يبه ثوبي مشقق وضاقت فيني خيوطه

يبه ثوبي مشقق وضاقت فيني خيوطه !!
يبه ثوبي مشقق
وضاقت
فيني خيوطة
يبه تكفى أبي غيره
يبه مابي حلاوة عيد
ولا ابي عطر يغريهم .... ولاشنطة
ولامكياج
ولا أبي مسكرة لرمشي ..
ولا أبي مثلهم ألعاب
ولا أبي مثلهم دفتر بسيم
ولا أبي ريالين للفسحة
ولا أبي مثلهم كل شهر 200
ولا أبي أنتطر ميعاد .. ولاساعة ..
ولا جوال ولاخاتم عليه ألماس ولا شيلة
ولا أبي ألبس الماركة ولا مخصر ولا الهاي
هاي
ولا أبي شي يسعدني
أبي ثوبي يسترني
لان مريولي ياغالي فيني ضاقت خيوطة
أبي ثوب زي سارة أبوها دايم يغيره
هذيك اللي أبوها هاي أذا يمشي يحط
بشته على أيده
يبه والله ثلاث سنين وهو ثوبي على متني
( تعالوا نكمل المشهد )
وهي تسولف تصب الدمع
وتضم الصورة وتبكي
وتقول بصوتها المخنوق
يبه وينك يبه وينك يبه وين رحلت
هناك
يبه للحين تسمعني
ترى قبرك أزوره دوم
يبه بس باقي الصورة
كل ليلي أناظرها
أكحل عيني بوجهك
وبطيفك أخيط الجرح
يبه وش حيلة بنيتك
بها ضاق وسيع الكون
بها ضاقت زواياالبيت
تخيل عاد
زوج امي يعاملني كأني خادمة عنده
وأخواني تناسوني كلن سارح بهمه
سعد مع زوجته ساهي
وفهد مثله بعدلاهي
لعيونكم
م
س
ر
و
ق