يبغاني اجي بيتو تخيلووها

بسم الله الرحمن الرحيم ..
السلام عليكم ورحمة الله وبركاته ..
بنات قولولي رايكم ..
انا صارت لي مشكله مع زوجي قبل شهر وكم يوم تقريبا
والمشكله اني عانتده في شيء معين وقلي خلي ابوكي يجي ياخدك
اوا انا اللي اوديكي بيت اهلك ..
هذا ملخص فقط للموضوع لكن الموضوع طويل عريض بس هذي كلمتين عشان اختصر الموضوع ..
وبعدين رحت بيت اهلي جا بابا واخدني واخدت عفشي كله معايا
وبعدين انفتح الموضوع مع ابو الولد وخاله وخاله صار هو الوسيط
طبعا خاله شديد شويا فكان يروح ويقول كلام مره قوي يسمعو مننا ويجي يقولنا الكلام القوي اللي يقولو زوجي
المهم الين وصلنا انو زوجي قال ما ابغاها ..!!
وجا بابا كلم ابوه واتفاهم معاه انو خلاص انهي الموضوع ابو زوجي جلس يفهم ابويا انو لا وهذا انفعال ومدري ايش
وبعدين اتفق مع بابا على كل شي تمام ..
طبعا طول الشهر وشويا الولد ما كلم بابا نهائيا ..
بس جا من كم يوم كلم بابا وقلو ابغى اتفاهم معاك ومع زوجتي اللي هوا انا في مكان
عشان نعرف كل واحد ايش اللي له وايش اللي عليه وقال انو ما يبغا ابوه هوا يتدخل ولا خاله
بابا قلو اوكي بس فين قالو تجيني انت وهيا بيتي ..!!!
تخيلو يبغاني اروحلو بيتو عشان اتفاهم معاه !!
بابا قلو لا مكان محايد لازم قال لا هذا بيتها زي ما هوا بيتي وهيا لسا مرتي وانا ابغى اتفاهم
ويا عم ابو فلانه لو انتو ما جيتو تتفاهمو معايا انا حفهم انكم خلاص تبغو تنهو الموضوع وما تبغوني ..!!
نخيلو يتصل عشان يتشرط كمان ..!!!
بابا قلو انت اللي طلعتها من بتك قلو لا انا ما طلعتها ..!!
عيني عينك ..
بنات ايش رايكم في الموضوع ..
الله يخليكم انا مهمومه جدا ادعولي الله يسعدكم انو ربي يفرج همي ويحقق لي ما اتمنى .