاهم اجل بكرة لمن يزعلك وانتى فى بيتة بتشيلين عفشك وبتروحين بيت اهلك يابنت الحلال اعقلى وتعوذى من الشيطان وصالحية بس واللة يتمم لك على خير ويكتب لك اللى فية النصيب