يبه شلونك

يبه شلونك
ملل هالكون من دونك ..
يبه شلونك ؟؟
وتمضي رحلة الدنيا..
بليا طلة عيونك..
يبه شلونك ؟؟
وشلون المرض وياك ؟؟
بعد ماهدك بدنياك..
عساها تغمض جفونك ؟؟
تبي تدري عن أحبابك ؟؟
عن عيون تغنا بك ؟؟
عن قلوب دفنها الشوق..
واذا جاها الغفا جابك ؟؟
.. يبه أمي تخيلك دوم
تغني لك مع القمرا..
يبه واللي خذاك بيوم..
خذا بكريتك عفرا..
خذا.. وياماخذا.. وياما..
خذا ناس يحبونك
يبه حنا صرنا كبار..
توفقنا وتخرجنا..
يبه ماعاد فيه صغار..
يموج بهالزمن كل شي..
وحنا ماتموجنا..
على ذاك العهد نسري..
نبيع العمر والدنيا..
ولا تخلف بنا ظنونك
يبه شلونك ؟؟
تبي تدري عن أخباري ؟؟
عن أفكاري وتذكاري ؟؟
أشيلك داخلي جمرة ..
وبعيون الحزن عبرة..
تغرقني .. وتحرقني..
أشوفك نجمة تجبر..
مراعيها .. يراعيها..
وأشوفك للرجولة اسم..
إذا شد الزمن تقسى..
وأحلم من معاني الحلم..
أحسك مقبل بكرى..
وعيا لا يجي بكرى !!
يبه تذكر زمان مر؟؟
لاقالو ....؟؟
هو أحلى مابهذا العمر..
يبه تذكر مجالسنا ؟
مقلطنا ومجلسنا ؟
وحارتنا ومسجدنا ؟
يبه تذكر هدايا العيد ؟
صلاة العيد؟ وبشت العيد؟
يبه تذكر سوالفنا ؟
لاجل هذا ..
وكل هذا ..
اقول اليوم يايبا ..
ملل هالكون من دونك
ادعو لابي بالرحمه
(ممآ رآآق لي )